وزیر اطلاعات سے آئی ایس اے مبشر توقیر شاہ کی ملاقات ،مختلف امورپر غور
اشاعت کی تاریخ: 5th, June 2025 GMT
اسلام آباد (اُردو پوائنٹ اخبارتازہ ترین - این این آئی۔ 05 جون2025ء)وفاقی وزیر اطلاعات و نشریات عطاء اللہ تارڑ سے ڈائریکٹر جنرل انفارمیشن سروس اکیڈمی (آئی ایس ای) مبشر توقیر شاہ نے الوداعی ملاقات کی وفاقی وزیر اطلاعات نے مبشر توقیر شاہ کو ان کی ریٹائرمنٹ پر وزارت اطلاعات میں شاندار خدمات کے اعتراف میں اعزازی شیلڈ پیش کی۔ عطاء اللہ تارڑ نے کہاکہ مبشر توقیر شاہ کی خدمات وزارت اطلاعات، میڈیا اور ابلاغ عامہ کے شعبوں میں قابل تقلید ہیں۔
(جاری ہے)
عطاء اللہ تارڑ نے کہاکہ مبشر توقیر شاہ نے ہمیشہ قومی مفاد اور پیشہ ورانہ دیانتداری کو مقدم رکھا، ان کی قیادت میں انفارمیشن سروس اکیڈمی نے نوجوان افسران کی تربیت میں نمایاں کردار ادا کیا۔ مبشر توقیر شاہ نے کہاکہ وزارت اطلاعات، ساتھی افسران اور عملے کا مشکور ہوں، وزارت اطلاعات میں اپنے کیریئر پر فخر ہے۔ مبشر توقیر شاہ نے کہاکہ میری دعا ہے کہ وزارت اطلاعات مستقبل میں بھی قومی بیانیہ کو مضبوط بنانے میں بھرپور کردار ادا کرتی رہے۔واضح رہے کہ مبشر توقیر شاہ ایڈیشنل سیکریٹری وزارت اطلاعات اور منیجنگ ڈائریکٹر پی ٹی وی کی حیثیت سے بھی اپنے فرائض انجام دے چکے ہیں۔.ذریعہ: UrduPoint
کلیدی لفظ: تلاش کیجئے مبشر توقیر شاہ نے وزارت اطلاعات نے کہاکہ
پڑھیں:
پاکستانی میڈیا نے حقائق کے ساتھ ذمہ دارانہ صحافت کی؛ عطا تارڑ
سٹی 42 : وزیر اطلاعات عطاء اللہ تارڑ نے کہا ہے کہ پاکستان نے ذمہ داری کے ساتھ بھارتی جارحیت کا جواب دیا، وزیراعظم شہباز شریف نے سفارتی محاذ پر پاکستان کا موقف بھرپور انداز میں پیش کیا۔
ان خیالات کا اظہار عطاء اللہ تارڑ نے پریس کانفرنس کے دوران کیا۔ انہوں نے کہاکہ میڈیا، اینکرز، صحافیوں اور میڈیا ہائوسز کا بیانیہ کی جنگ میں اہم کردار رہا ہے، پاکستانی میڈیا نے حقائق کے ساتھ ذمہ دارانہ صحافت کی۔ انہوں نے کہا کہ نائب وزیراعظم اسحاق ڈار کی سربراہی میں ٹیم نے بھی جانفشانی سے کام کیا ۔
مودی کو دیکھیں تو یہ لگتا ہے کہ وہ نیتن یاہو کی کاپی ہے
وزیراطلاعات نے کہا کہ بھارتی میڈیا نے جھوٹ اور فیک نیوز کا سہارا لیا۔ انہوں نے کہاکہ معرکہ حق اور آپریشن بنیان مرصوص ہمیشہ یاد رکھا جائے گا، اللہ تعالیٰ نے ہر محاذ پر پاکستان کو عزت بخشی۔
انہوں نے مزید کہا کہ کشیدہ صورتحال میں پاکستانی قوم نے مثالی یکجہتی اور اتحاد کا مظاہرہ کیا، بھارتی بیانیہ کو ہر محاذ پر ناکامی کا سامنا ہوا ۔
ٹریڈ تبدیلی فیسوں میں کمی سے چھوٹے اوردرمیانے درجے کے کاروباری اداروں کو فائدہ پہنچے گا، صدر ایف پی سی سی آئی