امریکہ میں انارکی کی اجازت نہیں دی جائے گی، صدر ٹرمپ کا دوٹوک اعلان
اشاعت کی تاریخ: 11th, June 2025 GMT
NORTH CAROLINA:
امریکی صدر ڈونلڈ ٹرمپ نے شمالی کیرولینا میں ایک فوجی تقریب سے خطاب کرتے ہوئے ملک میں پرتشدد مظاہروں، غیرقانونی امیگریشن اور داخلی سلامتی سے متعلق امور پر سخت مؤقف اپنایا۔
انہوں نے کہا کہ ان کی انتظامیہ کے دوران امریکہ میں انارکی کو ہرگز برداشت نہیں کیا جائے گا۔
صدر ٹرمپ نے کہا کہ کچھ تارکین وطن نے پرتشدد احتجاج میں امریکی پرچم کو نذرآتش کیا، جسے وہ سختی سے مسترد کرتے ہیں۔ انہوں نے اعلان کیا کہ ایسے افراد کو ایک سال قید کی سزا دی جائے گی۔
اپنے خطاب میں انہوں نے کہا کہ لاکھوں غیرقانونی تارکین وطن بغیر اجازت امریکہ میں داخل ہو رہے ہیں، جن میں سے بعض مختلف ممالک کی جیلوں سے رہا ہو کر یہاں پہنچے ہیں۔ ان کا کہنا تھا کہ ایسے عناصر امریکی سلامتی کے لیے خطرہ ہیں۔
صدر ٹرمپ نے وفاقی اداروں پر حملہ آور ہونے والوں کو قرار واقعی سزا دینے کا اعلان بھی کیا اور کیلیفورنیا کے گورنر اور لاس اینجلس کے میئر کو نااہل قرار دیتے ہوئے کہا کہ وہ ان شہروں کو محفوظ اور صاف بنانے کا عزم رکھتے ہیں۔
انہوں نے مزید کہا کہ بگ بیوٹی فل منصوبے کے ذریعے سرحدی سیکیورٹی کو مضبوط کیا جا رہا ہے، جبکہ سعودی عرب، قطر اور یو اے ای سے اربوں ڈالر کی سرمایہ کاری امریکہ لائی جا چکی ہے۔
.
ذریعہ
ذریعہ: Express News
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ