کراچی میں ملیر جیل سے فرار متعدد قیدی دوبارہ گرفتار
اشاعت کی تاریخ: 3rd, June 2025 GMT
اسلام آباد (اُردو پوائنٹ ۔ DW اردو۔ 03 جون 2025ء) پاکستانی میڈیا رپورٹوں کے مطابق کراچی پولیس اور صوبائی حکام نے بتایا کہ پیر اور منگل کی درمیانی شب ملیر جیل سے 100 سے زائد قیدی 'زلزلے کے باعث کمزور ہونے والی‘ دیوار توڑ کر فرار ہو گئے، جن میں سے 76 کو دوبارہ گرفتار کر لیا گیا جبکہ دیگر کی تلاش میں چھاپے مارے جا رہے ہیں۔
پاکستانی جیلوں میں خواتین قیدیوں کی تعداد میں اضافہ کیوں؟
ایس ایس پی ملیر نے بتایا کہ ملیر ڈسٹرکٹ جیل سے 500 سے 600 قیدیوں نے فرار ہونے کی کوشش کی۔
ایس ایس پی نے کہا کہ 100 سے زیادہ قیدی فرار ہو گئے، اور ان میں سے 73 کو دوبارہ پکڑ لیا گیا اور دیگر فرار ہونے والوں کی تلاش جاری ہے۔ پولیس نے نو مشتبہ افراد کو بھی حراست میں لے لیا۔(جاری ہے)
انہوں نے بتایا کہ قیدیوں نے پولیس اہلکاروں سے اسلحہ چھین لیا اور فائرنگ کر دی۔ فائرنگ کے دوران ایک قیدی ہلاک اور پانچ زخمی ہو گئے۔ فائرنگ کے تبادلے میں تین ایف سی اہلکار زخمی بھی ہوئے۔
جیل کے قریب فائرنگ سے علاقے میں خوف وہراس پھیل گیا۔ پولیس اور رینجرز نے اطراف کے علاقوں کو گھیرے میں لے لیا۔ کراچی میں ہائی الرٹپولیس حکام کے مطابق کراچی میں پولیس کو ہائی الرٹ کر دیا گیا ہے اور شہر بھر میں گشت بڑھا دیا گیا ہے۔
سندھ کے وزیر جیل خانہ جات علی حسن نے جیل سے قیدیوں کے فرار ہونے کا نوٹس لیتے ہوئے آئی جی جیل خانہ جات اور ڈی آئی جی جیل خانہ جات سے رپورٹ طلب کر لی ہے۔
اڈیالہ جیل پر ناکام حملے کی خبروں کے بعد انکوائری کا مطالبہ
وزیر جیل خانہ جات نے کہا کہ فرار ہونے والے قیدیوں کو ہر صورت پکڑا جائے اور واقعے میں غفلت برتنے والے اہلکاروں کی نشاندہی کی جائے گی۔
انہوں نے کہا کہ ناکہ بندی، جاسوسی، نگرانی اور انٹیلیجنس کے ذریعے تمام اقدامات کو کامیاب بنایا جائے گا اور تمام ضروری اقدامات کیے جائیں گے۔
انہوں نے اس بات کی بھی تصدیق کی کہ قیدیوں کے مکمل کوائف موجود ہیں اور کوئی خطرناک یا دہشت گرد قیدی فرار نہیں ہوا۔
ہم اس بارے میں کیا جانتے ہیں؟کراچی میں گذشتہ 48 گھنٹوں میں 11 بار زلزلے محسوس کیے گئے۔ زلزلوں کے بعد قیدیوں کو حفاظتی طور پر بیرکوں سے باہر منتقل کیا گیا، جس کا فائدہ اٹھاتے ہوئے قیدیوں نے دیوار کو دھکا دے کر توڑ دیا اور فرار ہونے میں کامیاب ہو گئے۔
پاکستان: جیلوں میں بند سینکڑوں افراد کے خاندانوں کی صعوبتیں
ابتدائی تحقیقات کے مطابق ملیر جیل کی دیوار حالیہ زلزلوں کے جھٹکوں کی وجہ سے کمزور ہو چکی تھی۔
ڈپٹی انسپکٹر جنرل (ڈی آئی جی) جیل خانہ جات حسن سہتو نے میڈیا سے گفتگو میں بتایا کہ اس وقت جیل میں تقریباً چھ ہزار قیدی موجود ہیں۔ 'زلزلے کے بعد قیدیوں میں خوف و ہراس پھیل گیا تھا اور انہوں نے نہ صرف دیوار توڑی بلکہ تالے بھی توڑنے کی کوشش کی۔
'ہزاروں ڈالر کمانے والے کراچی جیل کے ہنرمند قیدی
حکام نے بتایا کہ نیشنل ہائی وے کے دونوں اطراف کو ٹریفک کے لیے بند کر دیا گیا ہے۔ رینجرز اور پولیس نے موقع پر پہنچ کر فرار ہونے والے قیدیوں کی گرفتاری کے لیے سرچ آپریشن شروع کر دیا ہے۔
حکام کا کہنا ہے کہ جیل کے اندر اور باہر سکیورٹی کو مزید سخت کر دیا گیا ہے تاکہ مزید کوئی ناخوشگوار واقعہ پیش نہ آئے۔
ج ا ⁄ ص ز (خبر رساں ادارے)
.ذریعہ: UrduPoint
کلیدی لفظ: تلاش کیجئے جیل خانہ جات نے بتایا کہ دیا گیا ہے فرار ہونے کراچی میں انہوں نے فرار ہو کر دیا جیل سے ہو گئے
پڑھیں:
کراچی، ملیر جیل سے فرار مزید 3 قیدی گرفتار، تعداد 94 ہوگئی، 122 تاحال فرار
قیدیوں کی جانب سے جیل سیکیورٹی پر تعینات اہلکاروں سے چھینے جانے والی 2 ایس ایم جیز کا بھی اب تک کوئی سراغ نہیں مل سکا ہے اور نہ ہی یہ معلوم ہو سکا کہ کون سے قیدیوں نے سیکیورٹی اہلکاروں سے اسلحہ چھینا تھا۔ اسلام ٹائمز۔ شہر قائد کی ڈسٹرکٹ ملیر جیل سے قیدیوں کے فرار ہونے کا واقعہ، فرار ہونے والے مزید 3 قیدیوں کو مختلف علاقوں سے گرفتار کر لیا گیا، گرفتار قیدیوں کی تعداد 94 ہوگئی، 122 قیدی ابھی بھی مفرور ہیں، جن کی گرفتاری کیلئے سرچ آپریشن جاری ہے۔ تفصیلات کے مطابق ڈسٹرکٹ جیل ملیر سے قیدیوں کے فرار ہونے کے واقعے کی تحقیقات جاری ہیں، گزشتہ 24 گھنٹوں کے دوران 27 قیدیوں کو گرفتار کرکے ڈسٹرکٹ جیل ملیر منتقل کر دیا گیا۔ مجموعی طور پر گرفتار قیدیوں کی تعداد 105 ہوگئی ہے، جبکہ 111 قیدی تاحال فرار ہیں، جن کی گرفتاریوں کیلئے جیل پولیس اور کراچی پولیس کی الگ الگ ٹیموں کی جانب سے شہر کے مختلف علاقوں میں سرچ آپریشن کا سلسلہ جاری ہے، ادھر رضا کارانہ طور پر بھی قیدیوں کی ڈسٹرکٹ جیل ملیر واپسی کا سلسلہ جاری ہے۔ جیل فرار ہونے والے محمد آصف نامی قیدی کو اس کے ماموں محمد اسلم رضا کارانہ طور پر ڈسٹرکٹ جیل ملیر پہنچ گئے، قیدی کو جیل حکام کے حوالے کر دیا گیا۔ قیدی محمد آصف نے میڈیا کے نمائندوں سے بات چیت کرتے ہوئے بتایا کہ وہ چوری کے کیس میں گرفتار ہو کر ڈسٹرکٹ جیل ملیر آیا تھا۔ گزشتہ دس ماہ سے ملیر جیل میں قید ہے اور کا کیس بھی عدالت میں چل رہا ہے، قیدی نے بتایا کہ پیر اور منگل کی درمیانی شب زلزلے کے شدید جھٹکوں کے باعث ملیر جیل میں قیدیوں میں شدید خوف و ہراس پھیل گیا تھا اور زلزلے کی وجہ سے ایک جیل کی دیوار بھی ٹوٹی تھی۔ قیدی محمد آصف کا کہنا تھا کہ بیرک کا دروازہ کھلا ہونے پر تمام قیدی بیرک سے باہر آگئے، جیل کے دروزاے کھلے ہوئے تھے، جبکہ ایک دروازہ بند تھا، جسے قیدیوں نے دھکا دیا تو وہ دروازہ بھی کھل گیا اور تمام قیدی جیل کے مرکزی دروازے سے فرار ہوگئے۔
قیدی محمد آصف کا کہنا تھا کہ وہ اپنی سزا مکمل کرنا چاہتا ہے۔ قیدی کے ماموں نے بتایا کہ آصف جیل سے فرار ہونے کے بعد بدھ کی صبح گلبرگ میں ان کے گھر پہنچا تھا اور انہوں نے آصف کو سمجھا تو وہ مان گیا، جس کے بعد اسے رضا کارانہ طور پر واپس جیل لیکر آیا ہوں۔ پولیس حکام کا کہنا ہے کہ فرار ہونے والے قیدیوں کے تمام کوائف جمع کر لیے گئے ہیں اور ان کے گھروں پر بھی چھاپے مارے جا رہے ہیں، امید ہے قیدی جلد گرفتار کر لے جائیں گے۔ جیل حکام کا کہنا ہے کہ رضا کارانہ طور پر واپس جیل آنے والے قیدیوں کے ساتھ رعایت بھرتی جائے گی، جبکہ واپس نہ آنے والے قیدیوں کے ساتھ سختی کی جائے گی۔ ڈسٹرکٹ جیل ملیر سے قیدیوں کے فرار ہونے کے ایک روز بعد صورتحال معمول پر آگئی اور جیل میں قیدیوں سے ملاقات پر لگائی گئی پابندی بھی اٹھا لی گئی ہے۔ ملیر جیل میں موجود قیدی اپنے اہلخانہ سے ملاقاتیں بھی کر رہے ہیں، جبکہ کئی قیدیوں کے اہلخانہ ملیر جیل کے باہر موجود ہیں اور ان کا کہنا ہے۔ ان کے قیدیوں کے حوالے سے اب تک جیل حکام کی جانب سے کسی قسم کی کوئی معلومات فراہم نہیں کی جا رہی ہے، جس کی وجہ سے وہ شدید پریشانی اور اذیت کا شکار ہیں۔
ڈسٹرکٹ جل ملیر کی سیکیورٹی بھی ہائی الرٹ کر دی گئی ہے، ملیر جیل میں ایف سی کے ساتھ رینجرز اہلکار بھی جیل کے مرکزی گیٹ پر تعینات کر دیئے گئے ہیں۔ دوسری جانب ڈسٹرکٹ جیل ملیر کے افسران سمیت 23 اہلکاروں کو معطل کیے جانے کے بعد ڈی آئی جی جیل خانہ جات محمد اسلم ملک اور شہاب الدین صدیقی نے جیل سپریٹینڈنٹ ملیر جیل نے اپنے عہدے کا چارج سنبھال لیا۔ پیر اور منگل کی درمیانی شب قیدیوں کی جانب سے جیل سیکیورٹی پر تعینات اہلکاروں سے چھینے جانے والی 2 ایس ایم جیز کا بھی اب تک کوئی سراغ نہیں مل سکا ہے اور نہ ہی یہ معلوم ہو سکا کہ کون سے قیدیوں نے سیکیورٹی اہلکاروں سے اسلحہ چھینا تھا۔ مقدمے کے اندراج کے بعد تفتیشی ٹیم نے ملیر جیل سے شواہد جمع کرنا شروع کر دیئے ہیں، قیدیوں سے بھی اسلحہ چھیننے سے متعلق پوچھ گچھ کی جا رہی ہے۔ تفتیشی ٹیم نے بیرکس، جیل دفاتر اور دیگر جگہوں شواہد اکٹھے کیے تصاویر بھی بنائیں، ڈسٹرکٹ ملیر جیل میں سی سی ٹی وی کیمرے نہ ہونے کی وجہ سے تفتیش میں مشکلات کا سامنا ہے، تفتیشی ٹیم نے جیل عملے کی بیان ریکارڈ کئے گئے ہیں۔
پاکستان میں کار کمپنیوں کا بین الاقوامی حفاظتی معیارات سے فقط 9 فیصد مطابقت رکھنے کا انکشاف