پری مون سون کا سلسلہ جاری، 25 جون تک بارشوں کی پیش گوئی
اشاعت کی تاریخ: 23rd, June 2025 GMT
ملک بھر میں پری مون سون سیزن جاری ہے، اور محکمہ موسمیات نے 25 جون تک وقفے وقفے سے بارشوں کا سلسلہ جاری رہنے کی پیش گوئی کی ہے۔
اسلام آباد، مری، گلیات، خیبرپختونخوا اور کشمیر کے کئی مقامات پر آج بھی گرج چمک کے ساتھ موسلادھار بارش متوقع ہے، جبکہ جنوبی پنجاب، سندھ اور بلوچستان کے بعض اضلاع میں شدید گرمی اور گرد آلود ہوائیں چلنے کا امکان ہے۔
وفاقی دارالحکومت اور گردونواح میں رات گئے موسلادھار بارش سے موسم خوشگوار ہو گیا، تاہم حبس کی شدت بدستور برقرار ہے۔ اسلام آباد کے سیدپور میں 27 ملی میٹر جبکہ راولپنڈی کے شمس آباد میں 15 ملی میٹر بارش ریکارڈ کی گئی۔
واسا حکام کے مطابق راولپنڈی میں رین ایمرجنسی نافذ کر دی گئی ہے، نالہ لئی میں پانی کا بہاؤ معمول کے مطابق ہے، جبکہ نشیبی علاقوں میں عملہ اور نکاسی آب کی مشینری تعینات کردی گئی ہے۔
مزید پڑھیں: پری مون سون نے گرمی کا زور توڑ دیا، موسم خوشگوار مزید بارشوں کی پیشگوئی
پنجاب، بلوچستان میں گردآلود ہوائیں، خیبرپختونخوا میں بارش کی امیدمحکمہ موسمیات کے مطابق پنجاب کے اضلاع مری، گلیات، راولپنڈی، اٹک، تلہ گنگ، چکوال اور جہلم میں گرج چمک اور آندھی کے ساتھ بارش متوقع ہے۔ جنوبی پنجاب کے شہروں ملتان، بہاولپور، ڈی جی خان، بہاولنگر میں آندھی اور تیز جھکڑ چلنے کی پیش گوئی ہے۔ بلوچستان کے بیشتر علاقوں میں موسم خشک اور گردآلود ہوائیں چلنے کی توقع ہے۔
خیبرپختونخوا کے کچھ اضلاع میں بارش، باقی علاقوں میں شدید حبسخیبرپختونخوا کے بیشتر اضلاع میں موسم گرم اور حبس زدہ رہے گا، تاہم سوات، ایبٹ آباد، مانسہرہ، دیر، ہری پور، مالاکنڈ میں چند مقامات پر بارش کا امکان ظاہر کیا گیا ہے۔
سندھ، کشمیر، گلگت بلتستان کی صورتحالسندھ میں بھی موسم شدید گرم اور مرطوب رہے گا۔ کشمیر اور گلگت بلتستان میں گرج چمک اور تیز ہواؤں کے ساتھ بارش کا امکان ظاہر کیا گیا ہے۔
ندی نالوں اور ڈھلوانوں سے دور رہیں، این ڈی ایم اےاین ڈی ایم اے نے شہریوں کو خبردار کیا ہے کہ بارشوں کے باعث مقامی ندی نالوں میں طغیانی کا خطرہ موجود ہے۔ عوام کو مشورہ دیا گیا ہے کہ وہ ڈھلوانوں، ندی نالوں اور خطرناک علاقوں سے دور رہیں، جبکہ سیاحوں کو بلند وادیوں اور پہاڑی علاقوں میں غیر ضروری سفر سے گریز کرنے کی ہدایت کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد بارش پنجاب طغیانی محمکہ موسمیات مون سون ندی نالے.
ذریعہ
ذریعہ: WE News
کلیدی لفظ: اسلام اباد طغیانی محمکہ موسمیات ندی نالے علاقوں میں
پڑھیں:
جنوبی پنجاب میں منکی پاکس کا پھیلاؤ، 4 مریض اسپتال داخل، الرٹ جاری
جنوبی پنجاب میں منکی پاکس کے نئے کیسز سامنے آنے کے بعد صوبائی محکمہ صحت کی تشویش میں اچانک اضافہ ہو گیا ہے۔
میڈیا رپورٹس کے مطابق ملتان کے ’نشتر اسپتال‘ میں اب تک منکی پاکس کے 4 مریضوں کی باقاعدہ تصدیق ہو چکی ہے، جبکہ وائرس کے پھیلاؤ کو روکنے کے لیے اسپتال اور گردونواح میں الرٹ جاری کر دیا گیا ہے۔
آئسولیشن وارڈ میں مریضوں کی تعداد اور آبائی علاقےنشتر اسپتال انتظامیہ کے مطابق حال ہی میں ایک اور مشتبہ مریض کو وائرس کی علامات ظاہر ہونے پر فوری طور پر خصوصی آئسولیشن وارڈ میں داخل کر لیا گیا ہے۔
یہ بھی پڑھیں:سندھ میں منکی پاکس کے کیسز میں اضافہ، 9 اموات کی تصدیق
اس نئے کیس کے بعد وارڈ میں زیرِ علاج اور کڑی نگرانی میں رکھے گئے مریضوں کی مجموعی تعداد 5 ہو گئی ہے۔ اسپتال حکام کا کہنا ہے کہ جن مریضوں میں ’منکی پاکس‘ کی تصدیق ہوئی ہے ان کا تعلق جنوبی پنجاب کے مختلف اضلاع بالخصوص ملتان، مظفرگڑھ اور وہاڑی سے ہے۔
اسپتال انتظامیہ کے اقدامات اور ٹیسٹنگاسپتال کے وبائی امراض کے ماہرین اور انتظامیہ کا کہنا ہے کہ منکی پاکس کے تصدیق شدہ مریضوں کے علاج اور دیکھ بھال پر خصوصی توجہ دی جا رہی ہے تاکہ ان کی جلد صحت یابی ممکن ہو سکے۔
دوسری جانب، نئے آنے والے مشتبہ مریض کے خون اور زخموں کے نمونے (سیمپلز) حتمی جانچ اور تصدیق کے لیے لیبارٹری بھجوا دیے گئے ہیں، جن کی رپورٹ اگلے چند روز میں موصول ہونے کا امکان ہے۔
محکمہ صحت کی نگرانی اور احتیاطی تدابیر کی اپیلمحکمہ صحت کے اعلیٰ حکام نے عوام الناس کو وبائی مرض سے بچنے کے لیے فوری طور پر احتیاطی تدابیر اختیار کرنے کی سخت ہدایت کی ہے۔
مزید پڑھیں:کراچی میں منکی پاکس: بیوی کے بعد شوہر بھی لپیٹ میں آگیا
ترجمان محکمہ صحت کے مطابق خطے میں صورتحال کی مسلسل اور سخت نگرانی کی جا رہی ہے اور اس موذی بیماری کے مزید پھیلاؤ کو روکنے کے لیے ضلعی سطح پر تمام ضروری اور حفاظتی اقدامات ہنگامی بنیادوں پر جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتیاطی تدابیر اسپتال اقدامات ٹیسٹنگ جنوبی پنجاب خون زخموں لیبارٹری محکمہ صحت منکی پاکس نگرانی۔ نمونے
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ