مقبول ترین اسمارٹ فونز کی فہرست میں سام سنگ کی حکمرانی برقرار
اشاعت کی تاریخ: 9th, June 2025 GMT
data-id="863a0a8" data-element_type="widget" data-widget_type="theme-post-content.default">
ٹیکنالوجی کمپنی سام سنگ کا گلیکسی اے 56 بدستور مقبول ترین اسمارٹ فونز کی فہرست میں سرِفہرست ہے اور اس نے اپنی ٹاپ پوزیشن برقرار رکھی ہے۔
گزشتہ ہفتے جاری ہونے والی اس فہرست میں کئی نئے اسمارٹ فونز نے بھی جگہ بنائی ہے۔ مقبولیت کے لحاظ سے دوسرے نمبر پر ون پلس 13 ایس 5 جی نے اپنی موجودگی درج کرائی ہے، جب کہ سام سنگ کے دیگر ماڈلز جیسے گلیکسی ایس 25 الٹرا اور گلیکسی ایس 25 ایج بالترتیب تیسرے اور چوتھے مقام پر رہے۔
آHonor کا 400 پرو 5 جی اس ہفتے بھی توجہ کا مرکز بنا، جب کہ شیاؤمی پوکو ایکس 7 پرو اور انفینکس جی ٹی 30 پرو نے بھی نمایاں کارکردگی دکھائی۔ ویوو iQOO نیو 10 5 جی اس فہرست میں شامل رہا، جبکہ ایپل کا آئی فون 16 پرو میکس بھی صارفین کی دلچسپی حاصل کرنے میں کامیاب ہوا۔
شیاؤمی ریڈمی ٹربو 4 پرو نے اس ہفتے نئی انٹری کی صورت میں فہرست میں جگہ بنائی، جو اس کے بڑھتے ہوئے رجحان کی نشاندہی کرتی ہے۔
.ذریعہ: Jasarat News
کلیدی لفظ: فہرست میں
پڑھیں:
قدرت سے ربط رکھنے والے سرفہرست ممالک کون کون سے ہیں؟ فہرست جاری
لندن:سماجی، ثقافتی، معاشی اور جغرافیائی عوامل کے تحت قدرت سے قریبی ربط رکھنے والے دنیا کے سرفہرست ممالک کے نام جاری کردیے گئے ہیں، جس میں پاکستان کو شامل نہیں کیا گیا ہے۔
برطانوی اخبار دی گارڈین نے تحقیقی جریدے ایمبیو میں شائع رپورٹ کے حوالے سے ان ممالک کی فہرست جاری کی ہے، جن کو قدرت سے جڑے ہوئے ممالک قرار دیا گیا ہے، اور 61 ممالک میں نیپال کو دنیا کا سب سے زیادہ قدرت سے جڑا ہوا ملک قرار دیا گیا ہے۔
برطانیہ اور آسٹریا سے تعلق رکھنے والے ماہرین کی سربراہی میں تحقیقی ٹیم نے یہ فہرست ترتیب دی، تحقیق کرنے والی ٹیم میں یونیورسٹی آف ڈربی کے پروفیسر مائلز رچرڈسن بھی شامل تھے جو ’’قدرت سے وابستگی‘‘ کے ماہر سمجھے جاتے ہیں۔
تحقیق میں 61 ممالک کے57 ہزار افراد سے سروے کیا گیا اور تحقیق میں یہ دیکھا گیا کہ سماجی، ثقافتی، معاشی اور جغرافیائی عوامل کا فطرت سے جذباتی و ذہنی تعلق پر کیا اثر ہوتا ہے۔
رپورٹ میں بتایا گیا کہ اس منفرد تحقیق میں یہ نتیجہ سامنے آیا کہ روحانیت اور مذہبی عقیدہ قدرت سے مضبوط تعلق رکھنے کے سب سے بڑے عوامل ہیں۔
سروے میں نیپال کے بعد دوسرے نمبر پر ایران، تیسرے نمبر پر جنوبی افریقہ، بنگلادیش اور نائیجیریا بالترتیب چوتھے اور پانچویں نمبر پر ہیں، چلی چھٹے نمبر پر موجود ہے، سرفہرست 10 ممالک میں یورپ کے صرف دو ممالک کروشیا ساتویں اور بلغاریہ نویں نمبر شامل ہیں، گھانا کا نمبر 8 اور تیونس 10 ویں نمبر پر ہے، یورپ سے سرفہرست ممالک میں فرانس 19ویں نمبر پر ہے۔
برطانیہ بھی آخری ممالک میں شامل ہے اور 61 ممالک میں سے 55ویں نمبر پر ہے، نیدرلینڈز، کینیڈا، جرمنی، اسرائیل اور جاپان بھی فہرست کے نچلے حصے میں آئے۔
اس فہرست میں اسپین آخری نمبر پر رہا، نیدرلینڈز، کینیڈا، جرمنی، اسرائیل اور جاپان کے اسکور بھی برطانیہ سے کم تھے۔
تحقیق میں یہ بھی بتایا گیا کہ کاروبار میں آسانی یعنی ملک میں کاروبار کرنے کی سہولت جتنی زیادہ ہو، قدرت سے وابستگی کا احساس اتنا ہی کم ہو جاتا ہے یعنی وہ ممالک جہاں مارکیٹ اور کاروباری ماحول زیادہ مضبوط ہے، وہاں لوگ فطرت سے نسبتاً کم جڑے ہوئے ہوتے ہیں۔
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری