عالمی برادری ایران کیخلاف اسرائیلی جارحیت کا نوٹس لے، غلام محمد صفی
اشاعت کی تاریخ: 18th, June 2025 GMT
حریت رہمنا نے کہا کہ مشرقِ وسطیٰ پہلے ہی سیاسی عدم استحکام، انسانی بحران اور بدامنی کا شکار ہے۔ اسلام ٹائمز۔ کل جماعتی حریت کانفرنس آزاد جموں و کشمیر شاخ کے کنوینر غلام محمد صفی نے ایران پر اسرائیلی جارحیت کی سخت مذمت کرتے ہوئے اسے بین الاقوامی قوانین، اقوام متحدہ کے چارٹر اور انسانی اقدار کی صریح خلاف ورزی قرار دیا ہے۔ ذرائع کے مطابق غلام محمد صفی نے ایک بیان میں حکومتِ ایران اور ایرانی عوام کے ساتھ مکمل یکجہتی اور ہمدردی کا اظہار کرتے ہوئے عالمی برادری پر زور دیا کہ وہ اس سنگین صورتحال کا فوری اور مئوثر نوٹس لے۔ غلام محمد صفی نے کہا کہ مشرقِ وسطیٰ پہلے ہی سیاسی عدم استحکام، انسانی بحران اور بدامنی کا شکار ہے، ایسے میں اسرائیل کا ایران پر حملہ نہ صرف ایک خودمختار ریاست کی سالمیت پر حملہ ہے بلکہ یہ پورے خطے کو جنگ، انتشار اور تباہی کی طرف دھکیلنے کی دانستہ کوشش ہے۔ انہوں نے اس حملے کو اسرائیل کی جاری توسیع پسندانہ پالیسیوں کا تسلسل قرار دیا، جسے عالمی طاقتوں کی مسلسل چشم پوشی اور دوہرے معیار نے مزید شہ دی ہے۔ غلام محمد صفی نے مسئلہ کشمیر کا حوالہ دیتے ہوئے کہا کہ جس طرح فلسطین کے حق خود ارادیت کو عالمی سطح پر نظر انداز کیا گیا، اسی طرح کشمیری عوام کی جائز اور دیرینہ جدوجہد کو بھی دبانے کی کوشش کی جا رہی ہے۔ انہوں نے کہا کہ اسرائیلی جارحیت اور بھارتی ظلم و جبر میں گہری مماثلت ہے اور یہ دونوں مظلوم اقوام کے خلاف عالمی طاقتوں کی منافقانہ پالیسیوں کا شاخسانہ ہیں۔ غلام محمد صفی نے اقوام متحدہ اور عالمی برادری پر زور دیا کہ وہ اسرائیلی جارحیت کا نوٹس لیں۔ انہوں نے خبردار کیا کہ اگر عالمی برادری نے ایک بار پھر مجرمانہ خاموشی اختیار کی تو اس کے نہایت سنگین نتائج برآمد ہو سکتے ہیں۔
.ذریعہ: Islam Times
کلیدی لفظ: اسرائیلی جارحیت غلام محمد صفی نے عالمی برادری کہا کہ
پڑھیں:
گریٹر اسرائیل عالمی امن کیلیے خطرہ ہے؛ نیتن یاہو نے تمام حدیں پار کردیں؛ امیرِ قطر
امیرِ قطر شیخ تمیم بن حمد الثانی نے دوحہ میں ہونے والے عرب اسلامی سربراہی کے ہنگامی اجلاس سے خطاب میں اسلامی ممالک کے رہنماؤں کو خوش آمدید کہا اور شکریہ بھی ادا کیا۔
عرب میڈیا کے مطابق امیرِ قطر شیخ تمیم بن حمد الثانی نے افتتاحی خطاب میں دوحہ میں حماس کے مذاکرات کاروں پر اسرائیل کے حملے کی مذمت کرتے ہوئے کہا کہ اسرائیل نے انسانیت کے خلاف جرائم میں تمام حدیں پار کرلیں۔
امیر قطر شیخ تمیم بن حمد الثانی نے اسرائیل کی عالمی قوانین کی سنگین پامالی لمحہ فکریہ قرار دیتے ہوئے متنبہ کیا کہ اسرائیل کے توسیع پسندانہ عزائم کو بند اور مشرق مسئلہ فلسطین کے فوری حل پر زور دیا۔
انھوں نے اسرائیلی حملے کو خودمختاری اورعلاقائی سالمیت کی خلاف ورزی قرار دیتے ہوئے کہا کہ ہم نے ہمیشہ ثالث کے طور پر خطے میں امن کے لیے اپنا بے لوث کردار ادا کیا ہے۔
امیرِ قطر اسرائیلی حملے کو مذاکراتی عمل کو سبوتاژکرنے کی کوشش قرار دیتے ہوئے کہا کہ اس سے امن اور جنگ بندی کی کاوشوں کو شدید نقصان پہنچے گا۔
انھوں نے گریٹر اسرائیل کے ایجنڈے کی بھی مذمت کرتے ہوئے اسے عالمی امن کے لیے خطرہ قرار دیا اور یرغمالیوں کی پُرامن رہائی کے تمام اسرائیلی دعوؤن کو جھوٹا قرار دیا۔
اسرائیل کی غزہ میں فلسطینیوں کی نسل کشی کی مذمت کرتے ہوئے امیرِ قطر نے کہا کہ اسرائیل نے انسانیت کے خلاف جرائم میں تمام حدیں پار کردی ہیں۔
آخر میں امیر قطر نے عالمی برادری سے اپیل کی کہ غزہ میں سنگین جنگی جرائم پر اسرائیل سے بازپرس کی جانی چاہیے اور سخت ایکشن لیا جائے۔
شاہین آفریدی نے کس کھلاڑی کو مشکل ترین قرار دیا؟