نائیجیریا میں تباہ کن سیلاب سے اموات کی تعداد 200 سے تجاوز کر گئی
اشاعت کی تاریخ: 3rd, June 2025 GMT
نائیجیریا میں گزشتہ ہفتے آنے والے شدید سیلاب کے باعث اموات کی تعداد 200 سے تجاوز کر گئی ہے۔
فرانسیسی خبر رساں ادارے کے مطابق نیگر اسٹیٹ کے انسانی ہمدردی کے کمشنر نے اموات کی تصدیق کرتے ہوئے بتایا کہ 200 افراد کے ہلاک ہونے کے علاوہ سیلاب میں بہہ جانے والے سیکڑوں افراد کی تلاش جاری ہے۔
موکوا ٹاؤن میں نے گزشتہ ہفتے اپنی تاریخ کے بدترین سیلاب کا سامنا کیا جس میں ایک ہی رات میں 250 سے زائد گھر سیلاب سے تباہ ہوگئے جبکہ متعدد ہلاکتیں بھی ہوئیں۔
یہ اعلانات اس وقت سامنے آئے جب سرکاری اعداد و شمار میں 150 افراد کے ہلاک ہونے کی تصدیق کی گئی تھی جبکہ کچھ خاندانوں نے درجن سے زائد قریبی رشتہ داروں کوبدترین سیلاب میں کھو دیا ہے۔
مقامی رہائشی احمد سلیمان نے نائیجیرین براڈ کاسٹ چینلز سے بات کرتے ہوئے دعویٰ کیا کہ نگر اسٹیٹ میں ہی 200 سے زائد افراد ہلاک ہو چکے ہیں لیکن یہاں کوئی بھی اموات کے حوالے سے درست معلومات فراہم نہیں کر رہا، ہم سیلاب میں بہہ جانے والے مزید افراد کو تلاش کر رہے ہیں۔’
ایک ہفتہ گزر جانے کے باوجود بھی سیلاب میں بہہ جانے والے افراد کے حوالے سے سرکاری طور پر کوئی حتمی اعداد و شمار سامنے نہیں آسکے، موکوا ٹاون میں سیلاب میں بہہ جانے والے متعدد افراد کی تلاش اب بھی جاری ہے، اس تباہ کن سیلاب کو 2024 میں آنے والے سیلاب سے کہیں زیادہ خطرناک قرار دیا جا رہا ہے۔
واضح رہے کہ 2024 کے ملک بھر میں آنے والے سیلاب میں 321 افراد موت کے منہ میں چلے گئے تھے، حالیہ سیلاب میں افراد کی لاشیں مل گئی تھیں تو یہ تعداد کہیں زیادہ بڑھ سکتی ہے۔
موسمیاتی تبدیلیوں سے نائیجیریا کے موسم میں بڑی تبدیلی دیکھنے میں آئی ہے ساتھ ہی اس کے بے رحم اثرات مقامی افراد پر بھی پڑ رہے ہیں۔
مقامی افراد نے اے ایف پی کو بتایا کہ پانی کا لیول مسلسل بڑھ رہا ہے، متعدد جگہوں پر ریلوے ٹریکس بھی متاثر ہوئے ہیں۔
تاہم سیلاب کی تباہ کاریوں کی بڑی وجہ سیلابی پانی کی گزرگاہ میں کچے گھروں کی تعمیرات، نکاسی آب کے مناسب انتظامات نہ ہونا بھی بتایا جارہا ہے۔
رضا کاروں اور ایمرجنسی رسپانس ٹیموں نے متعدد افراد کی لاشوں کو دریائے نگرسے برآمد کرلیا، برآمد ہونے والی لاشیں موکوا ٹاؤن سے 10 کلو میٹر دور دریا سے برآمد ہوئیں۔
دوسری جانب، کچھ روز قبل نائیجیرین میٹرولوجیکل ایجنسی نے ملک کی 36 میں سے 15 ریاستوں میں سیلاب کے حوالے سے وارننگ الرٹ جاری کیا تھا۔
سرکاری حکام نے دعویٰ کیا کہ سیلاب سے متاثرہ افراد کو بروقت مدد فراہم کرنے کے ساتھ ساتھ ان میں امدادی سامان تقسیم کیا گیا ہے تاہم مقامی افراد نے الزام عائد کیا کہ انھیں حکومت کی جانب سے کسی قسم کی امداد موصول نہیں ہوئی۔
ذریعہ: Daily Mumtaz
کلیدی لفظ: افراد کی سیلاب سے نے والے
پڑھیں:
اٹلی میں برفانی تودہ گرنے سے 5 جرمن کوہ پیما ہلاک
اٹلی کے شمالی صوبے کے پہاڑی سلسلے میں جرمن کوہ پیماؤں پر مشتمل دو مختلف گروپ برفانی تودے کی زد میں آگئے۔
عالمی خبر رساں ادارے کے مطابق یہ کوہ پیما تقریباً 3,200 سے 3,500 میٹر کی بلندی پر واقع چوٹی کے راستے پر چڑھ رہے تھے۔
ابتدائی طور پر برفانی تودہ کوہ پیما کے پہلے گروپ کے تین افراد کو اپنے ساتھ بہا کر گہری کھائی میں لے گیا۔ تینوں موقع پر ہی ہلاک ہوگئے۔
بعد ازاں دیگر دو کوہ پیما جن میں ایک والد اور اس کی 17 سالہ بیٹی شامل ہیں۔ منصرہ مقام سے تقریباً 200 میٹر سے نیچے پھسلنے یا بہہ جانے کے بعد ہلاک پائے گئے۔
کیمپ، ریسکیو ٹیمز اور ہیلی کاپٹر عملے نے امدادی کارروائی کی مگر خراب موسم اور دشوار گزار بلندی کی وجہ سے ریسکیو کا کام تاخیر کا شکار ہوا۔
اس دوران دو کوہ پیماؤں کو بچا لیا گیا جنھیں اسپتال منتقل کردیا گیا اور ان کی حالت خطرے سے باہر بتائی جا رہی ہے۔
یہ حادثہ ایک ایسے مقام پر ہوا جہاں تازہ برف پڑنے کے بعد سفید پوشی اور ناہموار سطح پائی جا رہی تھی۔ برفانی تودہ اُس وقت ٹوٹا جب موسم نسبتاً ناہموار تھا اور وہ وقت سفر کے لحاظ سے درست نہ تھا۔
دستیاب اعداد اور شمار کے مطابق اٹلی سمیت متعدد ممالک میں سالانہ اوسطاً 20 سے 22 اموات ہوتی ہیں۔
تحقیقات میں کہا گیا ہے کہ اٹلی میں اسکائی ماؤنٹیننگ یا آف پِسٹ سرگرمیوں کے دوران ہونے والی اَوالانچ اموات کی اوسطاً 21.6 سالانہ رہی ہے۔
خیال رہے کہ 2025 کی گرمیوں کے دوران اٹلی کے پہاڑی علاقوں میں ہائیکرز اور سیاحوں کی اموات کا بڑھتا ہوا رجحان دیکھا گیا ہے۔
کراچی، نادرن بائی پاس پر پلاسٹک کے گودام میں آگ لگ گئی