خطرے کے خاتمے تک ایران پر حملہ جاری رہے گا: اسرائیلی وزیراعظم
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
تل ابیب: اسرائیلی وزیرِ اعظم بنیامین نیتن یاہو نے ایران کے خلاف جاری فضائی کارروائی کو فیصلہ کن مرحلہ قرار دیتے ہوئے واضح کیا ہے کہ جب تک ایران کی جانب سے لاحق خطرات مکمل طور پر ختم نہیں ہوتے، اسرائیلی کارروائیاں جاری رہیں گی۔
عالمی میڈیا کے مطابق ایک وڈیو پیغام میں اسرائیلی وزیرِ اعظم بنیامین نیتن یاہو نے کہا کہ اسرائیل نے ایران کے خلاف ایک مخصوص اور جامع عسکری آپریشن کا آغاز کیا ہے تاکہ اُس خطرے کو پیچھے دھکیلا جا سکے جو اسرائیل کی سلامتی اور وجود کے لیے براہِ راست چیلنج بن چکا ہے۔
انہوں نے اس فوجی کارروائی کو رائزنگ لائن کا نام دیا اور کہا کہ اسرائیلی افواج ایران کے اعلیٰ فوجی کمانڈرز اور میزائل بنانے والے مراکز کو ہدف بنا رہے ہیں جب کہ ممکنہ ایرانی میزائل و ڈرون حملوں کے خدشے کے پیش نظر ملک میں ہنگامی حالت نافذ کر دی گئی ہے۔
نیتن یاہو نے کہا کہ ہم اسرائیل کے دفاع کی تاریخ کے ایک نازک اور فیصلہ کن موڑ پر کھڑے ہیں۔ ہم نے ایران کے جوہری افزودگی پروگرام کے مرکزی مراکز کو نشانہ بنایا ہے، جن میں نطنز کی حساس تنصیب بھی شامل ہے، جبکہ بیلسٹک میزائل پروگرام کے بنیادی ڈھانچے پر بھی کاری ضرب لگائی گئی ہے۔‘‘
اسرائیلی وزیر اعظم کا مزید کہنا تھا کہ حملے میں اُن سائنسدانوں کو بھی نشانہ بنایا گیا ہے جو ایران کے ایٹمی ہتھیار بنانے کے منصوبے پر براہِ راست کام کر رہے تھے، یہ مہم صرف اسرائیل کی بقا نہیں بلکہ پورے خطے کے استحکام کے لیے ضروری ہے۔
.
ذریعہ
ذریعہ: Jasarat News
کلیدی لفظ: ایران کے
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ