ایران کیساتھ باہمی تعلقات میں روز بروز اضافہ ہو رہا ہے، بدر عبدالعاطی
اشاعت کی تاریخ: 2nd, June 2025 GMT
قاہرہ میں اپنے ایرانی ہم منصب کیساتھ مشترکہ پریس کانفرنس کیساتھ خطاب میں مصری وزیر خارجہ کا کہنا تھا کہ اسلامی جمہوریہ ایران کیساتھ ہماری مشاورت جاری ہے اور ہمیں خوشی ہے کہ ایران کیساتھ ہمارے تعلقات روز افزوں ترقی کر رہے ہیں اسلام ٹائمز۔ مصری وزیر خارجہ بدر عبدالعاطی نے آج قاہرہ میں اپنے ایرانی ہم منصب سید عباس عراقچی کے ساتھ ایک مشترکہ پریس کانفرنس سے خطاب کیا۔ اس دوران اسکائی نیوز کے ایک سوال کے جواب میں ایران و مصر کے درمیان باہمی تعلقات کی توسیع اور مستقبل قریب میں سفارتی تعلقات کو مزید بہتر بنانے کے بارے بدر عبد العاطی کا کہنا تھا کہ باہمی تعلقات کو فروغ دینے کے لئے پیشرفت ہوئی ہے اور یہ نہ صرف دونوں ممالک بلکہ پورے خطے کے مفاد میں ہے۔ مصری وزیر خارجہ نے کہا کہ مصر اس قیمتی مقصد کو حاصل کرنے کے لئے ہمسایہ ممالک کے ساتھ باہمی تعلقات کو استعمال کرتا ہے جس کا مقصد خطے میں کشیدگی کو کم کرنا اور اس بات کو یقینی بنانا ہے کہ خطے میں بحران نہ پھیلے اور نہ ہی کسی جنگ کا باعث بنے۔
اس بات پر زور دیتے ہوئے کہ اسلامی جمہوریہ ایران کے ساتھ ہماری مشاورت جاری ہے اور ہمیں خوشی ہے کہ ایران کے ساتھ ہمارے تعلقات روز افزوں ترقی کر رہے ہیں، بدر عبد العاطی نے کہا کہ خلیج فارس کے ممالک بھی ایران کے ساتھ اپنے تعلقات کو بڑھانے کے خواہاں ہیں۔ انہوں نے کہا کہ خطے میں بڑھتی کشیدگی بہت خطرناک ہے ہم خطے میں کشیدگی کو بڑھنے سے روکنے کے لئے ایران اور امریکہ کے ساتھ اپنے اچھے تعلقات کو استعمال کر رہے ہیں۔ اعلی مصری سفارتکار نے کہا کہ مصر خطے میں سلامتی، امن و استحکام کے لئے کوشاں ہے اور ممالک کے اندرونی معاملات میں عدم مداخلت پر ہم سبھی کا اتفاق ہے مزید یہ کہ خطے میں درپیش خطرات و چیلنجز کا مل کر مقابلہ کرنا چاہیئے۔
ایران کے خلاف اسرائیلی دھمکیوں اور خطے میں جنگ کے تسلسل کے حوالے سے پوچھے گئے ملکی اخبار الاحرام کے جواب میں مصری وزیر خارجہ نے کہا کہ ہم نے مصر کی خارجہ پالیسی میں ایسے اصول طے کئے ہیں کہ جو کسی بھی فوجی خطرے کی مکمل مخالفت کرتے ہیں اور یہ امر (یعنی ایران پر حملہ) ہماری رائے میں ناقابل قبول ہے، جیسا کہ مصر کی کوششیں ہمیشہ سیاسی و پرامن حل کے بارے میں رہی ہیں لہذا کشیدگی میں کوئی بھی اضافہ جلتی پر تیل ڈالنا ہے جس سے خطہ قابو سے باہر ہو جائے گا اور خطے میں مزید مسائل و بحران پیدا ہوں گے۔
مصری وزیر خارجہ نے زور دیتے ہوئے کہا کہ ہم سیاسی و پرامن حل کے لئے کوشاں ہیں اور ہم نے ایران و امریکہ کے مذاکرات کا بھی خیر مقدم کیا جس کے بارے میں نے کل ہی اسٹیو وٹکاف سے بھی بات کی ہے۔ انہوں نے کہا کہ مصر و امریکہ کے درمیان بنیادی و پرامن حل کے بارے وسیع تفاہم موجود ہے جبکہ طاقت کا استعمال خطے کے ممالک و اقوام عالم کے مفاد میں نہیں۔ اس حوالے سے اپنی گفتگو کے آخر میں بدر عبد العاطی نے عدم جوہری پھیلاؤ کے معاہدے (NPT) کے بارے بھی کہا کہ اس معاہدے کو مکمل طور پر لاگو کیا جانا چاہیئے اور میں نے عالمی جوہری توانائی ایجنسی (IAEA) کے ڈائریکٹر جنرل رافائل گروسی کے ساتھ بھی اس بارے بات کی ہے کیونکہ جب ہم جوہری ہتھیاروں کے پھیلاؤ کو روکنے کی بات کرتے ہیں تو اس معاملے پر عملدرآمد بھی ہونا چاہیئے!
ذریعہ: Islam Times
کلیدی لفظ: باہمی تعلقات تعلقات کو نے کہا کہ ایران کے کے بارے کے ساتھ کہ مصر ہے اور کے لئے
پڑھیں:
وزیراعظم کے دورے، دوست ممالک کیساتھ تعلقات مضبوط ہوئے: حمزہ شہباز
لاہور (نوائے وقت رپورٹ) سابق وزیراعلی پنجاب حمزہ شہباز شریف مسلم لیگ ن کے دیرینہ کارکن بوبی گجر کے بھائی کی وفات پر فاتحہ خوانی کے لئے ان کی رہائشگاہ گئے اور مرحوم کے بلندی درجات کے لئے دعا کی۔ مزید برآں مسلم لیگ ن کے ورکر شوکت بٹ کی والدہ کی رحلت پر فاتحہ خوانی کے لئے ان کے گھر بھی تشریف آوری اور اہلخانہ سے اظہار تعزیت کیا۔ سابق وزیراعلی پنجاب کا کہنا تھا کہ بھارت کے ساتھ جنگ کے بعد وزیراعظم کے حالیہ دوروں سے ہمارے برادر اور دوست ممالک کے ساتھ تعلقات مزید مضبوط اور مستحکم ہوئے ہیں۔ پاکستان کا موقف کھل کر اور بھرپور طریقے سے دنیا کے سامنے پیش ہوا ہے۔ نواز شریف کی رہنمائی اور وزیراعظم شہباز شریف کی انتھک محنت و قابلیت کے سبب پاکستان دوبارہ سے ترقی کی راہ پر گامزن ہے۔
ٹیکنو Premier 5G Camon 40 اب پاکستان میں دستیاب