شیخ رشید کی مویشی منڈی آمد،قربانی کیلئے2اونٹ خرید لیے
اشاعت کی تاریخ: 4th, June 2025 GMT
راولپنڈی(نیوز ڈیسک)سابق وفاقی وزیر داخلہ شیخ رشید احمد عیدالاضحیٰ کی تیاریوں کے سلسلے میں راولپنڈی کی مویشی منڈی پہنچے، جہاں انہوں نے قربانی کے لیے دو اونٹ خریدے۔
تفصیلات کے مطابق شیخ رشید احمد نے حسبِ روایت اس سال بھی اونٹ کی قربانی دینے کا فیصلہ کیا ہے۔
یاد رہے کہ گزشتہ برس بھی انہوں نے اونٹ کی قربانی دی تھی، جسے سوشل میڈیا پر خوب پذیرائی ملی تھی۔
مویشی منڈی میں موجود افراد نے شیخ رشید کی آمد پر دلچسپی کا اظہار کیا جبکہ سابق وفاقی وزیر نے مختصر وقت قیام کے بعد جانور خریدے اور واپس روانہ ہو گئے۔
شیخ رشید کی جانب سے ہر سال قربانی میں حصہ لینے کی روایت برقرار ہے اور ان کے قریبی ذرائع کا کہنا ہے کہ وہ عیدالاضحیٰ سادگی اور مذہبی جوش و جذبے سے منانے کا ارادہ رکھتے ہیں۔
مزیدپڑھیں:نقدی اور سونے پرٹیکس لگانے کی تجاویز مسترد،ڈیجیٹل سروسز پر ٹیکس کی اجازت
ذریعہ: Daily Ausaf
پڑھیں:
تھک بابوسر میں سیلابی ریلے میں جان دینے والے فہد اسلام کی قربانی کا بیٹا چشم دید گواہ
گلگت بلتستان کے علاقے تھک بابوسر میں پیش آنے والے افسوسناک سانحے میں جان بحق ہونے والے سیاح فہد اسلام کے بیٹے عاصم فہد نے واقعے کی تفصیلات بتاتے ہوئے کہا ہے کہ ان کے والد نے اپنی بھابھی اور بھتیجے کو بچانے کے لیے پانی میں چھلانگ لگائی تھی۔
یہ بھی پڑھیں: گلگت بلتستان، شاہراہ تھک بابوسر پر سیلابی ریلے کی تباہ کاریاں، 3 سیاح جاں بحق، 15 سے زائد لاپتا
عاصم فہد کا کہنا تھا کہ ہم اسکردو سے واپس آرہے تھے کہ اچانک سیلابی ریلا آیا، ہم نے پہاڑ کے نیچے پناہ لینے کی کوشش کی، اسی دوران چچی مشعال فاطمہ اور 3 سالہ عبدالہادی پانی کی زد میں آگئے، والد نے بغیر سوچے سمجھے ان دونوں کو بچانے کے لیے ریلے میں چھلانگ لگا دی، لیکن وہ خود بھی جان کی بازی ہار گئے۔
یاد رہے کہ چند روز قبل لودھراں سے تعلق رکھنے والی ایک فیملی پکنک منانے اسکردو گئی تھی، واپسی پر تھک بابوسر کے قریب اچانک سیلابی ریلا آیا، جس میں ڈاکٹر مشعال فاطمہ، ان کے دیور فہد اسلام جاں بحق ہوگئے، جبکہ ڈاکٹر مشعال کا بیٹا عبدالہادی اب تک لاپتا ہے۔
یہ بھی پڑھیں: اسکردو دیوسائی روڈ کھول دی گئی: پاک فوج کے ہیلی کاپٹرز کے ذریعے 200 سے زائد سیاح ریسکیو، بابوسر روڈ پر ایمرجنسی نافذ
حادثے کے بعد لاشیں مقامی اسپتال منتقل کی گئیں، جہاں سہولیات کی کمی کے باعث مسائل کا سامنا ہے۔ فیملی ممبر ڈاکٹر حفیظ اللہ نے میڈیا سے گفتگو میں بتایا کہ اسپتال میں 2 روز سے بجلی نہیں، جس کے باعث لاشوں کو برف کے بلاکس سے محفوظ رکھا جارہا ہے۔ انہوں نے حکومت سے مطالبہ کیا کہ فوری طور پر لاشوں کی لودھراں منتقلی کا بندوبست کیا جائے تاکہ تدفین کی جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکردو تھک بابوسر
عمران خان کا فیصلہ کہ قاسم اور سلمان ان کی رہائی کی تحریک کی قیادت کریں گے، بڑے اثرات ہوں گے:فواد چوہدری