پاکستان عالمی برادری کے ساتھ یومِ ماحولیات 2025 منا رہا ہے، ترجمان دفتر خارجہ
اشاعت کی تاریخ: 5th, June 2025 GMT
ترجمان دفتر خارجہ شفقت علی خان نے کہا ہے کہ پاکستان دنیا بھر کے ساتھ مل کر یومِ ماحولیات 2025 منا رہا ہے، جو زمین کے تحفظ اور ماحولیاتی چیلنجز سے نمٹنے کے لیے اجتماعی کوششوں کو تیز کرنے کا ایک اہم موقع فراہم کرتا ہے۔
ترجمان نے کہا کہ عالمی یوم ماحولیات دنیا کو درپیش موسمیاتی تبدیلی، حیاتیاتی تنوع کے زوال اور آلودگی جیسے سنگین بحرانوں سے متعلق شعور اجاگر کرنے میں اہم کردار ادا کرتا ہے۔ پاکستان، جو خود موسمیاتی تبدیلی سے شدید متاثرہ ممالک میں شامل ہے، ان عالمی اقدامات کی بھرپور حمایت کرتا ہے جو ماحولیاتی بحرانوں سے نمٹنے کے لیے کیے جا رہے ہیں۔
مزید پڑھیں: عالمی یوم ماحولیات: پلاسٹک آلودگی سے زمین، سمندر اور انسان سب خطرے میں
شفقت علی خان نے کہا کہ دنیا اس وقت خشکی، دریاؤں اور سمندروں میں پلاسٹک کی بڑھتی ہوئی آلودگی جیسے سنگین مسئلے کا سامنا کر رہی ہے۔ ایسے میں یوم ماحولیات 2025 کا تھیم ’پلاسٹک کی آلودگی کا خاتمہ‘ نہایت بروقت اور اہم ہے۔
انہوں نے بتایا کہ رواں برس اپریل میں حکومتِ پاکستان نے ’پلاسٹک آلودگی میں کمی کے لیے قومی ایکشن روڈ میپ‘ کا آغاز کیا، جو سرکلر معیشت کو فروغ دینے اور پلاسٹک آلودگی کے خاتمے کے لیے ایک جامع حکمت عملی فراہم کرتا ہے۔
ترجمان نے اس عزم کا اعادہ کیا کہ پاکستان ان ماحولیاتی بحرانوں سے نمٹنے اور آنے والی نسلوں کے لیے زمین کے تحفظ میں اپنا بھرپور کردار ادا کرتا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’پلاسٹک کی آلودگی کا خاتمہ‘ پاکستان ترجمان دفتر خارجہ شفقت علی خان یومِ ماحولیات 2025.ذریعہ: WE News
کلیدی لفظ: پاکستان ترجمان دفتر خارجہ شفقت علی خان یوم ماحولیات 2025 ماحولیات 2025 کرتا ہے کے لیے
پڑھیں:
پنجاب کے وسطی علاقوں میں فضائی آلودگی خطرناک حد تک بڑھ گئی
—فائل فوٹوپنجاب کے وسطی علاقوں میں فضائی آلودگی خطرناک حد تک بڑھ گئی ہے۔
بین الاقوامی ویب سائٹ کے مطابق قصور میں سب سے زیادہ 686 پارٹیکولیٹ میٹر ریکارڈ کیے گئے ہیں۔ رائے ونڈ میں 601، گوجرانوالہ میں 442، فیصل آباد میں 337 اور شیخوپورہ میں 358 پارٹیکولیٹ میٹر ریکارڈ کیے گئے ہیں۔
محکمہ ماحولیات پنجاب کا کہنا ہے کہ لاہور کا ایئر کوالٹی انڈیکس 450 ہے۔ پاکستان کے آلودہ ترین شہروں میں لاہور تیسرے نمبر پر ہے۔
اسموگ کے اثرات لاہور، قصور، شیخوپورہ اور گوجرانوالہ تک پھیل چکے ہیں
محکمہ ماحولیات نے کہا کہ برکی روڈ، شاہدرہ، ملتان روڈ، جی ٹی روڈ، ایجرٹن روڈ پر اے کیو آئی 500 ریکارڈ کیا گیا۔
محکمہ ماحولیات کا کہنا ہے کہ بھارت سے آنے والی آلودہ مشرقی ہوائیں لاہور کے فضائی معیار پر اثر انداز ہو رہی ہیں۔ لاہور کا اوسط اے کیو آئی 320 تا 360 تک رہنے کا امکان ہے۔ فضا میں آلودگی کی شرح بلند مگر قابو میں ہے۔ دوپہر 1 بجے سے 5 بجے تک فضائی معیار میں بہتری کا امکان ہے۔
طبی ماہرین نے شہریوں کو ماسک کے استعمال اور بغیر ضرورت گھروں سے باہر نہ نکلنے کی ہدایت کی ہے۔
محبت، بلیک میلنگ اور قتل، خوفناک واردات کی تفصیل سامنے آگئی