پاکستانی لیگ اسپنر اسامہ میر سے متعلق بڑی خبر
اشاعت کی تاریخ: 29th, July 2025 GMT
پاکستانی لیگ اسپنر اسامہ میر نے انگلش کاؤنٹی وُسٹشائر کے ساتھ ٹی 20 لیگ کا تین سال کا معاہدہ کر لیا۔
کرک انفو کے مطابق 2026 سے شروع ہونے والے اس معاہدے کے پہلے سال اسامہ بطور اوور سیز کھلاڑی کھیلیں گے اور 2027 کے بعد سے ان کا شمار بطور لوکل کھلاڑی کیا جائے گا۔
29 سالہ اسامہ میر کی اہلیہ چونکہ برطانوی شہری ہیں اس لیے وہ برطانیہ میں نیوٹرلائزیشن کے لیے اہل ہیں۔ تاہم، انہوں نے پاکستان کرکٹ سے باقاعدہ ریٹائرمنٹ کا اعلان نہیں کیا ہے۔
واضح رہے اسامہ ان کھلاڑیوں میں شامل تھے جنہوں نے 2023 میں پاکستان کرکٹ بورڈ (پی سی بی) کے ساتھ طویل مذاکرات کے بعد تین سال کے معاہدے پر دستخط کیے تھے لیکن ان کو گزشتہ برس سینٹرل کانٹریکٹ سے نکال دیا گیا تھا۔
اسامہ میر نے آخری بار اپریل 2024 میں انٹرنیشنل کرکٹ میں پاکستان کی نمائندگی کی تھی۔
.ذریعہ: Express News
پڑھیں:
بابر اعظم کا ٹی20 کرکٹ میں ایک اور ریکارڈ، روہت کے بعد کوہلی کو بھی پیچھے چھوڑ دیا
لاہور:قومی کرکٹ ٹیم کے سابق کپتان بابراعظم نے سابق کپتان روہت شرما کا سب سے زیادہ رنز بنانے کا ریکارڈ توڑنے کے بعد ویرات کوہلی کا ٹی20 کرکٹ میں ایک اننگز میں 50 سے زیادہ رنز بنانے کا ریکارڈ بھی اپنے نام کرلیا۔
قذافی اسٹیڈیم لاہور میں جنوبی افریقہ کے خلاف تیسرے اور آخری ٹی20 میچ میں پاکستان 4 وکٹوں سے کامیابی حاصل کرکے سیریز بھی جیت لی اور وہی تجربہ کار بیٹر بابراعظم نے ٹی20 ٹیم میں واپسی کے بعد سیریز میں دوسرا ریکارڈ اپنے نام کرلیا ہے۔
جنوبی افریقہ نے پاکستان کو میچ اور سیریز جیتنے کے لیے 140 رنز کا ہدف دیا تو صاحبزادہ فرحان اور صائم ایوب ایک مرتبہ پھر بڑی اوپننگ شراکت کرنے میں ناکام رہے تاہم بابراعظم نے اچھی بیٹنگ کرتے ہوئے ٹیم کو جیت پوزیشن پر لاکھڑا کیا۔
بابراعظم نے میچ میں 9 چوکوں کی مدد سے 68 رنز کی اننگز کھیلی جو ان کے کیریئر کی 40 اننگز تھی، جس میں انہوں نے 50 سے زائد رنز بنانے کا ریکارڈ قائم کیا۔
قبل ازیں بھارت کے ٹی20 سے ریٹائرمنٹ لینے والے بھارتی بیٹر ویرات کوہلی نے 125 میچوں میں 39 مرتبہ 50 سے زائد رنز بنانے کا ریکارڈ بنایا تھا۔
روہت شرما یہ کارنامہ اپنے ٹی20 کیریئر میں 37 مرتبہ انجام دے چکے ہیں اور 159 میچوں میں انہوں نے یہ ریکارڈ بنایا تھا۔
پاکستان کے محمد رضوان نے صرف 106 میچوں میں 31 مرتبہ 50 سے زائد رنز کی اننگز کھیلنے کا اعزاز حاصل کر رکھا ہے، پانچویں نمبر پر آسٹریلیا کے سابق بیٹر ڈیوڈ وارنر ہیں جنہوں نے 29 مرتبہ 50 رنز سے بڑی اننگز کھیلی۔
پاکستان نے جنوبی افریقہ کو ٹی20 سیریز میں 1-2 سے شکست دے، بابراعظم کو ذمہ دارانہ بیٹنگ پر میچ اور فہیم اشرف کو بولنگ میں اچھی کارکردگی پر ٹی20 سیریز کا بہترین کھلاڑی قرار دیا گیا۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں