کراچی کے ملینیئم مال میں خوفناک آتشزدگی، فائر بریگیڈ کی بھرپور کارروائی
اشاعت کی تاریخ: 18th, June 2025 GMT
کراچی:
شہر قائد میں گلستان جوہر موڑ کے قریب واقع معروف نجی شاپنگ مال "ملینیئم مال" میں ہفتہ کی صبح خوفناک آتشزدگی کا واقعہ پیش آیا، جس نے دیکھتے ہی دیکھتے پوری عمارت کو اپنی لپیٹ میں لے لیا۔
ریسکیو حکام کے مطابق آگ مال کے تیسرے فلور پر واقع کنٹرول روم میں لگی، جس کے بعد وہ تیزی سے چھت تک پھیل گئی۔
ترجمان ریسکیو 1122 کا کہنا ہے کہ مال کی چھت پر نصب چلرز اور الیکٹرک وائرنگ کے باعث آگ نے شدت اختیار کی اور نیچے کے فلورز تک پھیل گئی۔ تیسرے فلور پر واقع کارپوریٹ دفاتر کو شدید نقصان پہنچا ہے۔ خوش قسمتی سے تاحال کسی جانی نقصان کی اطلاع موصول نہیں ہوئی۔
آگ بجھانے کے لیے فائر بریگیڈ کی 12 گاڑیاں اور 2 اسنارکلز موقع پر پہنچ چکی ہیں، جبکہ کے ایم سی اور ریسکیو 1122 کے فائرفائٹرز آگ پر قابو پانے کے لیے مسلسل کارروائی میں مصروف ہیں۔ تاہم پانی کی شدید قلت کے باعث فائر آپریشن کو دشواری کا سامنا ہے۔ فائربریگیڈ حکام کے مطابق واٹر کارپوریشن کی جانب سے ابھی تک فائر سائٹ پر واٹر ٹینکرز فراہم نہیں کیے جا سکے۔
ریسکیو ذرائع کا کہنا ہے کہ مال میں نصب فائر فائٹنگ سسٹم ناقص اور ناکارہ نکلا، جس کے باعث ابتدائی لمحوں میں آگ پر قابو نہیں پایا جا سکا۔ آگ پر جزوی طور پر قابو پا لیا گیا ہے اور اس کو مزید پھیلنے سے روک دیا گیا ہے۔
فائر بریگیڈ حکام کے مطابق صورتحال پر مکمل قابو پانے کے لیے مزید وقت درکار ہے اور ریسکیو ٹیمیں پوری قوت کے ساتھ آگ بجھانے میں مصروف ہیں۔ آگ لگنے کی وجوہات کا تعین کرنے کے لیے تحقیقات جاری ہیں۔
.ذریعہ: Express News
کلیدی لفظ: کے لیے
پڑھیں:
کرک؛ رات گئے تھانے پر فتنۃ الخوارج کے 30 دہشت گردوں کا حملہ ناکام
پشاور:تھانہ گرگری ضلع کرک پر رات گئے فتنۃ الخوارج کے 25 سے 30 دہشتگردوں کا حملہ ناکام بنادیا گیا۔
پولیس نے تھانے کے قریب فتنہ الخوارج کی مشکوک نقل وحرکت بھانپتے ہی فائر کھول دیا جس کے باعث بزدل دہشتگرد منٹوں میں بھاگنے پر مجبور ہوگئے، دوران آپریشن نفری مکمل طور پر محفوظ رہی جبکہ حالات مکمل قابو میں ہیں۔
ڈی پی او کرک شہباز الہٰی کے مطابق تھانہ یعقوب شہید پولیس کی کارروائی میں بدنام زمانہ اشتہاری مجرم و ڈکیت گروہ کے سرغنہ شہباز عرف پنجابی کو جہنم واصل کردیا گیا۔
تھانہ یعقوب شہید کی حدود لمرکی قبرستان کے قریب انٹلیجنس بیسڈ کارروائی کی گئی جہاں ملزمان نے پولیس پارٹی کو دیکھتے ہی فائر کھولا۔
دو طرفہ مقابلے کے بعد سرچ آپریشن میں ہلاک اشتہاری مجرم کی لاش برآمد ہوئی جسے سابقہ ریکارڈ سے شناخت کیا گیا۔
آر پی او کوہاٹ عباس مجید مروت کا کہنا ہے کہ دہشتگردوں سمیت تمام جرائم پیشہ عناصر کے خلاف کرک پولیس کی کارروائیاں جاری ہیں، عوام کی جان و مال کی حفاظت کیلئے کرک پولیس ہر دم تیار ہے۔
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار