بلدیہ عظمیٰ کراچی کے تمام دفاتر 19 جون کو بند رہیں گے‘مرتضیٰ وہاب
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)حضرت عبداللہ شاہ غازی کے عرس کے موقع پر میئر کراچی بیرسٹر مرتضیٰ وہاب نے شہر قائد میں 19 جون کو تعطیل کا اعلان کیا ہے، جاری کردہ نوٹی فیکشن کے مطابق بلدیہ عظمیٰ کراچی کے تمام دفاتر 19 جون کو بند رہیں گے ،سینئر ڈائریکٹر ایچ آر ایم کی جانب سے نوٹیفکیشن جاری کیا گیاہے، بلدیہ عظمیٰ کراچی کی سٹی کونسل کی قرارداد کے تحت حضرت عبداللہ شاہ غازی کے سالانہ عرس پر تعطیل کا اعلان کیا گیا ہے۔
.ذریعہ: Jasarat News
پڑھیں:
عبداللہ شاہ غازیؒ کے عرس مبارک پر کراچی میں تعطیل کا اعلان
شہر قائد کراچی میں عظیم صوفی بزرگ حضرت عبداللہ شاہ غازیؒ کے سالانہ عرس مبارک کے موقع پر 19 جون کو مقامی تعطیل کا اعلان کر دیا گیا ہے۔ یہ تعطیل کراچی میٹروپولیٹن کارپوریشن (KMC) کی جانب سے میئر مرتضیٰ وہاب کی منظوری سے دی گئی ہے۔
کراچی میں 19 جون کو مقامی تعطیل کا نوٹیفکیشن بھی جاری کردیا گیا ہے، جس کے مطابق بلدیہ عظمیٰ کراچی کے تمام دفاتر اس روز بند رہیں گے۔
یہ بھی پڑھیں امن و محبت کی دھرتی سندھ کی ثقافت کے دلکش رنگ
اس اقدام کا مقصد عرس مبارک میں شریک زائرین کے لیے سہولت پیدا کرنا اور روحانی سرگرمیوں کے لیے ماحول فراہم کرنا ہے۔
تاریخی پس منظر: حضرت عبداللہ شاہ غازیؒ کون تھے؟حضرت عبداللہ شاہ غازیؒ کا تعلق بنو امیہ کے دور کے مشہور خاندان سے تھا اور وہ امام حسینؓ کی نسل سے ہیں۔ آپ 8ویں صدی میں اسلامی تعلیمات کی تبلیغ کے لیے سندھ کے ساحلی علاقوں میں تشریف لائے اور دعوت و تبلیغ، روحانی تربیت اور انسانیت سے محبت کے ذریعے لوگوں کو دین اسلام کی طرف راغب کیا۔
آپ کا مزار کراچی کے مشہور علاقے کلفٹن میں واقع ہے، جو صدیوں سے روحانیت کے متلاشی افراد کے لیے مرکز عقیدت بنا ہوا ہے۔ حضرت عبداللہ شاہ غازیؒ کو ’سمندر کے محافظ‘ کے طور پر بھی جانا جاتا ہے، کیونکہ ایک مقبول عقیدے کے مطابق ان کے مزار کی موجودگی کراچی کو سمندری طوفانوں سے محفوظ رکھتی ہے۔
عرس کی تقریبات اور انتظاماتعرس مبارک کے دوران ملک بھر سے لاکھوں زائرین کراچی آتے ہیں۔ اس موقع پر محفلِ سماع، نعت خوانی، ذکر، درود و سلام اور اجتماعی دعا کا اہتمام کیا جاتا ہے۔
عرس میں لنگر کا وسیع انتظام ہوتا ہے جہاں روزانہ ہزاروں افراد کھانا کھاتے ہیں۔ اس کے علاوہ سیکیورٹی، صفائی، ٹریفک مینجمنٹ اور میڈیکل کیمپس کے خصوصی انتظامات کیے جاتے ہیں۔
عرس میں مزار شریف پر چراغاں، چادر پوشی اور پھولوں کی چڑھائی کی روح پرور تقریبات منعقد ہوتی ہیں۔
وزیراعلیٰ سندھ مراد علی شاہ، میئر کراچی مرتضیٰ وہاب اور کمشنر کراچی کی زیر نگرانی خصوصی اجلاسوں میں عرس کے انتظامات کا جائزہ لیا گیا۔
یہ بھی پڑھیں کراچی میں کل عام تعطیل کا اعلان
عرس کے موقع پر پولیس اور رینجرز کی بھاری نفری تعینات کی جائے گی تاکہ زائرین کو فول پروف سیکیورٹی مہیا کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلان تعطیل عبداللہ شاہ غازی عرس کراچی مرتضیٰ وہاب میئر کراچی وی نیوز
یمن:ایک ہفتے کے دوران مزید 1,139 بارودی سرنگیں تلف,کل تعداد4 لاکھ 98 ہزار 683 ہوگئی۔