قائم مقام گورنر سندھ سید اویس قادر شاہ کی اسرائیل کے ایران پر حملے کی شدید مذمت
اشاعت کی تاریخ: 13th, June 2025 GMT
اپنے بیان میں سید اویس قادر شاہ نے اسرائیلی حملے میں قیمتی انسانی جانوں کے ضیاع پر گہرے رنج و غم کا اظہار کرتے ہوئے متاثرہ خاندانوں سے دلی تعزیت کی اور ایرانی عوام کے ساتھ مکمل یکجہتی کا اظہار کیا۔ اسلام ٹائمز۔ قائم مقام گورنر سندھ اور اسپیکر سندھ اسمبلی سید اویس قادر شاہ نے اسلامی جمہوریہ ایران پر اسرائیلی حملے کی سخت ترین الفاظ میں مذمت کرتے ہوئے اسے عالمی قوانین کی کھلی خلاف ورزی قرار دیا ہے۔ انہوں نے اپنے بیان میں کہا کہ اسرائیل کا ایران پر بلا اشتعال حملہ بین الاقوامی قوانین اور اقوام متحدہ کے چارٹر کی سنگین خلاف ورزی ہے، جس سے پورے خطے کے امن و استحکام کو شدید خطرہ لاحق ہو چکا ہے۔
سید اویس قادر شاہ نے حملے میں قیمتی انسانی جانوں کے ضیاع پر گہرے رنج و غم کا اظہار کرتے ہوئے متاثرہ خاندانوں سے دلی تعزیت کی اور ایرانی عوام کے ساتھ مکمل یکجہتی کا اظہار کیا۔ انہوں نے عالمی برادری اور اقوامِ متحدہ سے مطالبہ کیا کہ اسرائیلی جارحیت کا فوری نوٹس لیا جائے اور مشرق وسطیٰ میں پائیدار امن کو یقینی بنانے کے لیے ٹھوس اقدامات کیے جائیں۔
ذریعہ: Islam Times
کلیدی لفظ: سید اویس قادر شاہ کا اظہار
پڑھیں:
صدر مملکت اور وزیراعظم کی اسرائیل کے ایران پر بلااشتعال حملے کی شدید مذمت
اسلام آباد : صدر مملکت اور وزیراعظم شہباز شریف کی اسرائیل کے ایران پر بلااشتعال حملے کی شدید مذمت کرتے ہوئے بین الاقوامی برادری سے کشیدگی روکنے کیلئے فوری اقدامات کی اپیل کردی۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ایکس اسرائیل کی جانب سے ایران پر حملے پر ردعمل دیتے ہوئے کہا ایران پر اسرائیل کے بلا اشتعال حملے کی سخت ترین الفاظ میں مذمت کرتا ہوں۔وزیراعطم نے لکھا حملے میں جانی نقصان پر ایرانی عوام سے گہری ہمدردی کا اظہارکرتا ہوں. یہ سنگین اورانتہائی غیر ذمےدارانہ عمل انتہائی تشویشناک ہے اور یہ پہلے سے غیرمستحکم خطے کو مزید غیرمستحکم کرنے کا خطرہ ہے۔وزیراعطم کا کہنا تھا کہ بین الاقوامی برادری اوراقوام متحدہ پر زور دیتے ہیں کہ وہ مزید کشیدگی روکنے کیلئے فوری اقدامات کریں۔صدر مملکت آصف زرداری نے بھی ایران کےخلاف اسرائیلی جارحیت کی شدیدمذمت کرتے ہوئے اسرائیلی حملوں میں جانوں کے ضیاع پر ایرانی عوام سے گہری ہمدردی کا اظہار کیا۔صدر مملکت کا کہنا تھا کہ عالمی برادری اور اقوام متحدہ کو چاہیے اسرائیلی جارحیت کااحتساب کرے، اسرائیلی حملےایران کی خودمختاری اورعلاقائی سالمیت کی کھلی خلاف ورزی ہیں۔انھوں نے کہا کہ اسرائیلی حملےاقوام متحدہ کےمنشور،عالمی قوانین کےبنیادی اصولوں کی پامالی ہیں . عالمی برادری صورتحال کو مزید بگڑنے سے روکنے کیلئے فوری کارروائی کرے۔
ملک بھر میں عیدالاضحیٰ آج مذہبی عقیدت و احترام کے ساتھ منائی جا رہی ہے