آپریشن بنیان مرصوص میں پاکستانی طلبا کا کردار ناقابل فراموش ہے، ڈی جی آئی ایس پی آر
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری کاکہنا ہے کہ آپریشن بنیان مرصوص میں پاکستانی عوام، خصوصاً طلبا و طالبات نے کلیدی کردار ادا کرکے بھارتی اسٹریٹجک مفروضوں کو ہمیشہ کے لیے خاک میں ملا دیا۔
میڈیا رپورٹس کے مطابق لیفٹیننٹ جنرل احمد شریف نے جناح یونیورسٹی برائے خواتین کراچی کا دورہ کیا، جہاں انہوں نے طالبات سے خطاب کرتے ہوئے آپریشن بنیان مرصوص کی کامیابی، اس میں پاک افواج کی حکمت عملی اور قربانیوں کے ساتھ ساتھ پاکستانی عوام کے کردار پر تفصیل سے روشنی ڈالی۔
ڈی جی آئی ایس پی آر کا کہنا تھا کہ پاکستانی قوم نے جس اتحاد اور جذبے کا مظاہرہ کیا، اس نے دشمن کے عزائم کو ناکام بنایا، طلبا و طالبات نے سوشل میڈیا اور علمی محاذ پر جس موثر انداز سے کردار ادا کیا، وہ قابل تحسین اور ناقابل فراموش ہے۔
ان کا مزید کہنا تھا کہ کشمیر پاکستان کی شہ رگ ہے اور اس سے متعلق پاکستانی مؤقف ناقابلِ تبدیل ہے، بلوچستان کے عوام پاکستان کے ساتھ مذہب، ثقافت اور روایات کے اٹوٹ بندھن میں جُڑے ہوئے ہیں، بھارت کی سرپرستی میں کام کرنے والے مٹھی بھر دہشت گرد اس رشتے کو کبھی نقصان نہیں پہنچا سکتے۔
لیفٹیننٹ جنرل احمد شریف نے کہا کہ “فتنۂ ہند” کا اصل چہرہ آج پوری دنیا کے سامنے بے نقاب ہو چکا ہے اور پاکستان اپنے قومی مفادات کے تحفظ کے لیے کسی بھی سطح پر اقدامات سے گریز نہیں کرے گا۔
اس موقع پر جناح ویمن یونیورسٹی کی انتظامیہ، فیکلٹی اور طالبات کی جانب سے پاک افواج کو جنگ میں کامیابی پر خراجِ تحسین پیش کیا گیا۔ طالبات نے کہا کہ ہم پاک افواج سے ہیں اور پاک افواج عوام سے ہیں، یہ رشتہ ہمیشہ سے مضبوط رہا ہے اور آئندہ بھی ناقابل شکست رہے گا۔
.ذریعہ: Jasarat News
کلیدی لفظ: پاک افواج
پڑھیں:
پارلیمانی رپورٹرز عوام اور پارلیمان کے درمیان پل کا کردار ادا کررہے ہیں، ایاز صادق
اسپیکر قومی اسمبلی سردار ایاز صادق نے کہا ہے کہ پارلیمانی رپورٹرز عوام اور پارلیمان کے درمیان پل کا کردار ادا کررہے ہیں، پارلیمانی رپورٹرز انتہائی سلجھے ہوئے اور اعلیٰ تعلیم یافتہ ہیں۔
اسپیکر قومی اسمبلی سردار ایاز صادق نے پارلیمنٹری رپورٹرز ایسوسی ایشن پاکستان (پی آر اے پی) کے انتخابات کے موقع پر قومی اسمبلی کی پریس گیلری اور پریس لاؤنج کا دورہ کیا۔ ان کے ہمراہ رکن قومی اسمبلی اور پیپلز پارٹی کے وہپ اعجاز حسین جاکھرانی، پی آر اے پی کے امیدواران اور قومی اسمبلی کے اعلیٰ افسران بھی موجود تھے۔
یہ بھی پڑھیں: صحافیوں کا قومی اسمبلی اجلاس سے واک آؤٹ، وجہ کیا بنی؟
اسپیکر نے انتخابی عمل کا جائزہ لیا اور الیکشن کمیٹی سے ملاقات کی۔ چیئرمین الیکشن کمیٹی طارق سمیر نے اسپیکر کو انتخابی عمل اور ضابطہ اخلاق سے آگاہ کیا۔
سپیکر قومی اسمبلی سردار ایاز صادق کا پارلیمانی رپورٹرز ایسوسی ایشن کے انتخابات کے موقع پر پولنگ سٹیشن کا دورہ،پارلیمانی رپورٹرز سے گفتگو میں جمہوری عمل کی تعریف ۔
پارلیمنٹ اور میڈیا کا چولی دامن کا ساتھ ہے پی آر اے کے ساتھ ہمیشہ اچھے تعلقات رہے نئی منتخب باڈی کے ساتھ بھی تعلقات… pic.twitter.com/xLQ2FmFQAx
— Siddeeq Sajid (@S_SajidOfficial) October 2, 2025
اس موقع پر سردار ایاز صادق نے کہا کہ پی آر اے اور پریس گیلری پارلیمان کا اہم جزو ہیں، جبکہ پارلیمانی رپورٹرز عوام اور پارلیمان کے درمیان پل کا کردار ادا کر رہے ہیں۔ ان کا کہنا تھا کہ عوامی مسائل اور پارلیمانی کارروائی عوام تک پہنچانے میں رپورٹرز کا کلیدی کردار ہے۔
انہوں نے کہا کہ پی آر اے کے خوشگوار اور شفاف انتخابات خوش آئند ہیں، پرامن انتخابی عمل دیکھ کر دلی مسرت ہوئی۔ ان کے مطابق انتخابات کے ذریعے عہدیداران کا چناؤ جمہوریت کی روح ہے، جبکہ پارلیمانی رپورٹرز انتہائی سلجھے ہوئے اور اعلیٰ تعلیم یافتہ ہیں۔ انہوں نے امید ظاہر کی کہ انتخابات میں بہترین نمائندوں کا انتخاب ہوگا۔
یہ بھی پڑھیں: اسپیکر ایاز صادق کی ہزارہ جرنلسٹس ایسوسی ایشن کے نومنتخب عہدیداروں کو مبارکباد
الیکشن کمیٹی نے قومی اسمبلی سیکرٹریٹ کے بہترین انتظامات اور ڈائریکٹر جنرل میڈیا کی ٹیم کے تعاون پر اسپیکر کا شکریہ ادا کیا۔ اسپیکر نے کمیٹی کی خدمات اور انتخابات کے کامیاب انعقاد پر مبارکباد پیش کی اور امیدواروں کے لیے نیک خواہشات کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپیکر قومی اسمبلی انتخابات ایاز صادق پارلیمانی رپورٹرز ایسوسی ایشن پولنگ دورہ سردار ایاز صادق
نیش کپ اسکواش ٹورنامنٹ، پاکستان نے فائنل جیت لیا