جی ایچ کیو حملہ سمیت سانحہ 9 مئی کے 11 مقدمات کی سماعت آج ہوگی
اشاعت کی تاریخ: 31st, May 2025 GMT
راولپنڈی:
سانحہ 9 مئی سے متعلق 11 مقدمات کی سماعت آج انسداد دہشت گردی کی خصوصی عدالت میں ہوگی، جج امجد علی شاہ سماعت کریں گے۔ عدالت میں جیل ٹرائل کی بجائے باقاعدہ طور پر کچہری عدالت میں کارروائی کی جائے گی۔
ذرائع کے مطابق آج کی سماعت کے دوران تمام 11 مقدمات کے باقی ملزمان میں چالان کی نقول تقسیم کی جائیں گی، جبکہ پاکستان تحریک انصاف (پی ٹی آئی) کے بانی چیئرمین اور شاہ محمود قریشی کو وکلاء کے ذریعے چالان کی نقول فراہم کیے جانے کا امکان ہے۔
چالان کی نقول کی تقسیم کے بعد فردِ جرم عائد کرنے کی تاریخ مقرر کی جائے گی۔ان مقدمات میں جی ایچ کیو گیٹ نمبر 4 پر حملے اور آرمی میوزیم حملے جیسے اہم کیسز بھی شامل ہیں، جنہیں سنگین نوعیت کا قرار دیا گیا ہے۔
آج کی سماعت میں پی ٹی آئی کے سینئر رہنما شیخ رشید، عمر ایوب، شبلی فراز، عثمان ڈار اور شیریں مزاری بھی عدالت میں پیش ہوں گے۔
کچہری عدالت کے اطراف سکیورٹی کے انتہائی سخت انتظامات کیے گئے ہیں، تاکہ کسی بھی ناخوشگوار واقعے سے نمٹا جا سکے۔ قانون نافذ کرنے والے ادارے چوکنا ہیں اور داخلی و خارجی راستوں پر سخت نگرانی کی جا رہی ہے۔
.
ذریعہ
ذریعہ: Express News
پڑھیں:
230 سے زائد پی ٹی آئی رہنماؤں کارکنوں کی عبوری ضمانت میں توسیع
اسلام آباد (وقائع نگار) انسداد دہشتگردی عدالت کے جج ابوالحسنات محمد ذوالقرنین کی عدالت نے 26 نومبر، سنگجانی جلسہ ، سپریم کورٹ کے باہر احتجاج و دیگر مقدمات میں 230 سے زائد پی ٹی آئی رہنماؤں و کارکنان کی عبوری ضمانت میں توسیع کردی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی