وزیراعظم کا بڑا اقدام؛ پی این ایس سی کے بیڑے میں وسعت کی ہدایت
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیراعظم شہباز شریف نے سمندری تجارتی شعبے میں خود انحصاری کے لیے پاکستان نیشنل شپنگ کارپوریشن (PNSC) کے بیڑے میں وسعت لانے کا فیصلہ کر لیا ہے، انہوں نے قومی خزانے پر سالانہ 4 بلین ڈالر کا زرِ مبادلہ بچانے کے لیے لیز پر نئے بحری جہاز حاصل کرنے کی ہدایت جاری کر دی۔
میڈیا رپورٹس کےمطابق وزیراعظم کی زیر صدارت PNSC کے امور پر اعلیٰ سطحی جائزہ اجلاس منعقد ہوا، جس میں وفاقی وزیر اقتصادی امور احد خان چیمہ، وفاقی وزیر برائے بحری امور جنید انور چوہدری اور پی این ایس سی کے اعلیٰ افسران شریک تھے، اجلاس میں ادارے کی موجودہ کارکردگی اور مستقبل کی حکمتِ عملی پر تفصیلی بریفنگ دی گئی۔
وزیراعظم نے اجلاس سے خطاب کرتے ہوئے کہا کہ پاکستان کو سمندری راستے سے درآمدات و برآمدات کی مد میں بھاری اخراجات کا سامنا ہے، جس کی بنیادی وجہ قومی شپنگ بیڑے کی محدود صلاحیت ہے۔
انہوں نے کہا کہ پی این ایس سی کے بیڑے میں بحری جہازوں کی کمی کے باعث پاکستان کو ہر سال سمندری تجارت کے اخراجات کی مد میں 4 ارب ڈالر کا زرِ مبادلہ خرچ کرنا پڑتا ہے، جو ملکی معیشت پر ایک ناقابل برداشت بوجھ ہے۔
وزیراعظم نے PNSC کو ہدایت کی کہ وہ دو ہفتوں کے اندر ایک جامع بزنس پلان پیش کرے جس میں نئے بحری جہازوں کے حصول، بیڑے کی توسیع، اور ملکی معیشت پر پڑنے والے بوجھ کو کم کرنے کا مکمل لائحہ عمل شامل ہو۔
اجلاس میں بریفنگ دیتے ہوئے بتایا گیا کہ PNSC کے پاس اس وقت مختلف اقسام کے 10 بحری جہاز موجود ہیں جن کی مجموعی مال برداری کی صلاحیت 7 لاکھ 24 ہزار 643 ٹن ہے۔ تاہم، موجودہ بیڑا پاکستان کی تجارتی ضروریات کو پورا کرنے کے لیے ناکافی ہے، جس کے باعث کمرشل شپنگ کی اکثریت بین الاقوامی کمپنیوں کے ذریعے کی جاتی ہے۔
وزیراعظم نے کہا کہ موجودہ معاشی صورتحال کے پیشِ نظر قومی سطح پر خود انحصاری اور وسائل کے مؤثر استعمال کے لیے ضروری ہے کہ پاکستان اپنی شپنگ صلاحیت کو ترجیحی بنیادوں پر بڑھائے۔ انہوں نے زور دیا کہ پی این ایس سی کو جدید خطوط پر استوار کیا جائے اور نجی و بین الاقوامی سرمایہ کاری کے لیے بھی راہیں ہموار کی جائیں۔
.
ذریعہ
ذریعہ: Jasarat News
کلیدی لفظ: پی این ایس سی کے لیے
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ