اسلا م آباد، تجاوزات کیخلاف آپریشن کے دوران ریڑھی ضبط ہونے پر دل کا دورہ پڑنے سے ریڑھی بان جاں بحق
اشاعت کی تاریخ: 30th, May 2025 GMT
اسلام آباد(اردوپوائنٹ اخبار تازہ ترین۔30 مئی 2025)اسلام آبادمیں تجاوزات کیخلاف آپریشن کے دوران ریڑھی ضبط کئے جان پر دل کا دورہ پڑنے سے ریڑھی بان جاں بحق ہوگیا، واقعہ اسلام آباد کے علاقے ضیا مسجد میں کیپیٹل ڈیولپمنٹ اتھارٹی (سی ڈی اے) کے عملے کی جانب سے کارروائی کے دوران پیش آیا،عینی شاہدین، لواحقین اور دیگر دکانداروں کے مطابق سی ڈی اے نے علاقے میں تجاوزات کے خلاف آپریشن کیا اس دوران آزاد کشمیر سے تعلق رکھنے والے 65 سالہ منظور احمد سمیت متعدد افراد کی ریڑھیاں ضبط کی گئیں۔
اس حوالے سے اہل خانہ کا کہنا ہے کہ آپریشن کے وقت منظور احمد خود موقع پر موجود نہیں تھے بلکہ ان کا بھتیجا جلال چاول فروخت کر رہا تھا۔موقع پر موجود دکانداروں نے منظور احمد کو فون کرکے اطلاع دی کہ ان کی ریڑھی کو سی ڈی اے کا عملہ ضبط کر رہا ہے۔(جاری ہے)
یہ خبر ملنے پر منظور احمد فوراً موقع پر پہنچے لیکن تب تک سی ڈی اے کا عملہ ان کا سامان ٹرک میں منتقل کرچکا تھا۔
منظور احمد کو اس موقع پر اچانک دل کا دورہ پڑا اور وہ زمین پر گر گئے اور جب انہیں فوری طور پر قریبی ہسپتال منتقل کیا گیا تو ڈاکٹرز نے انہیں مردہ قرار دے دیا۔منظور احمد کے بھتیجے جلال نے مجسٹریٹ کے سامنے بیان دیتے ہوئے تصدیق کی کہ ان کے چچا کی موت دل کا دورہ پڑنے سے ہوئی اور خاندان اس معاملے میں کوئی قانونی کارروائی نہیں کرنا چاہتا۔دوسری جانب صوبائی دارالحکومت لاہور میں تجاوزات کے خلاف گرینڈ آپریشن جاری ہے،ڈی سی لاہور سید موسیٰ رضا کی سربراہی کریک ڈاون جاری رہا تھا۔ شہر کی خوبصورتی بحال کرنے کیلئے 2800 تجاوزات کا خاتمہ کیا گیا تھا۔سی او ایم سی ایل شاہد عباس کاٹھیہ کی نگرانی میں آپریشنز جاری رہا تھا۔ انارکلی، اردو بازار سمیت 15 سے زائد علاقوں میں تجاوزات کاخاتمہ کیا گیا۔واہگہ ٹاون، جوہر ٹاون سمیت متعدد علاقوں سے تجاوزات کا خاتمہ کیا گیا تھا۔آپریشن کے دوران27 ٹرکو ں کا سامان ضبط کیا گیا تھا جبکہ بڑی تعداد میں بینرز، پوسٹرز ،سٹریمرز ہٹائے گئے تھے۔تجاوزات ہٹانے سے شہر میں ٹریفک کی روانی میں بہتری آئی۔اس حوالے سے ڈی سی لاہور کا کہنا تھا کہ وزیر اعلیٰ کے کلین لاہور مشن کی کامیابی یقینی بنانا ضروری تھا۔ڈپٹی کمشنر لاہور سید موسیٰ رضا کی قیادت میں تحصیل راوی کا تفصیلی دورہ کیا تھا۔ ڈپٹی کمشنر نے صفائی کے ناقص نظام پر ڈی سی لاہور کا عدم اطمینان اظہار کیا تھا۔ ڈی سی کا وزیراعلیٰ پنجاب کے کلین لاہور مشن کی کامیابی کیلئے جامع اقدامات کا حکم دیا تھا۔ ڈپٹی کمشنر لاہور کا کہنا تھا کہ شہریوں کو صاف ستھرا ماحول فراہم کرنا اولین ترجیح ہے۔.
ذریعہ: UrduPoint
کلیدی لفظ: تلاش کیجئے میں تجاوزات دل کا دورہ آپریشن کے کے دوران سی ڈی اے کیا گیا
پڑھیں:
اسلام آباد پولیس نے جماعت اسلامی کے رہنما مشتاق احمد کو حراست میں لے لیا
اسلام آباد پولیس نے جماعت اسلامی کے رہنما مشتاق احمد کو حراست میں لے لیا WhatsAppFacebookTwitter 0 30 May, 2025 سب نیوز
اسلام آباد(سب نیوز) وفاقی پولیس نے جماعت اسلامی کے مرکزی رہنما اور سینیٹر مشتاق احمد خان کو دفعہ 144 کی خلاف ورزی کے الزام میں حراست میں لے لیا۔ مشتاق احمد خان کو نیشنل پریس کلب کے باہر احتجاج کے دوران گرفتار کیا گیا۔
پولیس کے مطابق جماعت اسلامی کے کارکنان نے نیشنل پریس کلب کے باہر اجتماع کی کوشش کی جو کہ موجودہ حالات میں نافذ دفعہ 144 کی خلاف ورزی ہے۔ پولیس نے موقع پر کارروائی کرتے ہوئے متعدد کارکنان کو بھی گرفتار کر لیا۔
جماعت اسلامی کی قیادت نے اس اقدام کی مذمت کرتے ہوئے کہا ہے کہ پرامن احتجاج ہر شہری کا آئینی حق ہے اور رہنما کی گرفتاری جمہوری اقدار کے خلاف ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرڈیجیٹل کرنسی ریگولیٹ اور ضوابط طے کرنے کیلئے پاکستان کرپٹو کونسل کا اجلاس طلب ڈیجیٹل کرنسی ریگولیٹ اور ضوابط طے کرنے کیلئے پاکستان کرپٹو کونسل کا اجلاس طلب کشمیر و فلسطین پر قبضے علاقائی امن کیلئے خطرہ بن چکے ہیں، اسحاق ڈار پاک، افغان تعلقات میں بڑا بریک تھرو، نائب وزیراعظم اسحاق ڈار نے افغانستان میں سفیر کی تعیناتی کا اعلان تنخواہ دار طبقے کے لیے بجٹ میں ریلیف کی تیاری، انکم ٹیکس میں کمی کی تجویز غزہ جنگ بندی کا عارضی منصوبہ، پہلے ہفتے 28اسرائیلی قیدی رہا ہونگے احتجاج پر پابندی ہے، شہری غیر قانونی سرگرمیوں کا حصہ نہ بنیں، اسلام آباد انتظامیہ کی وارننگCopyright © 2025, All Rights Reserved
رابطہ کریں ہمارے بارے ہماری ٹیم
بھارت میں فلم کے پوسٹرز سے ہٹانے پر ماہرہ خان کا ردعمل سامنے آگیا