ایم بی بی ایس کا مطلب ’محترمہ بے نظیر بھٹو شہید‘، انور مقصود نے ڈاکٹر کا دلچسپ قصہ سنا دیا
اشاعت کی تاریخ: 10th, June 2025 GMT
پاکستان کے نامور ادیب، مزاح نگار اور دانشور انور مقصود نے حال ہی میں ایک پوڈکاسٹ میں شرکت کی جس کی ایک ویڈیو سوشل میڈیا پر وائرل ہو رہی ہے۔
اداکار گوہر رشید کے ساتھ کیے جانے والے پوڈکاسٹ کی وائرل ویڈیو میں انور مقصود کہتے ہیں کہ میں ایک سندھی ڈاکٹر سے ملا جس کے بارے میں مجھے معلوم تھا کہ یہ ایم بی بی ایس نہیں ہے۔ انور مقصود نے کہا کہ میں نے اس سے پوچھا کہ آپ نے کہاں سے ڈگری حاصل کی ہے جس کے جواب میں اس نے کہا کہ ’بس حاصل ہو جاتی ہے یہ اللہ کی دین ہے‘۔
مزاح نگار انور مقصود نے کہا کہ جب انہوں نے اس شخص سے پوچھا کہ ایم بی بی ایس کا مطلب کیا ہے تو اس نے جواباً کہا کہ آپ ایک ایک ڈاکٹر سے ایم بی بی ایس کا مطلب پوچھ رہے ہیں اور بولا ایم بی بی ایس کا مطلب ’محترمہ بےنظیر بھٹو شہید‘ ہے۔
انور مقصود نے بتایا کہ انہوں نے اس شخص سے کہا کہ اگر محترمہ بے نظیر بھٹو زندہ ہوتیں تو شاید ملک کے حالات اور ہوتے، سب کچھ بدلا ہوتا، جمہوریت ہوتی اور آپ کو بھی سزا ہو جاتی۔
میں ایک سندھی ڈاکٹر سے ملا تو مجھے پتا تھا کہ یہ MBBS نہیں ہے ۔۔ میں نے پوچھا کہ سائیں MBBS کا مطلب پتا ہے کیا ہوتا ہے تو بولا کہ محترمہ بے نظیر بھٹو شہید ۔۔ انور مقصود pic.
— Exact Press International (@ExactPressIntl) June 9, 2025
یہ ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ ایک صارف نے لکھا کہ اس کو بلائنڈ فالوونگ کہتے ہیں اور ہر جگہ ایسا ہی ہوتا ہے۔
اس کو کہتے بلائنڈ فالونگ????
اور ھر طرف ایسا ھی ھے
— Chico (@7eexy) June 9, 2025
سلیمان خان نے کہا کہ اگر پنجاب میں کسی ڈاکٹر سے ایم بی بی ایس کا مطلب پوچھا جائے تو وہ اس کا مطلب مریم بی بی صفدر بتائے گا۔
میرے خیال میں اگر پنجاب میں یہی کسی mbbs ڈاکٹرسےپوچھا جائے۔تواسکامطلب مریم بی بی صفدر بتائے گا۔
— sulaiman khan (@sulaiman635343) June 9, 2025
حماد نامی صارف نے لکھا کہ انور مقصود جو کچھ بولتے ہیں وہ ہنسنے کے لیے ہوتا ہے، اگر آپ اسے سنجیدگی سے لیتے ہیں تو یہ آپ پر ہے۔
He never speaks truth, everything he speaks is to get laughter, if you take him seriously it's on you.
— HAMMAD (@hammadbhatti) June 9, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انور مقصود ایم بی بی ایس بے نظیر بھٹو ڈاکٹر
ذریعہ
ذریعہ: WE News
کلیدی لفظ: ایم بی بی ایس بے نظیر بھٹو ڈاکٹر ایم بی بی ایس کا مطلب بے نظیر بھٹو نے کہا کہ ڈاکٹر سے
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ