سندھ میں کانگو وائرس سے پہلی ہلاکت رپورٹ
اشاعت کی تاریخ: 18th, June 2025 GMT
سندھ میں رواں سال کانگو کریمین ہیمرجک فیور (CCHF) سے پہلی ہلاکت سامنے آئی ہے۔ 42 سالہ متاثرہ شخص کا تعلق ملیر سے تھا، جس میں 16 جون کو وائرس کی تشخیص ہوئی، جب کہ وہ 17 جون کو دورانِ علاج جان کی بازی ہار گیا۔
یہ بھی پڑھیں:بلوچستان: کانگو وائرس سے اموات کی تعداد 9 ہوگئی
کانگو وائرس کیا ہے؟کانگو وائرس، جسے طبی زبان میں Crimean-Congo Hemorrhagic Fever (CCHF) کہا جاتا ہے، ایک مہلک اور جان لیوا وائرس ہے۔ یہ وائرس انسانوں میں تیز بخار، شدید جسمانی درد اور خون بہنے جیسی علامات پیدا کرتا ہے۔
یہ بیماری عموماً چیچڑ (ٹک) کے کاٹنے، متاثرہ جانوروں (گائے، بکرے، بھیڑ وغیرہ) کے خون یا جسمانی رطوبتوں سے یا عیدالاضحیٰ کے دوران قربانی کے جانوروں سے قریبی رابطے کے نتیجے میں انسانوں میں منتقل ہوتی ہے۔
علامات کیا ہوتی ہیں؟کانگو وائرس کی عام علامات درج ذیل ہو سکتی ہیں:
اچانک اور شدید بخار
جسم میں درد اور تھکن
سر درد، متلی، قے اور اسہال
جلد پر سرخ دھبے یا خراشیں
ناک، منہ یا جسم کے اندرونی حصوں سے خون بہنا
تشخیص اور علاجماہرین کے مطابق، کانگو وائرس کی تشخیص خون کے ٹیسٹ سے کی جاتی ہے۔ اس بیماری کا کوئی مخصوص ویکسین یا مکمل علاج فی الحال دستیاب نہیں ہے۔ مریض کو فوری طور پر الگ تھلگ (آئیسولیٹ) کیا جانا ضروری ہے۔
ریباویرن (Ribavirin) نامی دوا بعض صورتوں میں مؤثر ثابت ہو سکتی ہے، لیکن یہ بھی مکمل علاج نہیں۔
احتیاطی تدابیر کیا اپنائیں؟عیدالاضحیٰ کے تناظر میں عوام کو درج ذیل احتیاطی تدابیر پر عمل کرنے کی ہدایت دی گئی ہے:
جانوروں کو سنبھالتے وقت دستانے اور ماسک کا استعمال کریں
جانوروں کو چیچڑوں سے محفوظ رکھنے کے لیے مناسب معائنہ اور صفائی کریں
ذاتی صفائی کا خاص خیال رکھیں
اگر بخار، خون بہنے یا دیگر مشتبہ علامات ظاہر ہوں تو فوری طور پر ڈاکٹر سے رجوع کریں
حکومت اور محکمہ صحت کی جانب سے عوام کو بروقت احتیاطی تدابیر اپنانے کی مسلسل تلقین کی جا رہی ہے تاکہ عید کے دوران کانگو وائرس کے پھیلاؤ کو روکا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھینس چیچڑ کانگو وائرس گائے ملیر ہلاکت.
ذریعہ
ذریعہ: WE News
کلیدی لفظ: بھینس کانگو وائرس گائے ملیر ہلاکت کانگو وائرس وائرس کی
پڑھیں:
سٹی کورٹ: ڈاکٹر آکاش قتل کیس میں تفتیش مکمل کر کے رپورٹ پیش کرنے کا حکم
کراچی کی سٹی کورٹ میں ڈاکٹر آکاش قتل کیس کی سماعت کے دوران عدالت نے پولیس کو مقدمے کی تفتیش مکمل کر کے رپورٹ پیش کرنے کا حکم جاری کر دیا۔
پولیس کے مطابق ایس آئی یو ویسٹ نے ڈاکٹر آکاش کے قتل میں ملوث ملزمان کے خلاف مزید کارروائی کرتے ہوئے تین افراد، سریش عرف ساگر، انیل اور رام چند کے قتل کا مقدمہ اسلم پہنور اور اس کے ساتھیوں کے خلاف درج کر لیا ہے۔ پولیس کا کہنا ہے کہ اسلم پہنور ایک ڈکیت گروہ کا سرغنہ ہے۔
پولیس کے مطابق ملزمان نے پولیس پارٹی پر فائرنگ کی، جس کے نتیجے میں زیر حراست تین ملزمان اور ایک ہیڈ کانسٹیبل زخمی ہو گئے۔ بعد ازاں زیر حراست تینوں ملزمان اپنے ہی ساتھیوں کی فائرنگ سے ہلاک ہو گئے، جبکہ زخمی ہیڈ کانسٹیبل کو اسپتال منتقل کر دیا گیا جہاں اس کا علاج جاری ہے۔
واضح رہے کہ ڈاکٹر آکاش کو بینک سے رقم لے کر جاتے ہوئے قتل کیا گیا تھا۔ پولیس نے اس کیس میں تین ملزمان کو گرفتار کیا تھا، جو دوران حراست ہلاک ہو گئے۔
بھارت سے جنگ اور افغانستان میں کارروائی خارج ازامکان نہیں، وزیردفاع