چیئرمین سی ڈی اے محمد علی رندھاوا کی زیرصدارت اجلاس ،مویشی منڈیوں، سکیورٹی کے اقدامات اور صفائی کے مناسب انتظامات پر تبادلہ خیال
اشاعت کی تاریخ: 30th, May 2025 GMT
چیئرمین سی ڈی اے محمد علی رندھاوا کی زیرصدارت اجلاس ،مویشی منڈیوں، سکیورٹی کے اقدامات اور صفائی کے مناسب انتظامات پر تبادلہ خیال WhatsAppFacebookTwitter 0 30 May, 2025 سب نیوز
اسلام آباد (سب نیوز)چیئرمین سی ڈی اے، چیف کمشنر اسلام آباداور ڈی جی سول ڈیفینس محمد علی رندھاوا کی زیرصدارت ایک اعلی سطح کا اجلاس منعقد ہوا جس میں عید الاضحی 2025 کے موقع پر مویشی منڈیوں، سکیورٹی کے اقدامات اور صفائی کے مناسب انتظامات پر تبادلہ خیال کیاگیا۔ اجلاس میں آئی سی ٹی انتظامیہ، کیپیٹل ڈویلپمنٹ اتھارٹی(سی ڈی اے)، ڈسٹرکٹ میونسپل انتظامیہ (ڈی ایم اے)، آئی سی ٹی پولیس اور دیگر متعلقہ محکموں کے اعلی افسران نے شرکت کی۔ اجلاس میں شہر بھر میں صفائی، عوامی تحفظ اور 6 مویشی منڈیوں میں موثر انتظام کو یقینی بنانے پر توجہ مرکوز کی گئی۔
سی ڈی اے کے سینی ٹیشن ڈیپارٹمنٹ، ایمرجنسی اینڈ ڈیزاسٹر مینجمنٹ، انکروچمنٹ ڈیپارٹمنٹ، آئی سی ٹی اور ڈائریکٹوریٹ آف میونسپل ایڈمنسٹریشن (ڈی ایم اے)کے تعاون سے ایک جامع صفائی مہم چلائیں گے، جس میں جانوروں کی آلائشوں کی مناسب تلفی کیلئے 200,000 بائیوڈی گریڈیبل تھیلے تقسیم کیے جائیں گے۔ سیف سٹی ہیڈکوارٹرز میں ایک کنٹرول روم عید کی چھٹیوں کے دوران آپریشنز کی نگرانی کرے گا۔ آئی سی ٹی پولیس عیدگاہوں، مارکیٹوں اور عوامی پارکوں میں سیکیورٹی کو مزید بہتر بنائے گی۔ لائیو سٹاک ڈیپارٹمنٹ کی جانب سے مویشی منڈیوں میں مفت ویٹرنری کیمپ لگائے جائیں گے تاکہ شہریوں کو سہولیات فراہم کی جاسکیں۔ عید کی چھٹیوں کے دوران عوامی تحفظ اور نظم و ضبط کو یقینی بنانے کیلئے ایک جامع سیکیورٹی اور ٹریفک پلان بنایا اور نافذ کیا جائے گا، نیز اہم عوامی مقامات اور مارکیٹوں میں پولیس اہلکاروں کی تعیناتی کی جائے گی۔ خاص طور پر بڑے تجارتی مراکز پر پولیس ہیلپ ڈیسک قائم کئے جائیں گے، جبکہ اسلام آباد ٹریفک پولیس کی جانب سے عید کی چھٹیوں کے دوران ٹریفک کے بہا کو ہموار بنانے کیلئے ایک خصوصی پارکنگ پلان ترتیب دیا جائے گا۔ اسی طرح، سی ڈی اے کا سینی ٹیشن ڈیپارٹمنٹ عید کی چھٹیوں کے دوران جانوروں کی آلائشوں کی مناسب تلفی کے بارے میں شہریوں کو آگاہ کرنے کیلئے ایک جامع آگاہی مہم چلائے گا، جس میں واضح کیا جائے گا کہ سینی ٹیشن ڈائریکٹوریٹ سی ڈی اے نے عید الاضحی کے دوران جانوروں کی آلائشیں جمع کرنے کیلئے مناسب انتظامات کر رکھے ہیں۔
چیئرمین سی ڈی اے، چیف کمشنر اسلام آباد اور ڈائریکٹر جنرل سول ڈیفنس نے کہا کہ عید ایمان، عبادت اور اللہ کی بندگی کے ساتھ ساتھ اتحاد، ہمدردی اور معاشی سرگرمیوں کی اہمیت کو اجاگر کرتی ہے۔ یہ فیملیز کے اکٹھا ہونے، رشتوں کو مضبوط بنانے اور اجتماعی دعاوں اور تقریبات میں شامل ہونے کا وقت ہے۔ سی ڈی اے عید کی چھٹیوں کے دوران شہریوں کی بہترین ممکنہ مدد کیلئے انتہائی پرعزم ہے اور صاف، محفوظ اور آرام دہ ماحول فراہم کرنے کیلئے مختلف اقدامات کر رہا ہے، جن میں کنٹرول رومز کا قیام، عیدگاہوں پر سیکیورٹی اور روشنی کے انتظامات کا جائزہ، نیز شہریوں کے گھروں تک سینی ٹیشن اور ایمرجنسی خدمات کی فراہمی شامل ہیں۔عید الضحی کے موقع پر دوستانہ تفریح کو فروغ دینے کیلئے لیک ویو پارک اور دامن کوہ کو باضابطہ طور پر فیملی پارک کے طور پر نامزد کیا جائے گا۔ عید کی چھٹیوں کے دوران ٹریفک کو منظم کرنے کیلئے مری ڈسٹرکٹ انتظامیہ کے ساتھ مشترکہ اقدامات بھی کئے جائیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیرداخلہ محسن نقوی کا عید الاضحی کے موقع پر ایکسپریس وے پر قائم بکر منڈی کا دورہ، پارکنگ کے لئے ایریا مختص اور فی جانور فیس میں مناسب کمی کا حکم وزیرداخلہ محسن نقوی کا عید الاضحی کے موقع پر ایکسپریس وے پر قائم بکر منڈی کا دورہ، پارکنگ کے لئے ایریا مختص اور فی... سی ای او آئیسکو محمد نعیم جان نے فیڈرز، ٹرانسفارمرز اور صارفین کی انفرادی شکایات کے ازالے میں تاخیر کا نوٹس لے لیا پارلیمنٹ میں جعلی بھرتیاں کرنے والا ملازم بے نقاب ، معطل ، اسپیکر نے معاملہ ایف آئی اے کو بھجوا دیا، جعلی لیٹر سمیت... حکومت نے عیدالاضحی کی تعطیلات کا اعلان کردیا، کتنی چھٹیاں ہوں گی، تفصیلات سب نیوز پر یکم جون سے پیٹرولیم مصنوعات کی قیمتوں میں معمولی ردوبدل کا امکان ہفتہ وار بنیادوں پر مہنگائی کی شرح میں 0.81فیصد کمی ریکارڈ،گزشتہ ہفتے 14اشیا مہنگی ہوئیں، ادارہ شماریات
Copyright © 2025, All Rights Reserved
رابطہ کریں ہمارے بارے ہماری ٹیم
ذریعہ
ذریعہ: Daily Sub News
کلیدی لفظ: چیئرمین سی ڈی اے مناسب انتظامات مویشی منڈیوں
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ