آج رات ایران کے ہر ہدف اور ہر مقام کو نشانہ بنائیں گے؛ نیتن یاہو
اشاعت کی تاریخ: 15th, June 2025 GMT
اسرائیلی وزیر اعظم نے وڈیو پیغام میں دھمکی دی کہ آج رات ایران کی حکومت کے ہر ہدف اور ہر مقام پر ایسا حملہ کریں گے کہ دنیا دیکھے گی۔
اسرائیلی میڈیا کے مطابق قوم کے نام ویڈیو پیغام میں وزیراعظم نیتن یاہو نے اعلان کیا کہ بہت جلد آپ دیکھیں گے کہ اسرائیلی طیارے، اسرائیلی فضائیہ اور ہمارے بہادر پائلٹ، تہران کے آسمانوں پر ہوں گے۔
انھوں نے مزید کہا کہ ان حملوں کا مقصد ایران کے دوہرے خطرے یعنی ایران کے جوہری پروگرام اور بیلسٹک میزائلوں کو مکمل طور پر ختم کرنا ہے۔
اسرائیلی وزیر اعظم نے دعویٰ کیا کہ ہم نے ایران کی ہر اُس یورینیم افزودگی تنصیب پر شدید ضرب لگائی جہاں بم بنائے جا رہے تھے۔
نیتن یاہو نے مزید کہا کہ ہم نے اُن سرفہرست سائنس دانوں کو بھی نشانہ بنایا ہے جو ان منصوبوں کی قیادت کر رہے تھے۔ ایران کے جوہری پروگرام کو کئی سال پیچھے دھکیل دیا۔
قبل ازیں اسرائیلی وزیراعظم نیتن یاہو نے اپنے تئیں ایرانی عوام سے ویڈیو لنک پر براہِ راست خطاب کرتے ہوئے انھیں کہا تھا کہ وہ " آمر حکومت کیخلاف اٹھیں اور اپنی آواز بلند کریں"۔
یاد رہے کہ اسرائیل کے ایک روز قبل کیے گئے حملے میں ایران کی ٹاپ رینک فوجی قیادت سمیت اہم ایٹمی سائنسدان سمیت 80 سے زائد افراد شہید ہوگئے تھے۔
جس کے بعد سے دونوں ممالک کی جانب سے ایک دوسرے پر حملوں کا سلسلہ جاری ہے۔
.ذریعہ: Express News
پڑھیں:
ایرانی صدر آئندہ ہفتے پاکستان کا دورہ کریں گے
سٹی 42: ایران پاکستان دوستی میں مزید استحکام آگیا, ایرانی صدر آئندہ ہفتے پاکستان کا دورہ کریں گے۔پاک ایران سرحدی انتظام اور زائرین کے حوالے سے بھی بات چیت متوقع ہے
سفارتی ذرائع کے مطابق مسعود پزیشکیان کے آئندہ ہفتے دورہ پاکستان کی تیاریاں حتمی مراحل میں داخل ہوچکی ہیں ،ایرانی صدر دورے میں لاہور اور اسلام آباد جائیں گے,مسعود پزیشکیان کا دورہ پاکستان لاہور سے شروع ہو گا,
جنوبی ایشیائی ملک کا 40 ممالک کے لیے ویزا فیس ختم کرنے کا اعلان
ایرانی صدر وفد کے ہمراہ 2 اگست کو لاہور سے دورے کا آغاز کریں گے,وہ شاعر مشرق ڈاکٹر علامہ محمد اقبال کے مزار پر حاضری دیں گے،ڈاکٹر مسعود پزیشکیان کی اسلام آباد میں باقائدہ ملاقاتوں کا سلسلہ 3 اگست کو شروع ہو گا۔
ایرانی صدر 3 اگست کو اسلام آباد میں وزیر اعظم شہباز شریف سے ملاقات کریں گے۔
اسلام آباد میں وفود کی سطح پر بات چیت کی جائے گی،3 اگست کو ڈاکٹر مسعود پزیشکیان چئیرمین سینیٹ یوسف رضا گیلانی اور اسپیکر قومی اسمبلی ڈاکٹر ایاز صادق سے بھی ملاقاتیں کریں گے,ایرانی صدر نائب وزیراعظم اسحاق ڈار سے بھی ملاقات کریں گے,دورے کے دوران ایرانی صدر کی صدر آصف علی زرداری سے ملاقات متوقع ہے,ایرانی صدر کی عسکری قیادت سے بھی ملاقات متوقع ہے,
2 کمپنیوں نے پاکستان سے گدھےکے گوشت کی برآمدکےلائسنس کیلئے درخواست دے دی
ایرانی صدر ایران اسرائیل جنگ میں پاکستان کی بھرپور حمایت پر پاکستان کا شکریہ ادا کریں گے,ایرانی صدر نے دوران جنگ ایرانی پارلیمانی اجلاس میں بھی پاکستان کا شکریہ ادا کیا تھا,مسعود پزیشکیان نے ایرانی پارلیمان کے اجلاس میں پاکستان زندہ باد کے نعرے بھی لگوائے تھے,حالیہ ایران اسرائیل جنگ اور بھارت کے پاکستان کے خلاف اسرائیلی اسلحے کے استعمال کے تناظر میں پاک ایران قریب آئے ہیں,باہمی ملاقاتوں میں پاک ایران تعلقات کے مزید فروغ, پاک ایران باہمی منسلکی, توانائی و تجارت میں تعاون پر تبادلہ خیال کیا جائے گا,
بیرسٹر گوہر نے الیکشن کمیشن کو پی ٹی آئی کے حوالے سے متعصب قرار دے دیا
پاک ایران سرحدی انتظام اور زائرین کے حوالے سے بھی بات چیت متوقع ہے,ملاقاتوں میں پاک ایران گیس پائپ لائن پر بات چیت بھی متوقع ہے,
بھارتی سیریل ’تارک مہتا کا الٹا چشمہ‘ کے مشہور کردار جیٹھا لال نے کیا ڈرامے کو الوداع کہہ دیا؟