الیکٹرونکس مارکیٹ کی عمارت میںآتشزدگی سے لاکھوںکاسامان خاکستر
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)صدرریگل چوک کے قریب الیکٹرانکس مارکیٹ کی عمارت میں آتشزدگی کے دوران لاکھوں روپے مالیت کا سامان جل کر خاکسترہوگیا،فائربریگیڈ اور ریسکیو 1122 کے عملے نے 2گھنٹوں کی سخت کوششوں کے بعد آگ پرقابوپالیا اس دوران کسی قسم کا کوئی جانی نقصان نہیں ہوا،بہادرآباد چارمنیارچورنگی کے قریب واقع ریسٹورینٹ میں لگنے والی آگ پرڈیڑھ گھنٹے کی کوشش کے بعد قابو پا لیا گیا۔ تفصیلات کے مطابق شہرکے مصروف ترین کاروباری علاقے صدرریگل چوک دبئی ہوٹل والی گلی میں الیکٹرانکس مارکیٹ کی عمارت میں اچانک آگ بھڑک اٹھی جس نے دیکھتے ہی دیکھتے شدت اختیارکرلی،الیکٹرانکس مارکیٹ میں آگ لگنے کی اطلاع پر کے ای سی فائربریگیڈ اورریسکیو 1122 کے عملے کو طلب کرلیا گیا اس دوران آگ عمارت کے گراؤنڈ فلور اور فیز نائن فلور سے بالائی منزلوں تک پھیل گئی کے ایم سی کے 5 فائر ٹینڈرز،2 واٹر باؤذرزاوراسنارکل اورریسکیو 1122 کے ایک فائر ٹرک اورایمبولینس موقع پرپہنچ گئی اورآگ پرقابوپانے کے لیے ریسکیو آپریشن شروع کردیا گیا۔
.ذریعہ: Jasarat News
پڑھیں:
کھارادر کی عمارت میں لفٹ گرگئی، 10 افراد زخمی
کھارادر میں رہائشی عمارت کی لفٹ گرنے سے 10 افراد زخمی ہوگئے۔
تفصیلات کے مطابق ایس ایچ او کھارادر پون کمار نے بتایا کہ کھارادر تھانہ کی حدود اچھی قبر بمبئی بازار کے قریب 7 منزلہ رہائشی عمارت سٹی مال کی لفٹ اوپری منزل سے گراونڈ فلور کی طرف آرہی تھی کہ ممکنہ فنی خرابی کے سبب لفٹ کا بیلٹ ٹوٹ گیا اور وہ گر گئی۔
لفٹ گرنے سے اس میں سوار 10 افراد زخمی ہوگئے۔ حادثہ کی اطلاع ملتے ہی پولیس اور ریسیکو ادارے موقع پر پہنچ گئے۔ زخمیوں کو لفٹ سے نکال کر ریسیکو ایمبولینسوں سے سول اسپتال منتقل کیا گیا۔
ایس ایچ او نے بتایا کہ حادثے میں زخمی ہونے والے افراد کو معمولی زخم آئے ہیں۔ سب زخمیوں کی حالت خطرے سے باہر ہے۔ یہ تمام زخمی افراد بلڈنگ کے ہی رہائشی ہیں۔ اس عمارت کے گراونڈ فلور پر دکانیں اور اوپری منزلیں رہائشی یونٹس ہیں۔
ایدھی حکام کے مطابق لفٹ گرنے سے زخمی ہونے والوں کی شناخت 30 سالہ جنید ولد نور محمد۔35 سالہ الطاف ولد عبدالقاد، 30 سالہ محمد سہیل ولد اقبال، 28 سالہ ندیم ولد اجمل، 17 سالہ مبشر ولد اقبال ۔18 سالہ عفان ولد زاہد، 40 سالہ نفیس ولد رفیق، 40 سالہ سراج الدین ولد فضل الدین، 35 سالہ واحد گل ولد گل محمد اور 38 سالہ ریحان ولد اخلاق احمد کے ناموں سے ہوئی۔
راولپنڈی کے کن روٹس پر الیکٹرک بس سروس کا آغاز کیا جا رہا ہے؟