خیبر پختونخوا: ناران میں گلیشیئر گرنے سے 3 سیاح جاں بحق
اشاعت کی تاریخ: 20th, June 2025 GMT
خیبر پختونخوا کے سیاحتی علاقے ناران گلیشیئر گرنے کے نتیجے میں لاہور سے تعلق رکھنے والے 3 سیاح جاں بحق ہو گئے۔
یہ بھی پڑھیں: موسمیاتی بحران: 2025 گلیشیئرز کے تحفظ کا سال قرار
ریسکیو 1122 کے ترجمان کے مطابق ناران کے علاقے کے سیاحتی مقام سوہنی آبشار کے قریب جمعے کی صبح گلیشیئر گرنے کی اطلاع موصول ہوتے ہی ریسکیو 1122 ناران اسٹیشن سے میڈیکل ٹیم فوری طور پر جائے وقوعہ پر روانہ ہوئی جہاں تین افراد نیچے دب کر جان کی بازی ہارچکے تھے۔
مرحومین کی شناخت طاہر (35 سال)، ابو بکر (13 سال) اور طیب (22 سال) کے طور پر ہوئی ہے جو کہ سیاحت کی غرض سے لاہور سے ناران آئے تھے۔
ریسکیو 1122 کے ترجمان نے عوام بالخصوص سیاحوں سے اپیل کی ہے کہ وہ غیر محفوظ، برفانی یا غیر مستحکم علاقوں میں جانے سے گریز کریں اور حفاظتی ہدایات پر عمل کرتے ہوئے اپنی جان کی حفاظت کو یقینی بنائیں۔
مزید پڑھیے: صدیوں پرانی سیمابی آلودگی آرکٹک کی جنگلی حیات کے لیے خطرہ بن گئی
ترجمان کا کہنا ہے ایسے علاقوں میں سیاحت کے دوران احتیاطی تدابیر اختیار کرنا نہایت ضروری ہے تاکہ قیمتی انسانی جانوں کا تحفظ ممکن بنایا جا سکے۔
انہوں نے کہا کہ علاقے میں موجود دیگر سیاحوں کو بھی محتاط رہنے کی ہدایت جاری کر دی گئی ہے جبکہ گلیشیئر کی نگرانی اور ممکنہ خطرات کے پیشِ نظر مقامی انتظامیہ کو بھی الرٹ کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبرپختونخوا ریکسیو 1122 گلیشیئر حادثہ ناران ناران حادثہ.ذریعہ: WE News
کلیدی لفظ: خیبرپختونخوا ریکسیو 1122 گلیشیئر حادثہ
پڑھیں:
خیبر پختونخوا بار کونسل کے انتخابات میں ملگری وکیلان 13 نشستوں پر کامیاب
پشاور:پشاور میں خیبر پختونخوا بار کونسل کے 28 نشستوں کے غیر حتمی نتائج سامنے آگئے ہیں جن کے مطابق اے این پی سے وابستہ ملگری وکیلان نے برتری حاصل کرتے ہوئے 13 نشستیں اپنے نام کرلی ہیں۔
پشاور، مردان، صوابی، سوات اور کرک سے بھی ملگری وکیلان کے امیدوار کامیاب قرار پائے ہیں۔
پشاور کی سات نشستوں میں سے ملگری وکیلان نے چار، انصاف لائرز فورم نے دو جبکہ ایک آزاد امیدوار نے کامیابی حاصل کی۔
غیر حتمی نتائج کے مطابق ملگری وکیلان کے حضر حیات نے سب سے زیادہ 926 ووٹ حاصل کیے جبکہ فضل واحد نے 893 ووٹوں کے ساتھ کامیابی حاصل کی۔
انصاف لائرز فورم کی صوفیہ نورین نے 880 ووٹ اور علی زمان نے 875 ووٹ لے کر کامیابی حاصل کی۔ ملگری وکیلان کے رفیق مہمند نے 861 ووٹ حاصل کیے، جبکہ آزاد امیدوار محمد سعید 828 ووٹ لے کر کامیاب قرار پائے۔ ملگری وکیلان کے بابر خان یوسفزئی نے بھی 792 ووٹ حاصل کر کے کامیابی اپنے نام کی۔
دیگر اضلاع میں بھی ملگری وکیلان نے اپنی برتری برقرار رکھی۔ مردان، صوابی، سوات اور کرک سے ان کے امیدوار کامیاب ہوئے۔
پیپلز لائر فورم کے سعید حکیم نے بونیر جبکہ حشمت نے ڈیرہ اسماعیل خان سے کامیابی حاصل کی۔ جمعیت لائر فورم کے فواد خان اور وقارالملک نے اپنی اپنی نشستوں پر میدان مار لیا۔ مسلم لائر فورم کے حمایت یافتہ محمد علی خان ایبٹ آباد سے کامیاب ہوئے، جب کہ چترال سے اسلامک لائر فورم کے اکرام حسین کامیاب قرار پائے۔ آزاد امیدواروں میں فدا گل آفریدی اور محمد سعید نمایاں رہے۔
صوبے بھر میں بار کونسل انتخابات کے نتائج کے مطابق اس بار ملگری وکیلان نے واضح برتری حاصل کی ہے جبکہ دیگر فورمز کو محدود کامیابیاں مل سکیں۔
پاکستان میں امریکی خام تیل کی پہلی تاریخی درآمد، توانائی کے شعبے میں نیا دور شروع