متعدد بار فلموں میں اداکاری کی پیش کش ہوئی، گلوکارہ شبنم مجید
اشاعت کی تاریخ: 11th, June 2025 GMT
کراچی(نیوز ڈیسک)ماضی کی مقبول گلوکارہ شبنم مجید نے انکشاف کیا ہے کہ انہیں متعدد بار فلموں سمیت ڈراموں میں کام کی پیش کش ہوئی جب کہ ایک بار وہ ٹیلی فلم کی شوٹنگ چھوڑ کر واپس آگئیں۔
شبنم مجید نے 1990 کے بعد گلوکاری کا آغاز کیا، ان کی آواز میں لولی وڈ کی متعدد فلموں میں گانے شامل کیے گئے، جنہیں کافی پذیرائی بھی ملی۔
گلوکارہ کی آواز میں گائے گئے گانے ریما، میرا، ریشم، صائمہ اور عتیقہ اوڈھو سمیت دیگر اداکاراؤں پر بھی فلمائے گئے۔
حال ہی میں شبنم مجید نے مزاحیہ پروگرام ’مذاق رات‘ میں شرکت کی، جہاں انہوں نے اپنے کیریئر سمیت ذاتی زندگی پر بھی کھل کر بات کی۔
گلوکارہ نے بتایا کہ انہوں نے کبھی یک طرفہ محبت نہیں کی اور یہ کہ وہ یک طرفہ محبت کو وقت کا نقصان سمجھتی ہیں۔
ان کے مطابق انہوں نے پیار ہوجانے پر اپنی پسند کے شخص موسیقار سے شادی کی اور اب ان کے بچے جوان ہوچکے ہیں۔
شبنم مجید نے بتایا کہ انہیں بچپن سے گلوکاری کا شوق تھا، انہوں نے پاکستان ٹیلی وژن (پی ٹی وی) سے گلوکاری کا آغاز کیا اور کم عمری میں ہی ایوارڈز بھی جیتے۔
گلوکارہ کا کہنا تھا کہ انہوں نے پاکستانی موسیقی کے مقبول ترین موسیقاروں، گلوکاروں اور نغمہ نگاروں کے ساتھ کام کیا، جس وجہ سے انہیں جلد شہرت ملی۔
انہوں نے بتایا کہ انہوں نے محض 13 سال کی عمر میں پہلا فلمی گیت گایا جو کہ اس وقت عتیقہ اوڈھو پر فلمایا گیا۔
شبنم مجید کا کہنا تھا کہ انہیں پی ٹی وی پر گاتے ہوئے مرحوم نصرت فتح علی خان نے دیکھا تو اپنے پاس بلالیا اور پھر انہوں نے انہیں گلوکاری کی پیش کش کی، ان کے گانوں کی موسیقی خود ترتیب دی۔
گلوکارہ کے مطابق نصرت فتح علی خان کے بعد معروف موسیقار رابن گھوش نے بھی ان کے لیے فلمی گانوں کی موسیقی ترتیب دی جب کہ دیگر بڑے فنکاروں نے بھی انہیں کام کے مواقع دیے، جس وجہ سے ان کی شہرت بلندیوں پر پہنچی۔
ایک سوال کے جواب میں انہوں نے بتایا کہ انہیں متعدد بار ڈراموں اور فلموں میں کام کی پیش کش ہوئی لیکن انہوں نے اداکاری کو مشکل کام سمجھ کر پیش کشوں کو مسترد کیا۔
ان کے مطابق سید نور نے بھی انہیں فلم میں کام کی پیش کش کی جب کہ پرویز ملک نے انہیں ایک ٹیلی فلم لازمی کرنے کا کہا، جس پر وہ رضامند بھی ہوئیں لیکن شوٹنگ سیٹ سے واپس آگئیں۔
انہوں نے بتایا کہ اس وقت ان کا بچہ چھوٹا تھا اور وہ بچے سمیت شوٹنگ سیٹ پر گئی تھیں، جہاں انہیں کئی گھنٹے گزر گئے لیکن شوٹنگ شروع نہ ہوسکی، جس پر وہ تنگ آکر ہدایت کار سے معافی مانگ کر واپس آگئیں اور انہوں نے اداکاری نہ کرنے کا تہیہ کیا۔
ساتھ ہی شبنم مجید نے بتایا کہ لیکن جلد ہی وی ایک میوزیکل ٹیلی فلم میں نظر آئیں گی، جس میں نئے فنکاروں کو موسیقی کی دنیا میں پیش آنے والی مشکلات سے متعلق آگاہ کیا جائے گا۔
مزیدپڑھیں:جنوبی افریقہ میں بدترین موسمی حالات، شدید برفباری، 12 افراد ہلاک، 5 لاکھ گھر بجلی سے محروم
ذریعہ
ذریعہ: Daily Ausaf
کلیدی لفظ: نے بتایا کہ کی پیش کش انہوں نے کہ انہیں کام کی
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ