ماہرہ خان اور ہمایوں سعید کی فلم ’لو گرو‘ نے اکشے کمار کی ’ہاؤس فُل 5‘ کو پیچھے چھوڑ دیا
اشاعت کی تاریخ: 20th, June 2025 GMT
عیدالاضحیٰ پر پاکستان سمیت دنیا بھر میں ریلیز ہونے والی پاکستانی رومانوی کامیڈی فلم ’لو گرو‘ نے بالی ووڈ اسٹار اکشے کمار کی فلم ’ہاؤس فُل 5‘ کو پیچھے چھوڑ دیا۔
رپورٹس کے مطابق ’لو گرو‘ نے اپنے دوسرے ہفتے کے آخر میں برطانیہ میں 75ہزار پاؤنڈز کمائے جبکہ ہاؤس فل 5 نے 56 ہزار پاؤنڈز کا بزنس کیا ہے۔ 9 دنوں میں ’لو گرو‘ کی یو کے باکس آفس کلیکشن 2لاکھ 26ہزار پاؤنڈز یعنی 10 کروڑ پاکستانی روپے سے تجاوز کر چکی ہے۔
View this post on Instagram
A post shared by DIVA Magazine Pakistan (@divamagazinepakistan)
سوشل میڈیا صارفین ’لو گرو‘ کی کامیابی پر خوشی کا اظہار کر رہے ہیں۔ صارفین کا کہنا ہے پاکستانی فلم بہت اچھی ہے، ہمارا سینیما اسی کامیابی کا مستحق ہے اور ہمیں اس پر فخر ہے۔
واضح رہے کہ ’لو گرو‘ فلم کامیاب ترین فلموں کی فہرست میں شامل ہو چکی ہے اور ریلیز کے آغاز سے ہی فلم کو شائقین کی جانب سے بھرپور پذیرائی مل رہی ہے۔
بالی ووڈ فلم ہاؤس فُل 5 کی میگا کاسٹ میں ابھیشیک بچن، سنجے دت، جیکی شروف، رتیش دیش مکھ، جیکلین فرنینڈز، نرگس فخری، سونم باجوہ و دیگر شامل ہیں جبکہ پاکستانی فلم ’لو گرو‘ کی کاسٹ میں ہمایوں سعید اور ماہرہ خان شامل ہیں۔ فلم کی شوٹنگ لندن اور پاکستان کے مختلف مقامات پر کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکشے کمار لو گرو ماہرہ خان ہاؤس فل 5 ہمایوں سعید.ذریعہ: WE News
کلیدی لفظ: اکشے کمار لو گرو ماہرہ خان ہاؤس فل 5 ہمایوں سعید لو گرو
پڑھیں:
’پیٹرول کے پیسے نہیں تھے کیا؟‘، فلم لو گرو کے سین پر لوگوں نے یہ تبصرے کیوں کیے؟
کیا آپ کو فلمیں دیکھتے ہوئے کبھی خیال آیا ہے کہ فلموں میں نظر آںے والے خطرناک ایکشن سین اور چلتی گاڑی میں رومانوی سین اتنے آرام سے کیسے فلمائے جاتے ہیں؟
فلموں میں نظر آنے والے سین ایسے دکھائے جاتے ہیں جیسے وہ اصلی ہیں لیکن ایسا نہیں ہے کیونکہ ناظرین کو جو دکھایا جاتا ہے سب ویسا نہیں ہوتا اس کے لیے مختلف تکنیکیں استعمال کی جاتی ہیں۔ جیسے کبھی سبز رنگ کے کپڑے کے سامنے اداکاری کی جاتی ہے اور بعد میں کمپیوٹر کے ذریعے اس پردے کو ہٹا کر اس کی جگہ کوئی بھی منظر جیسے خلا، پہاڑ، یا جنگ کا میدان وغیرہ لگا دیا جاتا ہے تو کبھی گاڑی کو سڑک پر چلتا ہوا دکھانے کے لیے مختلف تکنیکوں کا استعمال ہوتا ہے۔
یہ بھی پڑھیں: سنگھم اگین میں اجے دیوگن اور جیکی شروف کا فائٹ سین وائرل، ’یہ فلم کم اور ویڈیو گیم زیادہ لگ رہی ہے‘
آپ نے اکثر دیکھا ہو گا فلموں میں گاڑی کے اندرونی شاٹ بہت صاف اور کنٹرولڈ لگتے ہیں کیونکہ وہ گرین اسکرین یا ٹرک رِگ پر شوٹ کیے جاتے ہیں نہ کہ اصلی سڑک پر۔ ایسا ہی ایک سین ماہرہ خان اور ہمایوں سعید کی فلم ’لو گرو‘ کا سوشل میڈیا پر وائرل ہو رہا ہے جس میں دکھایا گیا ہے کہ کیسے رکی ہوئی کار کو چلتی ہوئی کار دکھایا جاتا ہے۔
وائرل ویڈیو میں دیکھا جا سکتا ہے کہ فلیٹ ٹرک پر کار رکھی گئی ہے جو زمین سے تھوڑی اوپر ہے اور ٹرک آہستہ حرکت کر رہا ہے لیکن کیمرہ ایسے ہلایا جا رہا ہے کہ ایسے لگے جیسے کار سڑک پر چل رہی ہے۔
شوٹنگ کی ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ محمد جمیل نے لکھا کہ کیا فائدہ جب اتنی اچھی جگہ پر آپ خود گاڑی بھی نہیں چلا سکتے۔ آر جے ارجن نے کہا کہ کیا آپ کے پاس گاڑی میں پیٹرول ڈلوانے کے پیسے نہیں تھے؟
ایک صارف کا کہنا تھا کہ ماہرہ خان اور ہمایوں سعید نے بالی ووڈ فلم ’دل والے دلہنیا لے جائیں گے‘ کا سین ہو بہو بقل کیا ہے جبکہ ایک صارف کا کہنا تھا کہ انہیں ہمیشہ لگتا تھا کہ اداکار خود گاڑی چلاتے ہیں لیکن ایسا نہیں ہے۔
اریبہ خان نے مزاحیہ انداز میں تبصرہ کیا کہ پیٹرول کے پیسے نہیں تھے کیا؟ ایک اور صارف ے کہا کہ یہ جھوٹ پر مبنی زندگی ہے۔
واضح رہے کہ رومانوی کامیڈی فلم ’لو گرو‘ کے ہدایت کار ندیم بیگ ہیں، اس کی کہانی وصی چوہدری نے لکھی ہے اور ہمایوں سعید نے اسے پروڈیوس کیا ہے۔ فلم کی شوٹنگ لندن اور پاکستان کے مختلف مقامات پر کی گئی ہے۔
فلم میں ماہرہ خان اور ہمایوں سعید تقریباً ایک دہائی بعد بڑے پردے پر ایک ساتھ دکھائی دیے۔ جہاں ماہرہ خان کو ایک خوبصورت اور بولڈ لڑکی کے روپ میں دکھایا گیا ہے جبکہ ہمایوں سعید مختلف لڑکیوں کو اپنے عشق کے جال میں پھنساتے نظر آتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لو گرو ماہرہ خان ہمایوں سعید
اسرائیل کے فضائی حملوں میں جاں بحق افراد کی تعداد 86 ہوگئی؛ ایران