خون کے سرطان کے نئے طریقہ علاج کا آغاز، حیرت انگیز نتائج برآمد
اشاعت کی تاریخ: 13th, June 2025 GMT
دنیا میں پہلی مرتبہ برطانیہ کی نیشنل ہیلتھ سروس میں خون کے کینسر ملٹی پل مائیلوما کے لیے جدید ترین ’ٹروجن ہارس‘ طرز کی تھراپی کے استعمال کے آغاز کردیا گیا ہے۔
یہ بھی پڑھیں: پھیپھڑوں کے کینسر میں مبتلا خواتین کی نصف تعداد نان اسموکر، پھر عارضے کی وجہ کیا؟
بی بی سی کے مطابق یہ جدید دوا بیلانٹامیب میفووڈوٹن مریضوں کو ایک خاص اینٹی باڈی کے ذریعے براہ راست کیموتھراپی فراہم کرتی ہے۔ یہ دوا کینسر کے خلیوں میں جا کر اندر سے انہیں تباہ کردیتی ہے۔
برطانوی شہر شیفیلڈ کے 60 سالہ رہائشی پال سلویسٹر اس علاج سے فائدہ اٹھانے والے ابتدائی مریضوں میں شامل ہیں۔ ان میں 2 سال قبل مائیلوما کی تشخیص ہوئی تھی۔ بیماری کی شدت کے باعث ان کی ریڑھ کی ہڈی کی ہڈیوں میں فریکچر ہو گیا تھا۔ گزشتہ سال بون میرو ٹرانسپلانٹ کے بعد بیماری واپس لوٹ آئی تاہم نئی تھراپی کے چند ہفتوں بعد ہی ان کی بیماری مکمل طور پر ختم ہوگئی۔
مزید پڑھیے: طرز زندگی میں تبدیلی کینسر سے بچ جانے والوں کی عمر بڑھاتی ہے؟
پال سلویسٹر نے کہا کہ اس تھراپی نے ان کی زندگی بدل دی۔ انہوں نے مزید کہا کہ میں اب اپنی زندگی معمول کے مطابق گزار رہا ہوں اور اپنی بیٹی کی گریجویشن تقریب اور ہیڈریئنز وال کی سیر کی منصوبہ بندی کر رہا ہوں۔
انہوں نے کہا کہ اب وہ ایک اچھی اور نارمل زندگی گزار رہے ہیں۔
یہ طریقہ علاج کس طرح کام کرتا ہے؟یہ دوا ایک طاقتور کیموتھراپی دوا کو اینٹی باڈی کے ساتھ جوڑتی ہے جو کہ مائیلوما کے خلیوں پر موجود مخصوص علامات کو پہچان کر انہی خلیوں میں داخل ہوتی ہے۔ یہ طریقہ علاج قدیم یونانی داستان ’ٹروجن ہارس‘ سے متاثر ہے جس میں فوج کو لکڑی کے ایک بڑے سے گھوڑے کے اندر چھپا کر شہر میں داخل کیا گیا تھا۔
مؤثر اور کم نقصان دہموجودہ علاج کے مقابلے میں 3 گنا زیادہ وقت تک بیماری کو روکتا ہے یعنی 13 ماہ کے بجائے 3 سال تک یہ بیماری کو انسان میں لوٹنے نہیں دیتا۔
مریضوں کو عام کیموتھراپی کے برعکس کم سائیڈ ایفیکٹس کا سامنا کرنا پڑتا ہے۔
این ایچ ایس کے پروفیسر پیٹر جانسن کا کہنا ہے کہ یہ علاج مائیلوما کے مریضوں کے لیے ایک اہم پیش رفت ہے۔
پروفیسر مارٹن کیسر، انسٹیٹیوٹ آف کینسر ریسرچ کے محقق، نے کہا کہ یہ بہت اسمارٹ دوا ہے اور اس کا اثر دیگر علاجوں کے حیران کن ہے۔
اس اقدام کے بعد برطانیہ میں ہر سال تقریباً 1،500 مریض اس دوا سے مستفید ہو سکیں گے۔
مزید پڑھیں: ’اسپرین‘ کینسر کے خلاف مؤثر ہوسکتی ہے، نئی تحقیق میں انکشاف
برطانوی وزیر صحت کیرن اسمتھ کا کہنا ہے کہ یہ انقلابی تھراپی این ایچ ایس کو کینسر کے علاج میں دنیا کے دیگر اداروں میں سب سے آگے لاکھڑا کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ایچ ایس برطانیہ کینسر کا نیا علاج میلومیا کینسر.ذریعہ: WE News
کلیدی لفظ: این ایچ ایس برطانیہ کینسر کا نیا علاج میلومیا کینسر کہا کہ
پڑھیں:
آزاد کشمیر میں تحریک عدم اعتماد کا طریقہ کار طے ہوگیا ہے، وزیرِ قانون آزاد کشمیر
وزیر قانون آزاد کشمیر میاں عبدالوحید—فائل فوٹو
آزاد کشمیر کے وزیرِ قانون میاں عبدالوحید نے کہا ہے کہ آزاد کشمیر میں تحریک عدم اعتماد کا طریقہ کار طے ہو گیا ہے۔
وزیر قانون آزاد کشمیر میاں عبدالوحید نے اگلی ممکنہ تحریک عدم اعتماد کے حوالے سے بات کرتے ہوئے کہا کہ ایک ہفتے کے اندر تحریک عدم اعتماد پیش کر دی جائے گی۔
میاں عبدالوحید نے ایوان کی صورتحال پر بات کرتے ہوئے بتایا کہ بیرسٹر سلطان محمود کے حمایت یافتہ ارکان کی پیپلز پارٹی میں شمولیت ہوچکی ہے اور اب قانون ساز اسمبلی میں پیپلز پارٹی کے اپنے ممبران کی تعداد 27ہوگئی ہے۔
اب تک آزاد کشمیر قانون ساز اسمبلی میں 6 وزرائے اعظم کے خلاف تحریکِ عدم اعتماد پیش کی جا چکی ہے۔
انہوں نے بتایا کہ اب ن لیگ تحریک عدم اعتماد میں پیپلز پارٹی کو ووٹ دے گی اور پیپلز پارٹی عددی برتری کے باعث بغیر اتحاد کے حکومت بنائے گی۔
انہوں نے مزید بتایا کہ اسٹیک ہولڈرز سے مشاورتی عمل کی وجہ سے تحریک عدم اعتماد پیش کرنے میں تاخیر ہوئی، آزاد کشمیر میں ہونے والے حالات و واقعات کا جائزہ لیا جا رہا ہے۔
وزیرِقانون آزاد کشمیر نے کہا کہ پی ٹی آئی آزاد کشمیر میں 2 سال سے رجسٹرڈ ہی نہیں اور فاروڈ بلاک کے ممبران پر فلور کراسنگ ایکٹ نہیں لگ سکتا اور اب نئے قائد ایوان کے فیصلہ کا اختیار چیئرمین بلاول بھٹو زرداری کریں گے۔
وزیر قانون آزاد کشمیر نے لائحہ عمل واضح کرتے ہوئے کہا کہ 3 سے 4 دن کے اندر تحریک عدم اعتماد پیش کر دی جائے گی اور تحریک عدم اعتماد جمع کرواتے وقت پیپلز پارٹی نئے وزیر اعظم کا نام جاری کرے گی۔
پاکستان میں آئندہ حج سستا ہونے کا امکان