بین الاقوامی طلبہ نے ڈریگن کشتی مقابلے کے ذریعے چینی ثقافت کو اپنالیا
اشاعت کی تاریخ: 3rd, June 2025 GMT
چھانگ چھون(شِنہوا)چین کے شمال مشرقی صوبے جی لِن میں پاکستانی طالب علم عزیز اللہ نے ڈریگن کشتی میلے سے قبل اپنی پہلی ڈریگن کشتی دوڑ میں حصہ لیا۔ عزیز اللہ کا کہنا ہے کہ ڈریگن کشتی روایتی چینی ثقافت کی علامت ہے۔ اس مقابلے کے ذریعے ہم نے دوستی کو مضبوط کیا ہے۔ ریس میں ان کی ٹیم نے شاندار کارکردگی دکھائی۔جی لِن زرعی یونیورسٹی میں ماسٹرز کی تعلیم حاصل کرنے والے عزیزاللہ نے اپنی ٹیم کے ساتھ روزانہ ایک ہفتے سے زیادہ تربیت کی۔ انہوں نے بتایا کہ ہم تقریباً ہر روز مشق کرتے تھے۔ چین آنے سے پہلے ہی وہ اس تہوار کے بارے میں پڑھ چکے تھے کہ یہ محب وطن شاعر چھو یوآن کی یاد میں منایا جاتا ہے۔ اس تہوار کی روایات میں ڈریگن کشتی دوڑ اور زونگ زی (چپچپے چاولوں کے ڈمپلنگز) کھانا شامل ہیں۔28 مئی کو یونیورسٹی کی جھیل میں ڈریگن کشتیاں قطار میں صفائی سے کھڑی تھیں۔ پانی کی چمکدار سطح پر چپو زنوں نےہم آہنگی سے چلتی چپوؤں سے لہروں کو چیرتے ہوئےاپنی ٹیموں کو تیزی سے اختتامی لائن کی طرف بڑھایا۔ ان ٹیموں میں ایک بین الاقوامی طلبہ کی ٹیم نمایاں رہی۔ایک سجی ہوئی کشتی پر 12 بین الاقوامی طلبہ سوار تھےجس کے آگے اور پیچھے سنہری ڈریگن کے سر اور دم تھے۔ ایک طالب علم کشتی کے اگلے حصے میں ڈھول بجا رہا تھا، دوسرا کشتی چلا رہا تھا جبکہ 10چپو زن ہم آواز نعرے لگا کر کشتی کو آگے بڑھا رہے تھے۔ان چپو زنوں میں 28 سالہ ایتھوپین طالب علم میشنگ اینالم بھی شامل تھے۔ چین میں 2 سال سے رہتے ہوئے یہ ان کا پہلا ڈریگن کشتی تجربہ تھا۔ انہوں نے کہا کہ یہ دوڑ بے حد جوشیلے تجربے جیسی تھی۔ میرے ملک میں بھی کشتیوں کے کھیل ہوتے ہیں لیکن میں نے کبھی حصہ نہیں لیا۔کبھی سوچا بھی نہ تھا کہ چین میں ڈریگن کشتی دوڑ میں حصہ لوں گا۔بہت سے بین الاقوامی طلبہ کے لئے یہ تہوار ثقافتی آگاہی کے ساتھ ساتھ ایک منفرد چیلنج بھی تھا۔لیسوتھو سے تعلق رکھنے والے 26 سالہ کبیلو ماکاتجان نے بتایا کہ ہم میں سے اکثر نے کبھی ڈریگن کشتی نہیں چلائی تھی۔ ابتدا میں کشتی اتنی ہلتی تھی کہ ہمیں پانی میں گرنے کا ڈر تھا۔ ان کی ٹیم 16 میں سے 8 ویں نمبر پر رہی۔ ہم بہت خوش ہیں۔ اپنےکوچ کی رہنمائی میں ہم نے توازن بنانا سیکھا اور اپنےخوف پر قابو پایا۔ اگلے سال ہم اور بہتر کارکردگی دکھائیں گے۔انعامی تقریب میں ہر بین الاقوامی طالب علم کو زونگ زی کا تحفہ دیا گیا۔ عزیز نے بانس کے پتوں میں لپٹے اس پکوان کو “میٹھا اور مزیدار” قرار دیتے ہوئے کہا کہ سب نے اسے بہت پسند کیا۔پاکستانی طالب علم فیض الرحمان نے کہا کہ میں امید کرتا ہوں کہ اگلے سال دوبارہ حصہ لوں۔ ہمارے ہاں فٹبال اور والی بال مقبول کھیل ہیں لیکن ڈریگن بوٹنگ واقعی غیر معمولی تفریح ہے۔یونیورسٹی نے اس ایونٹ کو کامیاب بنانے کے لئے مرحلہ وار تیاری کی جن میں چینی روایتی ثقافت اور ڈریگن کشتی دوڑ پر لیکچرز شامل تھے۔ ماہرین تہذیب اور کوچز نے چینی و بین الاقوامی طلبہ کو میلے کی تاریخ، ڈریگن کشتی دوڑ کی ثقافتی اہمیت، مقابلے کے اصول، چپو چلانے کی تکنیک اور ٹیم ورک کی حکمت عملی پر تربیت دی۔ڈریگن کشتی میلہ 2 ہزار سال سے زائد پرانا چینی تہوار ہے۔ ڈریگن کشتی دوڑ اس کی بنیادی رسوم میں سے ایک ہے جو تاریخی طور پر چین کے جنوبی حصے میں زیادہ عام ہے لیکن اب یہ شمالی علاقوں میں بھی دریا اور جھیلوں کے آس پاس مقبول ہو چکی ہے۔ڈریگن کشتی میلہ جو دوان یو میلہ بھی کہلاتا ہے اس سال ہفتے کے روز منایا گیا۔ ہزاروں سال سے ڈریگن کشتی دوڑ جو اس تہوار کا مرکزی حصہ ہے، یہ چین کا پہلا روایتی تہوار ہے جو یونیسکو کی غیر مادی ثقافتی ورثے کی فہرست میں شامل ہے
Post Views: 4.ذریعہ: Daily Mumtaz
کلیدی لفظ: بین الاقوامی طلبہ طالب علم
پڑھیں:
دنیا کے 5 عجیب و غریب مقابلے کے کھیل
ہم میں سے اکثر کھیلوں کی دنیا میں فٹبال، ہاکی، کرکٹ اور اسنوکر جیسے معروف کھیلوں سے واقف ہیں لیکن ان کھیلوں کے علاوہ دنیا بھر میں کئی دلچسپ اور عجیب و غریب مقابلے بھی منعقد کیے جاتے ہیں۔
درج ذیل پانچ منفرد اور دلچسپ کھیلوں کا ذکر کیا جارہا ہے:
1) چیز رولنگ (Cheese Rolling)
اس کھیل میں ایک پنیر سے بنا ایک بڑے پہیے کو ایک ڈھلوان پر لڑھکایا جاتا ہے، اور درجنوں لوگ اس کے پیچھے دوڑتے ہیں۔ پہلا شخص جو نیچے پنیر تک پہنچتا ہے، وہ نہ صرف جیتتا ہے بلکہ وہ پوری پنیر بھی اس کی ہوجاتی ہے۔
2) داڑھی اور مونچھوں کا عالمی مقابلہ
اس میں داڑھی اور مونچھوں کی انوکھی اقسام کی نمائش کا مظاہر ہوتا ہے جس میں تین اقسام شامل ہوتی ہیں، قدرتی، اسٹائل اور تخلیقی۔ مقابلے میں داڑھیوں کا دلچسپ اسٹائل دیکھا جاتا ہے۔ جس کی داڑھی یا مونچھ زیادہ منفرد اور اچھی ہوتی ہے، وہ مقابلہ جیت جاتا ہے۔
3) بیوی کو کمر پر لاد کر چلنے کا مقابلہ
اس میں مرد اپنی بیوی (یا خاتون ساتھی) کو مخصوص فاصلے تک مختلف رکاوٹوں کے ساتھ لے کر دوڑتے ہیں۔ جیتنے والے کو بیوی کے وزن کے برابر شراب دی جاتی ہے۔
4) بوگ سنورکلنگ (Bog Snorkeling)
یہ مقابلے کا انعقاد ویلز کے ایک دیہی علاقے میں کیا جاتا ہے۔ اس میں دلدلی پانی میں 60 میٹر کے ٹریک تک کم ترین وقت میں تیراکی کرنا شامل ہوتا ہے۔
5) انڈے پھینکنے کا مقابلہ
اس کھیل میں ٹیم کا ایک کھلاڑی انڈا پھینکتا ہے اور دوسرا پکڑتا ہے۔ اس میں انڈے پھینکنے کی دوری اور انڈے کو گرنے سے بچانے کی مہارت دیکھی جاتی ہے۔ اگر انڈا نہ ٹوٹے تو ٹیم کو پوائنٹ ملتے ہیں۔
بھارتی سیکریٹری خارجہ کا دورہ امریکا ناکام، پاکستان کیخلاف کوئی حمایت حاصل نہ کرسکے