ٹاؤن کو میونسپل سروسز کے مکمل اختیارات دیے جائیں ،ڈاکٹر فواد
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر ) چیئرمین گلشن اقبال ٹاؤن ڈاکٹر فواد احمد نے اختیارات کی نچلی سطح پر منتقلی کی ضرورت پر زور دیتے ہوئے کہا ہے کہ اٹھارویں ترمیم کی اصل روح کے مطابق اختیارات مقامی حکومتوں کو منتقل کیے جائیں۔ اگر یہ اختیارات نچلی سطح پر منتقل ہوتے تو کراچی میں صفائی اور بلدیاتی خدمات کا معیار کہیں بہتر ہوتااور یہ کوئی مشکل کام نہیں ہے آئین پاکستان کا آرٹیکل 140 اے بلدیاتی اداروں کو نچلی سطح تک با اختیار بنانے کے اختیارات دیتا ہے بس اسے لاگو کرنے کی ضرورت ہے ،انہوں نے اس بات پر بھی زور دیا کہ شہرِ کراچی کو عیدالاضحیٰ جیسے اہم مواقع پر درپیش مشکلات کی ایک بڑی وجہ اختیارات کی عدم منتقلی ہے، اور اس پر مئیر کراچی کو بھی سنجیدگی سے غور کرنا چاہیے شہری مسائل صرف شکایات سے نہیں، بلکہ بااختیار بلدیاتی نظام سے حل ہوسکتے ہیں۔ نامساعد حالات میں گلشن ٹاؤن نے بہترین کام کیا‘ عیدالاضحیٰ کے تیسرے روز گلشن اقبال ٹاؤن کی جانب سے عیدالاضحیٰ صفائی آپریشن کے حوالے سے ایک اہم پریس کانفرنس کا انعقاد نیپا ورکشاپ پر کیا گیا۔ پریس کانفرنس سے خطاب کرتے ہوئے چیئرمین گلشن ٹاؤن ڈاکٹر فواد احمد نے آپریشن کی تفصیلات سے آگاہ کرتے ہوئے کہا کہ الحمدللہ، گلشن اقبال ٹاؤن میں آلائشیں بروقت اٹھانے اور ٹھکانے لگانے کا آپریشن انتہائی کامیاب رہا۔ ہم نے سندھ سالڈ ویسٹ مینجمنٹ بورڈ کے پلان کے ساتھ متوازی پلان تیار کیا جس کے تحت تین روز سے ہماری ٹیمیں فیلڈ میں موجود رہیں اور رات گئے تک کام جاری رہا۔انہوں نے وائس چیئرمین ابراہیم صدیقی، انچارچ میونسپل سروسز راؤ شمشاد دیگر افسران اور بالخصوص عملے کی کارکردگی کو زبردست سراہا۔
.ذریعہ: Jasarat News
پڑھیں:
وفاقی کابینہ کا اجلاس کل طلب، بجٹ تجاویز پیش کی جائیں گی
data-id="863a0a8" data-element_type="widget" data-widget_type="theme-post-content.default">اسلام آباد: مالی سال 2025-26 کے بجٹ کی منظوری کے لیے وفاقی کابینہ کا خصوصی اجلاس کل بروز منگل طلب کرلیا گیا۔
وفاقی کابینہ کا اجلاس کل سہ پہر 4 بجے پارلیمنٹ ہاؤس میں ہوگا، وفاقی کابینہ آئندہ مالی سال کے لیے بجٹ تجاویز کی منظوری دے گی، وفاقی کابینہ سے فنانس بل کی منظوری لے کر بجٹ قومی اسمبلی میں پیش کیا جائے گا۔
سرکاری ملازمین کی تنخواہوں اور پینشن میں اضافے سے متعلق تجاویز کی حتمی منظوری وفاقی کابینہ دے گی۔
رپورٹ کے مطابق سرکاری ملازمین کی تنخواہوں میں 10 فیصد اضافے کی تجویز دی گئی ہے جبکہ ریٹائرڈ ملازمین کی پنشن میں 5 سے ساڑھے 7 فیصد تک اضافے کی تجویز زیر غور ہے اور دفاعی بجٹ میں 18 فیصد اضافے کا امکان ہے۔
وفاقی بجٹ کے بعد صوبائی حکومتیں بھی اپنے اپنے بجٹ پیش کریں گی، جس کے ساتھ ہی ملک میں مالی سال 2025-26 کے لیے معاشی حکمت عملی کا باضابطہ آغاز ہو جائے گا۔
سندھ حکومت اپنا بجٹ 13 جون بروز جمعہ کو پیش کرے گی۔
عمران خان کا پولی گرافک ٹیسٹ کرنے کیلیے پولیس ٹیم اڈیالہ جیل پہنچ گئی