بلوچستان کی خواتین بھی فٹنس کے سفر پر: کچن سے نکل کر جم تک کا خواب
اشاعت کی تاریخ: 10th, June 2025 GMT
بلوچستان کا سماج ایک قبائلی روایات پر مشتمل سماج ہے جہاں 21ویں میں بھی خواتین کو گھروں سے باہر نکل کر کام کرنے کی ازادی نہیں ہے لیکن وقت گزرنے کے ساتھ ساتھ اب سرزمین بلوچستان کی بیٹیاں مختلف شعبوں میں مردوں کے شانہ بشانہ کھڑی ہیں۔
پشتون معاشرے سے تعلق رکھنے والی نور صبا میں کوئٹہ میں خواتین کے لیے خصوصی جم کھولا ہے۔
وی نیوز سے بات کرتے ہوئے صبا نے کہا کہ ہمارے معاشرے میں فٹنس اور خواتین کا تصور بہت ناپختہ ہے۔ اگر آپ جم جانا چاہیں تو لوگ ہنستے ہیں، کہتے ہیں یہ خواتین کا کام نہیں۔ خواتین کا دائرہ کچن اور بچوں کی دیکھ بھال تک محدود سمجھا جاتا ہے۔ مگر میں نے سوچا کہ نہیں ایک لڑکی کے لیے بھی ایک وسیع دنیا ہے۔
نور صبا کہتی ہیں کہ الحمدللہ، میری فیملی نے مجھے سپورٹ کیا۔ میرے والد، بھائی سب نے کہا کہ جو کرنا ہے کرو۔ خواتین کے لیے یہ بہت ضروری ہوتا ہے کہ فیملی سپورٹ کرے ورنہ وہ بہت سی رکاوٹوں کا سامنا کرتی ہیں۔
صبا آج نہ صرف خود ایک فعال فٹنس لائف گزار رہی ہیں بلکہ دیگر خواتین کو بھی ورزش کی ترغیب دے رہی ہیں۔ وہ بتاتی ہیں کہ ابھی یہ سفر ابتدائی مرحلے میں ہے، لیکن جم میں روزانہ 50 سے زائد خواتین آتی ہیں۔
نور صبا نے کہا کہ بہت سی خواتین یہاں صرف فٹنس کے لیے نہیں بلکہ اپنی ذہنی صحت کے لیے بھی آتی ہیں۔ کئی ڈاکٹر کے مشورے سے جم جوائن کرتی ہیں تاکہ ڈپریشن اور اوور تھنکنگ سے نکل سکیں۔ بدقسمتی سے بلوچستان میں ایسے پلیٹ فارم کم ہیں جہاں خواتین اپنی جسمانی و ذہنی صحت بہتر بنا سکیں۔
نور صبا نے کہا کہ میری حکومت سے یہی درخواست ہے کہ بلوچستان کی خواتین کے لیے زیادہ سے زیادہ فٹنس کلب کھولے جائیں۔ زیادہ اویئرنیس پیدا کی جائے تاکہ جو خواتین گھروں میں بند ہیں، ان کو بھی ایک مثبت راہ مل سکے اور وہ انزائٹی و ڈپریشن سے نکل کر ایک بہتر زندگی جی سکیں۔
جہاں بلوچستان کی سرزمین میں روایات مضبوط ہیں، وہیں اب خواتین بھی ان روایات میں نئے رنگ بھرنے کو تیار ہیں۔ ان کے قدم نہ صرف ٹریڈ مل پر چل رہے ہیں بلکہ ترقی اور خود اعتمادی کے سفر پر بھی رواں دواں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: بلوچستان کی نے کہا کہ کے لیے
پڑھیں:
کورونا کی شکار خواتین کے نومولود بچوں میں آٹزم ڈس آرڈرکا انکشاف
واشنگٹن (ویب ڈیسک)امریکا میں کی جانے والی ایک تحقیق سے معلوم ہوا ہے کہ کورونا سے متاثر ہونے والی خواتین کے ہاں پیدا ہونے والے بچوں میں آٹزم ہوسکتا ہے۔امریکی نشریاتی ادارے ’سی این این‘ کے مطابق تحقیق سے معلوم ہوا کہ حمل کے دوران کورونا کی شکار ہونے والی ماؤں کے بچوں میں آٹزم سپیکٹرم ڈس آرڈر یعنی بات چیت میں تاخیر اور حرکتی صلاحیتوں کی کمی جیسے دماغی امراض کا امکان ڈھائی فیصد تک بڑھ سکتا ہے۔امریکا کے میساچیوسٹس جنرل ہسپتال کی جانب سے کی گئی ایک جامع تحقیق دوران مارچ 2020 سے مئی 2021 تک میس جنرل بریگھم ہیلتھ سسٹم میں ہونے والی 18,336 بچوں کی پیدائش کے مکمل طبی ریکارڈ کا تجزیہ کیا گیا۔
تحقیق کے دوران ماں کے لیبارٹری سے تصدیق شدہ کووڈ 19 ٹیسٹ اور بچوں کی تین سال کی عمر تک دماغی نشوونما کی تشخیص کا موازنہ کیا گیا۔نتائج سے معلوم ہوا کہ کورونا کی شکار ہونے والی ماؤں کے بچوں میں دماغی امراض کی شرح 16.3 فیصد تھی جب کہ کورونا سے غیر متاثرہ ماؤں کے بچوں میں یہ شرح 9.7 فیصد رہی۔اسی طرح دیگر خطرات (ماں کی عمر، تمباکو نوشی، سماجی پس منظر) کو ایڈجسٹ کرنے کے بعد بھی کورونا سے متاثرہ خواتین کے بچوں میں آٹزم کا خطرہ 1.3 گنا زیادہ ثابت ہوا۔
نتائج سے معلوم ہوا کہ مجموعی طور پر کورونا سے متاثر ہونے والی خواتین کے بچوں میں عام خواتین کے مقابلے آٹزم ہونے کا خطرہ ڈھائی فیصد تک زیادہ تھا۔خطرہ لڑکوں میں نمایاں طور پر زیادہ اور تیسری سہ ماہی (حمل کے آخری تین ماہ) میں انفیکشن ہونے پر سب سے بلند پایا گیا۔تحقیق کاروں کے مطابق، لڑکوں کا دماغ ماں کی سوزش (inflammation) سے زیادہ حساس ہوتا ہے اور تیسری سہ ماہی دماغ کی نشوونما کا اہم مرحلہ سمجھا جاتا ہے۔امریکی سی ڈی سی کے مطابق 2022 میں ہر 31 میں سے ایک بچے میں 8 سال کی عمر تک آٹزم کی تشخیص ہوئی جو 2020 کے 36 میں سے ایک بچے کی شرح سے کہیں زیادہ ہے۔تاہم بعض ماہرین کا خیال ہے کہ بچوں میں آٹزم کی زیادہ شرح کا سبب کوئی بیماری یا وبا نہیں بلکہ تشخیص اور اسکریننگ کے بہتر نظام سے ہوسکتا ہے۔
محبت، بلیک میلنگ اور قتل، خوفناک واردات کی تفصیل سامنے آگئی