سندھ اسمبلی کی توانائی کمیٹی میں کے الیکٹرک پر شدید تنقید، غیر اعلانیہ لوڈشیڈنگ پر برہمی کا اظہار
اشاعت کی تاریخ: 2nd, June 2025 GMT
کراچی(ڈیلی پاکستان آن لائن)سندھ اسمبلی کی قائمہ کمیٹی برائے توانائی کا اجلاس کراچی میں ہوا جس میں کے الیکٹرک کے چیف ایگزیکٹو آفیسر (سی ای او) مونس علوی سمیت متعلقہ حکام نے شرکت کی۔ اجلاس میں ارکان اسمبلی نے شہر بھر میں جاری غیر اعلانیہ اور طویل لوڈشیڈنگ پر شدید برہمی کا اظہار کرتے ہوئے کے الیکٹرک پر سخت سوالات کی بوچھاڑ کر دی۔
نجی ٹی وی چینل آج نیوز کے مطابق اجلاس کے دوران رکن اسمبلی (ایم پی اے) معاذ محبوب نے مونس علوی سے مکالمہ کرتے ہوئے کہا کہ اگر لوڈشیڈنگ کا شیڈول دیا جا چکا ہے تو اس کے بعد بجلی کی بندش کا کوئی جواز نہیں بنتا۔ معاذ محبوب نے زور دیا کہ غیرقانونی لوڈشیڈنگ پر مقدمہ درج ہونا چاہئے۔ مونس علوی نے جواباً کہا کہ ’کیا آپ بجلی چوری پر بھی مقدمہ درج کرائیں گے؟‘ جس پر معاذ محبوب نے کہا، ’ہم بجلی چوری کے خلاف آپ کے ساتھ ہیں، لیکن آپ غیر اعلانیہ لوڈشیڈنگ تو روکیں۔‘
بھارتی جارحیت:طارق فاطمی کی زیرقیادت دوسرا وفد آج ماسکو روانہ ہوگا
سپیکر اویس قادر شاہ نے اجلاس کے دوران واضح ہدایات دیتے ہوئے کہا کہ شہر کی تمام ڈسٹری بیوشن کمپنیوں کو لوڈشیڈنگ کا واضح شیڈول دینا ہوگا تاکہ عوام کو پیشگی آگاہی حاصل ہو سکے۔
اجلاس میں ایم پی اے محمد فاروق نے بھی کے الیکٹرک کو آڑے ہاتھوں لیتے ہوئے کہا کہ ’طے ہوا تھا کہ رات کے وقت لوڈشیڈنگ نہیں ہوگی، پھر شیڈول کس کی اجازت سے تبدیل ہوا؟‘ مونس علوی نے جواب دیا کہ ’ہیٹ ویو کے دوران 45 ڈگری پر ہم لوڈشیڈنگ نہیں کرتے۔‘ محمد فاروق نے طنزیہ انداز میں پوچھا، ’کراچی میں 45 ڈگری کب ہوا ہے؟‘
سمبڑیال کی عوام نے پی ٹی آئی کو آئینہ دکھا دیا، ہر طرف ’’گھڑی چور‘‘ کے نعرے گونجتے رہے: عظمیٰ بخاری
مونس علوی نے ایک موقع پر کہا کہ ’جماعت اسلامی کو ہم سے کچھ زیادہ محبت ہے‘، جس پر اراکین نے اس بیان کو غیر سنجیدہ قرار دیا۔
ایم پی اے آصف موسیٰ نے بلدیہ ٹاؤن کی صورت حال بیان کرتے ہوئے کہا کہ ’اس علاقے کا کوئی پرسان حال نہیں، وہاں رات کو بھی لوڈشیڈنگ ہوتی ہے۔ 18 گھنٹے کی لوڈشیڈنگ میں امن و امان کیسے قائم رہ سکتا ہے؟‘
آصف موسیٰ نے مزید انکشاف کیا کہ شہر کی تاجر برادری اب اپنی علیحدہ ڈسٹری بیوشن کمپنی لانے پر غور کر رہی ہے، جو کے الیکٹرک پر عدم اعتماد کا واضح ثبوت ہے۔
نصف سے زائد بجٹ قرض ادائیگی میں جائیگا، 118 سے زائد منصوبے بند کردیئے: احسن اقبال
اجلاس میں مجموعی طور پر کے الیکٹرک کی کارکردگی پر شدید تحفظات کا اظہار کیا گیا اور مطالبہ کیا گیا کہ غیر اعلانیہ لوڈشیڈنگ کے خلاف فوری اقدامات کیے جائیں۔
مزید :.
ذریعہ
ذریعہ: Daily Pakistan
کلیدی لفظ: غیر اعلانیہ ہوئے کہا کہ کے الیکٹرک مونس علوی
پڑھیں:
اسرائیل میں نیتن یاہو کی ہٹ دھرمی پر تنقید میں اضافہ
تجزیہ کاروں کے مطابق نیتن یاہو کے بعض خفیہ سیاسی مقاصد بھی تھے، وہ بیروت میں فوجی کارروائیوں کے ذریعے امریکہ اور ایران کے درمیان جاری مذاکراتی عمل کو ناکام بنانا چاہتے تھے، اسی تناظر میں امریکی صدر ٹرمپ نے نیتن یاہو سے رابطہ کیا اور انہیں ممکنہ نتائج سے آگاہ کرتے ہوئے دباؤ ڈالا۔ اسلام ٹائمز۔ اسرائیل میں وزیراعظم بنیامین نیتن یاہو کی ہٹ دھرمی پر مسلسل تنقید میں اضافہ ہو رہا ہے۔ الجزیرہ ٹی وی کی رپورٹ کے مطابق اسرائیلی سیاست دانوں اور مختلف ذرائع ابلاغ کے تجزیہ کاروں کا کہنا ہے کہ بنیامین نیتن یاہو قومی اہداف کی بجائے سیاسی مفادات اور اقتدار کے تحفظ کو ترجیح دے رہے ہیں۔ اسرائیلی میڈیا میں اظہار خیال کرنے والے مبصرین نے کہا کہ بہت سے اسرائیلی شہری اور سیاسی حلقے توقع کر رہے تھے کہ نیتن یاہو ایسے اقدامات کریں گے، جنہیں وہ اسرائیل کے تزویراتی مقاصد کے حصول کیلئے ضروری سمجھتے ہیں، تاہم ان کی حالیہ پالیسیوں نے ان توقعات کو پورا نہیں کیا۔
ناقدین کا کہنا ہے کہ انہوں نے ایک بار پھر ریاستی مفادات کے بجائے اپنی سیاسی بقا کو ترجیح دی، تجزیہ کاروں کے مطابق نیتن یاہو کے بعض خفیہ سیاسی مقاصد بھی تھے، وہ بیروت میں فوجی کارروائیوں کے ذریعے امریکہ اور ایران کے درمیان جاری مذاکراتی عمل کو ناکام بنانا چاہتے تھے، اسی تناظر میں امریکی صدر ٹرمپ نے نیتن یاہو سے رابطہ کیا اور انہیں ممکنہ نتائج سے آگاہ کرتے ہوئے دباؤ ڈالا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ