توشہ خانہ 2 ریفرنس کیس،بشریٰ بی بی کا عدالت میں آنے سے انکار،سماعت 3 جون تک ملتوی
اشاعت کی تاریخ: 31st, May 2025 GMT
راولپنڈی (ڈیلی پاکستان آن لائن )اڈیالہ جیل میں توشہ خانہ ٹو ریفرنس کی سماعت کے دوران بشریٰ بی بی نے عدالت میں آنے سے انکار کردیا،عدالت نے ساڑھے تین گھنٹے تک ملزمہ کا انتظار کرنے کے بعد سماعت تین جون تک ملتوی کر دی۔
نجی ٹی وی سما کے مطابق جیل حکام نے عدالت کو بتایاکہ بشریٰ بی بی نے یہ کہتے ہوئے عدالت میں آنے سے انکار کر دیا ہے کہ منگل کو ان کی بانی پی ٹی آئی سے ملاقات نہیں کروائی گئی اس لئے وہ عدالت نہیں آئیں گی،سپیشل جج سینٹرل شاہ رخ ارجمند کا بشریٰ بی بی کے عدالت نہ آنے پر برہمی کا اظہار کیا،استغاثہ نے ملزمہ کی ضمانت منسوخ کرنے پر اصرار کیا۔
سپیشل پبلک پراسیکیوٹر ذوالفقار عباس نقوی نے مو¿قف اپنایا کہ بشریٰ بی بی اس کیس میں ضمانت پر ہیں۔ عدالت اپنے اختیارات کا استعمال کرتے ہوئے ان کے بغیر ہی سماعت آگے بڑھائے۔
سپیشل جج سینٹرل نے کہا کہ بشریٰ بی بی کو حاضری کا ایک موقع دیتے ہوئے کیس کی سماعت 3 جون تک ملتوی کر دی اور کہا وہ آئندہ سماعت پر نہ آئیں تو ضمانت منسوخ کرسکتے ہیں۔
عیدالاضحیٰ پر کس ملک میں کتنی تعطیلات ہوں گی؟
مزید :.ذریعہ: Daily Pakistan
پڑھیں:
عمران خان کیخلاف 9 مئی کے 11 مقدمات کے ٹرائل کا نیا نوٹیفکیشن جاری
پنجاب حکومت نے 9 مئی کے 11 مقدمات کے ٹرائل کا نیا نوٹیفکیشن جاری کر دیا۔
وزارت داخلہ پنجاب کی جانب سے جاری اعلامیے کے مطابق 9 مئی کے 11 مقدمات کا ٹرائل اب انسداد دہشت گردی عدالت میں ہوگا اور بانی پی ٹی آئی کو ویڈیو لنک کے ذریعے پیش کیا جائے گا۔
نوٹیفکیشن کے مطابق 9 مئی کے 11 مقدمات کی سماعت آئندہ اے ٹی سی عدالت میں ہو گی، ویڈیو لنک اور سکیورٹی انتظامات سے متعلق ہدایات بھی جاری کر دی گئی ہیں۔
یاد رہے کہ جی ایچ کیو حملہ کیس کی سماعت 5 نومبر کو انسداد دہشتگردی کی خصوصی عدالت میں ہوگی جس میں بانی پی ٹی آئی کو ویڈیو لنک کے ذریعے اڈیالہ جیل سے کمرہ عدالت میں پیش کیا جائے گا۔
سماعت انسداد دہشت گردی کی خصوصی عدالت کے جج امجد علی شاہ کریں گے۔
محبت، بلیک میلنگ اور قتل، خوفناک واردات کی تفصیل سامنے آگئی