نیشنز ہاکی کپ؛ نیوزی لینڈ نے پاکستان کو 3-4 سے ہراکر سیمی فائنل کیلئے کوالیفائی کرلیا
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
ایف آئی ایچ نیشنز کپ ہاکی ٹورنامنٹ کے دوران ملائیشیا میں کھیلے گئے ایک اہم اور سنسنی خیز مقابلے میں نیوزی لینڈ نے پاکستان کو 3-4 سے شکست دے دی۔
میچ کے آغاز میں نیوزی لینڈ نے جارحانہ کھیل پیش کرتے ہوئے چھٹے منٹ میں ووڈ نک کے ذریعے پہلا گول کیا، تاہم پاکستان نے فوری ردعمل دیا اور 13ویں اور 14ویں منٹ میں لگاتار دو گولز داغ کر برتری حاصل کر لی۔ پہلے کواٹر کے اختتام تک پاکستان 1-3 کی سبقت حاصل کرنے میں کامیاب رہا۔
دوسرے کواٹر میں بھی گرین شرٹس نے اپنی جارحیت جاری رکھی اور 28ویں منٹ میں مزید ایک گول کر کے برتری کو مستحکم کیا۔ پاکستان کی جانب سے ابتدائی دونوں گولز عبدالرحمان نے اسکور کیے جبکہ تیسرا گول رانا وحید اشرف نے کیا۔
تیسرے کواٹر میں نیوزی لینڈ نے شاندار واپسی کی اور 43ویں اور 45ویں منٹ میں اسکاٹ کولسٹ نے مسلسل دو گول اسکور کر کے مقابلہ برابر کر دیا۔ چوتھے اور فیصلہ کن کواٹر میں بھی کولسٹ ہی نیوزی لینڈ کے ہیرو ثابت ہوئے، جنہوں نے 52ویں منٹ میں پنالٹی کارنر پر اپنا تیسرا گول داغ کر ٹیم کو 3-4 کی فیصلہ کن برتری دلا دی۔
میچ کے اختتام پر نیوزی لینڈ نے پاکستان کو 3-4 سے شکست دے کر سیمی فائنل کی دوڑ میں اپنی پوزیشن مستحکم کر لی۔
اس شکست کے بعد پاکستان کی سیمی فائنل تک رسائی اب ملائیشیا اور جاپان کے درمیان ہونے والے میچ کے نتیجے پر منحصر ہے۔ اگر میزبان ٹیم ملائیشیا کو شکست ہوتی ہے تو پاکستان ٹاپ 4 میں جگہ بنانے میں کامیاب ہو سکتا ہے۔
دریں اثنا، پول اے سے فرانس اور کوریا کی ٹیمیں پہلے ہی سیمی فائنل کے لیے کوالیفائی کر چکی ہیں۔
.
ذریعہ
ذریعہ: Jasarat News
کلیدی لفظ: نیوزی لینڈ نے سیمی فائنل
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار