ملکی دفاع کے لیے ہم افواج پاکستان کی قربانیوں کو قدر کی نگاہ سے دیکھتے ہیں، فاروق خان سعیدی
اشاعت کی تاریخ: 11th, June 2025 GMT
ملتان میں پریس کانفرنس کرتے ہوئے جماعت اہلسنت پنجاب کے ناظم اعلیٰ کا کہنا تھا کہ ہم یقین دلاتے ہیں کہ پاکستان کی سلامتی و استحکام کے لیے ہم کسی بھی قربانی سے دریغ نہیں کریں گے، فلسطین اور غزہ کے مظلوم مسلمانوں پر اسرائیلی جارحیت تمام حدود پار کر چکی ہے۔ اس سلسلے میں عالم اسلام بالخصوص عرب حکمرانوں کی بے حسی قابل مذمت ہے۔ اسلام ٹائمز۔ صوبائی ناظم اعلی جماعت اہل سنت پاکستان پنجاب علامہ حافظ محمد فاروق خان سعیدی،ڈویژنل امیر ملتان سید محمد رمضان شاہ فیضی، ضلعی امیر ملتان قاری خادم حسین سعیدی، ممبر سنی سپریم کونسل جماعت اہل سنت پاکستان وسیم ممتاز ایڈووکیٹ، مرکزی ناظم اطلاعات جماعت اہل سنت پاکستان پروفیسر ڈاکٹر محمد صدیق خان قادری، ممبر مجلس عاملہ جماعت اہل سنت پنجاب محمد حسین بابر ایڈووکیٹ، ناظم اعلی ملتان ڈویژن قاری فیض بخش رضوی، ضلعی ناظم اعلی ملتان صاحبزادہ مطیع الرسول سعیدی، ڈویژنل آرگنائزر ملتان الحاج شیخ محمد شفیق رضوی، ضلعی آرگنائزر ملتان قاری غلام شبیر سواگی، ڈویژنل قائدین صاحبزادہ قاضی محمد بشیر گولڑوی، ڈاکٹر ارشد علی بلوچ، قاری رکن الدین قادری نے ملتان پریس کلب میں مشترکہ پریس کانفرنس کرتے ہوئے کہا کہ وطن عزیز کی غالب اکثریت اہل سنت کے دیرینہ مطالبہ کے پیش نظر چاروں خلفائے راشدین کے ایام وفات و شہادت سرکاری سطح پر پوری شان و شوکت سے منائے جائیں، ملک بھر میں عام تعطیل کی جائے اور ان مقدس ہستیوں کی سیرت ، احوال و آثار اور لازوال و عظیم الشان کارناموں سے نسل نوکو کما حقہ روشناس کرایا جائے۔
رہنمائوں نے کہا کہ پاکستان کی نظریاتی اور جغرافیائی سرحدوں کی حفاظت کے لیے جماعت اہل سنت پاکستان اپنے اسلاف کی روایات پر عمل کرتے ہوئے سیسہ پلائی دیوار کی طرح اپنی ذمہ داریاں ادا کرتی رہے گی۔ ملکی دفاع کے لیے ہم افواج پاکستان کی قربانیوں کو قدر کی نگاہ سے دیکھتے ہیں اور ان کی عظم الشان فتح و نصرت اور کامیابی و کامرانی پر ہدیہ تبریک پیش کرتے ہیں، ہم یقین دلاتے ہیں کہ پاکستان کی سلامتی و استحکام کے لیے ہم کسی بھی قربانی سے دریغ نہیں کریں گے، فلسطین اور غزہ کے مظلوم مسلمانوں پر اسرائیلی جارحیت تمام حدود پار کر چکی ہے۔ اس سلسلے میں عالم اسلام بالخصوص عرب حکمرانوں کی بے حسی قابل مذمت ہے۔ ہم اپنی حکومت سے مطالبہ کرتے ہیں کہ وہ دینی حمیت اور مذہبی غیرت کو بروئے کار لاکر اپنی ذمہ داریاں ادا کرے اور مظلوم و مقہور مسلمان بھائیوں کو اس ظلم و ستم سے بچائے جماعت اہل سنت پاکستان کے رہنماں نے مساجد کے آئمہ و خطبا سے اپیل کی ہے کہ 13جون کو خطبات جمعہ میں خلیفہ ثالث جامع القرآن صاحب فتوحاتِ کثیرہ شہید ِ مظلوم سیدنا حضرت عثمان غنی ذوالنورین کی سیرت ، عہد خلافت کے کارناموں، عظیم فتوحات اور مدین الرسول میں مظلومانہ شہادت پر روشنی ڈالیں۔
ذریعہ: Islam Times
کلیدی لفظ: جماعت اہل سنت پاکستان پاکستان کی ناظم اعلی کے لیے ہم
پڑھیں:
وزیراعلیٰ خیبرپختونخوا کے حالیہ بیانات ملکی سلامتی کے منافی ہیں، خواجہ آصف
وزیرِ دفاع خواجہ آصف نے کہا ہے کہ وزیراعلیٰ خیبرپختونخوا کے حالیہ بیانات ملکی سلامتی کے منافی ہیں اور ان بیانات سے یہ تاثر ملتا ہے کہ کوئی ایک فرد ملک چلا سکتا ہے۔ انہوں نے واضح کیا کہ ’نیازی لا اب نہیں چلے گا‘ اور اس طرزِ بیان کو پاکستان دشمنی قرار دیا۔
خواجہ آصف نے نجی ٹیلیویژن سے گفتگو کرتے ہوئے کہا کہ ہر معاملے میں نیازی لا نافذ کرنا درست نہیں۔ اگر کوئی کہے کہ نیازی لا نہ ہوگا تو اس کا مطلب یہ نہیں کہ ملک چلنا بند ہو جائے گا، پاکستان کسی فرد کی ملکیت نہیں بلکہ 25 کروڑ عوام کی ہے۔
ان کا کہنا تھا کہ ایسے بیانات حب الوطنی نہیں بلکہ ملک کی بقاء کو خطرے میں ڈالنے والے سیاسی رویے ہیں۔
وزیرِ دفاع نے زور دیا کہ خیبرپختونخوا کی حکومت وفاق کا حصہ ہے اور انہیں ملکی معاملات میں ذمہ داری کا مظاہرہ کرنا چاہیے۔ انہوں نے تنبیہ کی کہ ایک شخص کے گرد پاکستان کی بقا کو لگانا غیر ذمہ دارانہ ہے اور اس سے مذاکرات و قومی مفاد پر منفی اثرات مرتب ہو سکتے ہیں۔
خواجہ آصف نے کہا کہ بعض افراد غیر ضروری طور پر پاکستان کی سلامتی کو داؤ پر لگا رہے ہیں اور اس رویے کو وہ بالواسطہ دہشت گردی کے ساتھ بھی تشبیہ دے رہے ہیں کیونکہ اس سے مذاکرات کے امکانات متاثر ہو رہے ہیں اور افغانستان کی پوزیشن مضبوط ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کچھی: مسلح افراد کا سرکاری عمارتوں اور تھانوں پر حملہ، پولیس اہلکار شہید