آلٹریشن والی گاڑیوں کے مالکان کے لیے بری خبر، کاغذ پورے ہونے کے باوجود ضبطی کا خدشہ
اشاعت کی تاریخ: 10th, June 2025 GMT
حکومت نے آلٹریشن کی حامل گاڑیوں کو اسمگلڈ قرار دیتے ہوئے نیا قانون متعارف کرادیا۔
یہ بھی پڑھیں: خیبر پختونخوا: نان کسٹم گاڑیوں کی پروفائلنگ نہ کرنے پر حکومت کیا کارروائی کرے گی؟
اس حوالے سے حکومت نے شناختی تفصیلات میں تبدیلی یا چھیڑ چھاڑ والی کاروں کو مدنظر رکھتے ہوئے ایک نئی قانونی شق متعارف کرائی ہے جو گاڑیوں کی اسمگلنگ کے خلاف نفاذ کو مضبوط بنائے گی۔
دفعہ 187A کے تحت یہ قانون ایک قانونی مفروضہ قائم کرتا ہے کہ ایسی کوئی بھی گاڑی خواہ وہ سرکاری طور پر رجسٹرڈ ہی کیوں نہ ہو اسمگل شدہ گاڑی تصور کی جائے گی۔
سیکشن 187A کے تحت فرانزک جانچ کے ذریعے اگر گاڑی میں کچھ مخصوص الٹریشن پائی گئی تو وہ اسمگل شدہ گاڑی کے زمرے میں آئے گی۔ ان آلٹریشنز یا تبدیلیوں میں ٹیمپرڈ یا چھیڑ چھاڑ کیا گیا چیسس نمبر، ویلڈیڈ چیسس، ویلڈنگ کے مواد سے بھرا ہوا چیسس، دوبارہ مہر لگا ہوا چیسس نمبر اور گاڑی کی تبدیل شدہ باڈی شامل ہیں۔
مزید پڑھیے: بلوچستان: نان کسٹم پیڈ گاڑیوں کی قمیت میں کمی کیوں ہو رہی ہے؟
اگر کسی گاڑی میں مذکورہ بالا باتوں میں سے کوئی ایک بھی پائی گئی اس کو اسمگل شدہ تصور کیا جائے گا اور موٹر رجسٹریشن اتھارٹی کے رجسٹرڈ ہونے نہ ہونے سے قطع نظر اسے ضبط کر لیا جائے گا۔
ضبطی اور نفاذاس شق کے تحت آنے والی گاڑیاں فوری طور پر ضبط کرلی جائیں گی۔ یہ پالیسی جعلی دستاویزات اور چیسس میں ترمیم کے استعمال کو ختم کرنے کے لیے بنائی گئی ہے جو اکثر اسمگل شدہ گاڑیوں کو قانونی حیثیت دینے کے لیے استعمال کی جاتی ہیں۔
مزید پڑھیں: حکومتی کریک ڈاؤن: کیا نان کسٹم پیڈ گاڑیاں اب قصہ پارینہ بن جائیں گی؟
قانون نافذ کرنے والے اداروں کو اب مکمل طور پر رجسٹریشن ریکارڈ پر انحصار کرنے کی بجائے فرانزک نتائج کی بنیاد پر کارروائی کرنے کا اختیار حاصل ہوگا۔
نئی شق متعارف کرانے کا مقصد کیا ہے؟طویل عرصے سے اسمگل شدہ گاڑیوں کے ہیرا پھیری سے دستاویزات اور چیسس میں ردوبدل کے ذریعے باقاعدہ نظام میں داخل کردیے جانے کا مسئلہ درپیش تھا جس سے نپٹنے کے لیے قانون میں نئی شق کا اضافہ کیا گیا ہے۔ نئی شق کا مقصد اس قسم کا دروازہ بند کرنا اور الٓڑیشن ثابت ہونے پر گاڑی کے مالک پر اس کی ذمے داری عائد کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آلٹر کی گئی گاڑیاں آلٹریشن والی گاڑیاں گاڑیوں کا چیسس گاڑیوں کی باڈی آلٹریشن.ذریعہ: WE News
کلیدی لفظ: ا لٹر کی گئی گاڑیاں گاڑیوں کا چیسس اسمگل شدہ گاڑی گاڑیوں کی ا لٹریشن کے لیے
پڑھیں:
رینجرز اور کسٹمز کی جوڑیا بازار میں کارروائی؛ بھاری مقدار میں اسمگل شدہ اشیا برآمد
کراچی:سندھ رینجرزاورکسٹمزانفورسمنٹ نے خفیہ اطلاع کی بنیاد پرجوڑیا بازارمیں مشترکہ کارروائی کرتے ہوئےبھاری مقدارمیں اسمگل شدہ اشیا برآمد کرلیں۔
اسمگلنگ کی روک تھام کے لیے سندھ رینجرزاورکسٹمز انفورسمنٹ کا آپریشن سلسلہ جاری ہے۔ اسی سلسلسے میں سندھ رینجرز اور کسٹمز انفورسمنٹ نے خفیہ اطلاع کی بنیاد پرجوڑیا بازارمیں مشترکہ کارروائی کرتے ہوئےبھاری مقدار میں اسمگل شدہ اشیا برآمد کر لیں ۔
برآمد شدہ سامان میں سگریٹ، گٹکا ،ماوا، کتھا، سپاری، گلوکوزاور دیگر اشیا شامل ہیں ۔
ترجمان کے مطابق برآمد کی گئی اشیا کو گوداموں میں چھپایا گیا تھا، جن کی مالیت لاکھوں روپے ہے۔ پاکستان رینجرز سندھ کی جانب سے اسمگلنگ کے مکمل خاتمے تک آپریشن کا سلسلہ جاری رکھا جائے گا۔
برآمد شدہ نان کسٹم ممنوعہ اشیا7 ٹرکوں کے ذریعے مزید قانونی کارروائی کے لیے کسٹمز حکام کے حوالے کر د ی گئیں۔
ترجمان نے عوام سے اپیل ہے کہ جرائم اور اسمگلنگ کے خاتمے کے لیے ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔
حیدر آباد: چھوٹے بھائی کو قتل کرنیوالا بڑا بھائی گرفتار