شام اور اسرائیل کے درمیان حملوں کا دور ختم ہونا چاہئے، ابو محمد الجولانی
اشاعت کی تاریخ: 1st, June 2025 GMT
اپنے ایک انٹرویو میں شام پر قابض ٹولے کے سربراہ کا کہنا تھا کہ خطے میں شام اور اسرائیل کے مشترکہ دشمن ہیں۔ ہم خطے کی سلامتی میں اہم کردار ادا کر سکتے ہیں۔ اسلام ٹائمز۔ آج شام پر قابض ٹولے کے سربراہ "ابو محمد الجولانی" نے کہا کہ دمشق اور تل ابیب کے درمیان گولہ باری کا دور ختم ہونا چاہیے۔ انہوں نے کہا کہ خطے میں شام اور اسرائیل کے مشترکہ دشمن ہیں۔ ہم خطے کی سلامتی میں اہم کردار ادا کر سکتے ہیں۔ ابو محمد الجولانی نے ان خیالات کا اظہار ایک یہودی رسالے کو انٹرویو دیتے ہوئے کہا۔ اس موقع پر انہوں نے 1974ء میں اختلافات کو ختم کرنے کے معاہدے کی جانب واپس لوٹنے کا اظہار کیا۔ تاہم انہوں نے واضح کیا کہ یہ صرف سیز فائر تک محدود نہیں ہونا چاہیے بلکہ اس میں شام و اسرائیل کے درمیان باہمی خودمختاری کی ضمانت موجود ہو اور گولان ہائٹس میں دروزی برادری سمیت عام شہریوں کے تحفظ کو یقینی بنایا جائے۔
ابو محمد الجولانی نے اسرائیل کے ساتھ فوری تعلقات کی بحالی کے امکان کو مسترد کیا۔ انہوں نے کہا کہ وہ مستقبل میں بین الاقوامی قوانین اور شام کی خودمختاری کو ملحوظ خاطر رکھتے ہوئے مذاکرات کے لیے تیار ہیں۔ انہوں نے کہا کہ امن، خوف سے نہیں بلکہ باہمی احترام سے حاصل ہونا چاہیے۔ انہوں نے امریکی صدر ڈونلڈ ٹرامپ سے براہ راست بات چیت کرنے کی خواہش کا بھی اظہار کیا اور کہا کہ علاقائی استحکام کے لیے شام کو ایک ایماندار ثالث کی ضرورت ہے۔ واضح رہے کہ The Jewish Journal ایک آزاد اور غیر منافع بخش ہفتہ وار امریکی جریدہ ہے جو لاس اینجلس میں یہودی کمیونٹی کے مسائل پر بات کرتا ہے۔ اسے ریاستہائے متحدہ امریکہ میں سب سے نمایاں یہودی میڈیا آؤٹ لیٹس میں سے ایک سمجھا جاتا ہے۔
ذریعہ: Islam Times
کلیدی لفظ: ابو محمد الجولانی اسرائیل کے نے کہا کہ انہوں نے
پڑھیں:
حق سچ کی آواز اٹھانے والے صحافیوں پر ظلم و تشدد بند ہونا چاہیے، مریم نواز
وزیر اعلیٰ پنجاب کا صحافیوں کیخلاف جرائم کے خاتمے کے عالمی دن پر اپنے پیغام میں کہنا تھا کہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے، پنجاب میں صحافی اور صحافت محفوظ ہے، اللہ تعالیٰ کے فضل و کرم سے یہاں ان کے قتل و تشدد کے واقعات نہ ہوئے نہ ہی ہوں گے،بے گھر صحافیوں کیلئے اپنی چھت کا خواب پورا کرنے کیلئے پُرعزم ہیں، حق اور سچ کی راہ پر چلنے والے صحافیوں کیساتھ ہیں اور ان کے حقوق کا تحفظ کریں گے۔ اسلام ٹائمز۔ وزیر اعلیٰ پنجاب مریم نواز شریف نے صحافیوں کیخلاف جرائم کے خاتمے کے عالمی دن پر اپنے پیغام میں کہا ہے کہ حق سچ کی آواز اٹھانے والے صحافیوں پر ظلم و تشدد بند ہونا چاہیے، احساس ذمہ داری کیساتھ آزادی صحافت جمہوریت کی اساس ہے۔ مریم نواز نے کہا کہ مضبوط جمہوری معاشرے کیلئے صحافت کا آزاد ہونا بہت ضروری ہے، صحافی معاشرتی انصاف کے محافظ اور عوام کی آواز ہیں، ظلم، ناانصافی اور جھوٹ کو بے نقاب کرنیوالے صحافی ہیرو ہیں۔ مریم نواز کا کہنا تھا کہ بحیثیت وزیر اعلیٰ آزادی صحافت کے تحفظ کی ضامن ہوں، صحافیوں کے حقوق کے تحفظ کیلئے حکومت متعدد اقدامات کر رہی ہے۔ مریم نواز نے کہا کہ بے گھر صحافیوں کیلئے اپنی چھت کا خواب پورا کرنے کیلئے پُرعزم ہیں، حق اور سچ کی راہ پر چلنے والے صحافیوں کیساتھ ہیں اور ان کے حقوق کا تحفظ کریں گے۔ مریم نواز کا کہنا ہے کہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے، پنجاب میں صحافی اور صحافت محفوظ ہے، اللہ تعالیٰ کے فضل و کرم سے یہاں ان کے قتل و تشدد کے واقعات نہ ہوئے نہ ہی ہوں گے۔
پاکستان نے بھارت کے 7 بالکل نئے خوبصورت طیارے مار گرائے، ٹرمپ