سروسز ہسپتال کے ڈاکٹرز ہاسٹل میں آتشزدگی
اشاعت کی تاریخ: 6th, June 2025 GMT
لاہور(اردوپوائنٹ اخبار تازہ ترین۔06 جون 2025)سروسز ہسپتال کے ڈاکٹرز ہاسٹل میں اچانک آگ بھڑک اٹھی، واقعہ کی اطلاع ملتے ہی ریسکیو 1122کی فائربریگیڈ نے موقع پر پہنچ کر آگ بجھانے کا عمل شرو ع کر دیا، ابتدائی اطلاعات کے مطابق کسی جانی نقصان کی اطلاعات موصول نہیں ہوئیں، بتایا گیا ہے کہ شادمان کے علاقے میں ڈاکٹرز ہاسٹل کے ایک کمرے میں اچانک آگ بھڑک اٹھی جس نے کمرے کو اپنی لپیٹ میں لے لیا۔
آگ کے باعث کمرے میں دھواں بھر گیا۔ اطلاع ملتے ہی ریسکیو ٹیمیں موقع پرپہنچ گیں اور انہوں نے آگ پر قابو پانے کیلئے امدادی کارروائیاں شروع کر دیں۔ ریسکیو 1122 کے مطابق آگ بالائی منزل کے ایک کمرے میں لگی اور اسے درمیانی نوعیت کی آگ قرار دیا گیا ہے۔خیال رہے کہ گزشتہ روز بھی صوبائی دارالحکومت لاہور کے میو ہسپتال کی او پی ڈی میں آگ لگ گئی تھی۔(جاری ہے)
واقعہ کی اطلاع ملتے ہی ریسکیو اہلکار موقع پر پہنچ گئے جنہوں نے آگ بجھانے کا عمل شروع کر دیا گیا تھا۔آگ کے باعث کسی جانی نقصان کی اطلاع موصول نہیں ہوئی تھی۔بتایا گیا تھا کہ لاہور کے میو ہسپتال کے یورالوجی وارڈ میں آتشزدگی کا واقعہ پیش آیا تھا اس وقت وارڈ میں متعدد مریض اور عملہ موجود تھا جس کی وجہ سے ابتدائی طور پر بھگدڑ مچی اور لوگوں میں خوف و ہراس پیدا ہو گیاتھا۔ریسکیو ذرائع کے مطابق آتشزدگی کی اطلاع ملتے ہی فوری طور پر فائر بریگیڈ اور ریسکیو ٹیمیں موقع پر پہنچ گئیں اور چند منٹوں کے اندر آگ پر مکمل قابو پا لیا گیا تھا ۔ ترجمان ریسکیوکاکہنا تھا کہ آتشزدگی میں کسی قسم کا کوئی نقصان نہیں ہوا تھا۔ ریسکیو حکام کا مزید یہ بھی کہنا تھا کہ آگ شارٹ سرکٹ کے باعث لگی ریسکیو حکام نے موقع پر پہنچ کر فوری طور پرمریضوں کو وارڈ سے باہر نکالا گیا تھا۔ ہسپتال انتظامیہ کا کہنا تھا کہ آتشزدگی کی وجوہات کا تعین کرنے کیلئے تفتیش شروع کر دی گئی ہے اور آئندہ ایسے واقعات کی روک تھام کیلئے حفاظتی انتظامات مزید سخت کئے جائیں گے۔دوسری جانب مانگا رائیونڈ روڈ نزد سوشل سکیورٹی ہسپتال کے علاقے سے بھی آئل فیکٹری میں(بوائلر لیکج) میں آتشزدگی کی اطلاع موصول ہوئی ہے،واقعہ کی اطلاع ملتے ہی ریسکیو ایمرجنسی 1122کی گاڑیاں جائے حادثہ پر پہنچ گئیں اور انہیں نے آگ بجھانے کا عمل شروع کر دیا۔آگ کے باعث کسی جانی نقصان کی اطلاع نہیں ملی تھی ۔بعدازاں ریسکیو ٹیموں نے آ گ پر قابو پالیا تھا۔.
ذریعہ: UrduPoint
کلیدی لفظ: تلاش کیجئے موقع پر پہنچ ہسپتال کے گیا تھا کے باعث تھا کہ
پڑھیں:
اسٹار لنک سمیت عالمی و مقامی سیٹلائٹ انٹرنیٹ کمپنیوں کے لیے پاکستان میں راہ ہموار
data-id="863a0a8" data-element_type="widget" data-widget_type="theme-post-content.default">
اسلام آباد:۔ اسٹار لنک سمیت عالمی و مقامی سیٹلائٹ انٹرنیٹ کمپنیوں کے لیے پاکستان میں راہ ہموار ہوگئی، پی ٹی اے نے فکسڈ سیٹلائٹ سروسز کے لائسنس کا مسودہ جاری کر دیا، فکسڈ سیٹلائٹ سروس لائسنس فیس پانچ لاکھ ڈالر مقرر کی گئی ہے، لائسنس کی مدت 15 برس ہوگی، منظوری کے 18 ماہ میں سروسز فراہم کرنا لازمی قرار دی گئی ہے۔
پاکستان ٹیلی کمیونیکشن اٹھارٹی ( پی ٹی اے) نے فکسڈ سیٹلائٹ سروسز کے لائسنس کا مسودہ جاری کر دیا ،مسودہ لائسنس سے دور دراز علاقوں میں انٹرنیٹ کی سہولت ممکن ہوگی مسودہ لائسنس کے تحت کمپنیاں سیٹلائٹ سسٹمز قائم و چلانے کی مجاز ہوں گی ،فکسڈ ارتھ اسٹیشن، گیٹ وے اسٹیشن اور وی سیٹ کی اجازت ہوگی، براڈ بینڈ، بیک ہال اور انٹرنیٹ بینڈوڈتھ سروسز فراہم کی جا سکیں گی، لائسنس حاصل کرنے کے بعد کمپنیاں صارفین کو براہِ راست سروس دیں گی فکسڈ سیٹلائٹ سروس لائسنس فیس پانچ لاکھ ڈالر مقرر کی گئی ہے ماضی میں سیٹلائٹ انٹرنیٹ سروسز کیلئے 15 الگ الگ لائسنسز لینا لازمی تھے۔
نئے نظام سے صرف ایک لائسنس کے ذریعے سیٹلائٹ سروسز ممکن ہوں گی لائسنس کی مدت 15 برس ہوگی، منظوری کے 18 ماہ میں سروسز فراہم کرنا لازمی قرار دی گئی ہے۔ مسودے کے مطابق کمپنیوں کو پاکستان میں کم از کم ایک گیٹ وے اسٹیشن قائم کرنا ہوگا۔ پی ٹی اے لائسنس کے تحت صارفین کا ڈیٹا ملک کے اندر ہی محفوظ رکھنے کی شرط عائد کی گئی ہے ،لائسنس سے قبل کمپنیوں کو پاکستان اسپیس ایکٹیویٹیز ریگولیٹری بورڈ میں رجسٹریشن حاصل کرنا ہوگی۔
پی ایس اے آر بی 2024ءکے قواعد کے تحت اسپیس سرگرمیوں کا مجاز ادارہ ہے پی ایس اے آر بی نے عالمی کنسلٹنٹ کے ساتھ ریگولیٹری فریم ورک پر کام شروع کر رکھا ہے ریگولیٹری فریم ورک مکمل ہونے کے بعد کمپنیوں کی رجسٹریشن شروع ہوگی۔ لائسنس فیس پانچ لاکھ ڈالر کے ساتھ ریونیو شیئرنگ ماڈل بھی شامل ہے لائسنس ہولڈرز کو سالانہ 1.5 فیصد یو ایس ایف فنڈ میں جمع کرانا لازمی ہوگا۔
پی ٹی اے نے مسودہ لائسنس 19 ستمبر 2025ءتک عوامی جائزے کے لیے جاری کیا، حتمی لائسنس پی ٹی اے کی منظوری کے بعد شائع کیا جائے گا۔اسٹارلنک، شنگھائی اسپیس کام اور دیگر کمپنیاں پاکستان میں سرمایہ کاری کی خواہاں ہیں۔ پی ٹی اے نے مسودہ لائسنس اسٹیک ہولڈرز کی آرا ءکے بعد تیار کیافروری 2025 کے مشاورتی عمل میں موصولہ تجاویز شامل کی گئیںٹیلی کام ایکٹ اور پالیسیوں کے مطابق مسودہ میں ترامیم کی گئیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام