ہمارے کسی سے مذاکرات نہیں چل رہے، شیخ وقاص احمد
اشاعت کی تاریخ: 30th, May 2025 GMT
اسلام آباد:
رہنما تحریک انصاف شیخ وقاص احمد کا کہنا ہے کہ پہلی بات تو یہ ہے کہ ہمارے کسی کے ساتھ کوئی مذاکرات نہیں چل رہے ہیں، میں دہرا رہا ہوں اس وقت کوئی مذاکرت نہیں چل رہے ہیں، جو خبریں اڑائی گئی تھیں، جو ڈس انفارمیشن پھیلائی گئی تھی کہ کوئی آدمی اندر آ کر ملا ہے اور معاملہ شروع ہے، اس کی خان صاحب نے بھی تردید کر دی.
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہا کہ نمبر دو کچھ لو اور کچھ دو کی بات علیمہ باجی کے حوالے سے کل سے ڈسکس ہو رہی ہے.
رہنمامسلم لیگ (ن) عقیل ملک نے کہاکہ بات یہ ہے کہ پی ٹی آئی اور اس کی لیڈر شپ اور اس کا ورکر جو ہے ابھی انتہائی تذبذب کا شکار ہے ، اس کی وجہ یہ ہے کہ پہلے ایک اسٹیٹمنٹ دی جاتی ہے اور اس کے ساتھ پھر واٹرز بھی ٹیسٹ کیے جاتے ہیں، پانی کا بہاؤ دیکھا جاتا ہے، پانی کا ٹمپریچر چیک کیا جاتا ہے کہ درجہ حرارت اصل میں ہے کیا، اس درجہ حرارت میں دیکھا جاتا ہے کہ پانی کتنا ٹھنڈا یا پانی کتنا گرم ہے، اسی لیے اپنی ہمشیرہ کے ذریعے ایک اسٹیٹمنٹ پاس کرائی جاتی ہے اور کہا جاتا ہے کہ کوئی لے دے کر لیں ہمارے ساتھ۔ ماہر معیشت.
ہارون شریف نے کہا کہ پہلی بات تو یہ ہے کہ کرپٹو اسٹریٹجک ریزرو ایک امبیشس پروگرام ہے، یہ رسکی پریپوزیشن ہے، کوشش یہ کی جا رہی ہے کہ پاکستان کی جو سرپلس بجلی ہے مائننگ کی ایک اسٹوریج کی ایک اسپیس کیلیے اس کو استعمال کیا جائے اور جو پاکستان کے آئی ٹی کے پروفیشنلز ہیں ان کا جو پروڈیوس ہے اس کی ایک انٹلیکچوئل ویلیو لگا کہ وہاں پر اسٹور کی جائے، یہ کونسیپٹ ہوتا ہے مائننگ کا۔
ذریعہ: Express News
پڑھیں:
پاکستان اپنے حصے کے پانی پر کوئی سمجھوتہ نہیں کرے گا: وزیر اعظم شہباز شریف
تاجکستان کے دارالحکومت دوشنبے میں گلیشیئرز کے تحفظ سے متعلق بین الاقوامی کانفرنس منعقد ہوئی، جس میں عالمی ماحولیاتی چیلنجز پر گفتگو ہوئی۔ وزیر اعظم شہباز شریف نے عالمی کانفرنس سے خطاب کرتے ہوئے گلیشیئرز کے تحفظ پر زور دیا اور اس اہم موضوع پر کانفرنس کے انعقاد پر تاجک صدر کو مبارکباد پیش کی۔ وزیراعظم شہباز شریف نے اپنے خطاب میں کہا کہ بھارت کی جانب سے سندھ طاس معاہدے کو یکطرفہ طور پر معطل کرنے کے فیصلے پر بات کرتے ہوئے وزیراعظم نے اسے قابلِ مذمت قرار دیا اور کہا کہ پاکستان اپنے حصے کے پانی پر کوئی سمجھوتہ نہیں کرے گا۔ وزیراعظم نے ماحولیاتی تبدیلیوں پر اظہار تشویش کرتے ہوئے کہا کہ پاکستان میں گلیشیئرز تیزی سے پگھل رہے ہیں، جس کے سنگین نتائج سامنے آ رہے ہیں۔ انہوں نے یاد دلایا کہ 2022 میں پاکستان کو شدید سیلاب اور طوفانی بارشوں کا سامنا کرنا پڑا، جس سے لاکھوں افراد متاثر ہوئے۔ وزیراعظم نے کہا کہ پاکستان میں 13 ہزار سے زائد گلیشیئرز موجود ہیں، جو نہ صرف قدرتی حسن کا حصہ ہیں بلکہ پاکستان کے آبی وسائل کا بڑا ذریعہ بھی ہیں۔ انہوں نے کہا کہ پاکستان کے پانی کا تقریباً نصف حصہ گلیشیئرز سے حاصل ہوتا ہے، اس لیے ان کا تحفظ ہمارے لیے انتہائی اہمیت رکھتا ہے۔ شہباز شریف نے کہا کہ پاکستان کا زہریلی گیسوں کے اخراج میں حصہ عالمی سطح پر نصف فیصد سے بھی کم ہے، اس کے باوجود ماحولیاتی تبدیلیوں سے سب سے زیادہ متاثر ہونے والے ممالک میں شامل ہے۔ ان کے مطابق موسمیاتی تبدیلی نے پاکستان کے قدرتی ایکو سسٹم کو بھی متاثر کیا ہے۔ وزیراعظم نے عالمی برادری، خاص طور پر ترقی یافتہ ممالک سے مطالبہ کیا کہ وہ ماحولیاتی تبدیلی کے چیلنجز سے نمٹنے میں اپنی ذمہ داریاں نبھائیں۔ انہوں نے ترقی یافتہ ممالک پر زور دیا کہ وہ ترقی پذیر ملکوں میں ارلی وارننگ سسٹم کے قیام اور دیگر ماحولیاتی اقدامات میں سرمایہ کاری میں اضافہ کریں۔
بنگلادیش ٹیم کا دورہ پاکستان، سیکیورٹی کیلئے فوج اور سول آرمڈ فورسز تعینات ہونگی، وزارت داخلہ