ایران پر امریکہ کا حملہ عالم اسلام پر حملہ ہے، سراج الحق
اشاعت کی تاریخ: 23rd, June 2025 GMT
سابق امیر جماعت اسلامی کا کہنا ہے کہ اب وقت ہے پاکستانی حکومت واضح طور پر ایران کی جانی مالی سفارتی حمایت کا اعلان کرے، پاکستان کی اصل قیادت علماء اور مشائخ ہیں تمام مسالک کے علماء ایران کی حمائت کرتے ہیں۔ امریکی صدر ٹرمپ کو شہباز شریف کی طرف سے نوبل انعام کیلئے نامزد کرنا انتہائی شرمناک ہے۔ وزیراعظم شہباز شریف 25 کروڑ عوام سے فوری معافی مانگیں اور اللہ سے توبہ کریں۔ اسلام ٹائمز۔ سابق امیر جماعت اسلامی و سینیٹر سراج الحق نے کہا کہ ایران پر امریکہ کا حملہ عالم اسلام پر حملہ ہے، امریکہ نے مذاکرات کے بہانے دھوکے سے ایران پر حملہ کیا ہے، امریکی مفادات اور امریکی اڈوں پر حملے کرنا اب ایران کا حق ہے اور جن اسلامی ممالک میں امریکی فوجی اڈے ہیں، ایران ان پر بھی حملہ کرنے کا حق رکھتا ہے۔ ان خیالات کا اظہار انہوں نے شرقپور میاں جلیل احمد شرقپوری کے ڈیرے پر صحافیوں سے گفتگو کرتے ہوئے کیا ہے۔ انہوں نے کہا کہ اب وقت ہے پاکستانی حکومت واضح طور پر ایران کی جانی مالی سفارتی حمایت کا اعلان کرے، پاکستان کی اصل قیادت علماء اور مشائخ ہیں تمام مسالک کے علماء ایران کی حمائت کرتے ہیں۔ امریکی صدر ٹرمپ کو شہباز شریف کی طرف سے نوبل انعام کیلئے نامزد کرنا انتہائی شرمناک ہے۔ وزیراعظم شہباز شریف 25 کروڑ عوام سے فوری معافی مانگیں اور اللہ سے توبہ کریں۔
میاں جلیل احمد شرقپوری نے گفتگو کرتے ہوئے کہا کہ ایٹمی قوت بننا ایران کا حق ہے اور ہم اس کی حمایت کرتے ہیں، اسرائیل ایک ناجائز ریاست ہے، اس کے خاتمے سے ہی دنیا میں امن ہوگا۔ امریکہ نے پہلے عراق پر کیمیکل ویپن رکھنے کا الزام لگایا اور حملہ کر دیا مگر اج تک دنیا کو کیمیکل ویپن پیش نہ کر سکا اور دیگر مسلم ممالک پر بھی مختلف بہانوں سے حملے کیے لیکن ماسوائے ناحق قتل عام اور مسلم ممالک کی تباہی کے اپنا کوئی الزام ثابت نہیں کر سکا۔ اس موقع پر جماعت اسلامی کے صاحبزادہ برہان الدین ربانی، میاں مقصود احمد اور میاں جلیل احمد کی دعوت پر خصوصی طور پر صاحبزادہ پیر سلطان ریاض الحسن استانہ عالیہ سلطان باھو، سید محمد معصوم حسین نقوی صدر جمعت علمائے پاکستان نیازی، پیر خواجہ معین الدین محبوب کوریجہ آستانہ عالیہ کوٹ مٹھن شریف، علامہ محمد عثمان نوری، علامہ مفتی شبیر انجم، پیر امیر ساجد، علامہ پرویز اکبر ساقی، پیر اختر رسول قادری، میاں شہباز قادری اور دیگر علمائے کرام بھی موجود تھے۔
ذریعہ: Islam Times
کلیدی لفظ: شہباز شریف ایران کی
پڑھیں:
گلگت بلتستان ، انفراسٹرکچر کی بحالی کیلئے 4 ارب کے فنڈز کا اعلان
وفاق اور گلگت بلتستان حکومت قدرتی آفات سے نمٹنے کیلئے مل کر کام کریں گے، وزیراعظم
شہباز شریف نے حالیہ بارشوں،سیلاب سے متاثرہ افراد میں امدادی چیک تقسیم کیے،خطاب
وزیراعظم محمد شہباز شریف نے گلگت بلتستان میں انفراسٹرکچر کی بحالی کے لیے 4 ارب روپے کے فنڈز کا اعلان کر دیا۔وزیراعظم شہباز شریف نے گلگت بلتستان میں حالیہ بارشوں اور سیلاب سے متاثرہ افراد میں امدادی چیک تقسیم کرنے کی تقریب میں شرکت کی، شہبازشریف نے متاثرہ افراد میں امدادی چیک تقسیم کئے۔اس موقع پر تقریب سے خطاب کرتے ہوئے وزیراعظم شہباز شریف نے کہا کہ متاثرین کے ساتھ دلی ہمدردی کا اظہار کرتے ہیں، وفاق اور گلگت بلتستان حکومت قدرتی آفات سے نمٹنے کے لیے مل کر کام کریں گے، انفراسٹرکچر کی بحالی کے لیے 4 ارب روپے فنڈ کا اعلان کرتا ہوں۔شہباز شریف نے کہا کہ وزیرمواصلات فوری طور پر انفراسٹرکچر کی بحالی کے لیے اقدامات کریں، ان تمام مسائل سے نمٹنے کے لیے متعلقہ اداروں کو مربوط اقدامات کرنا ہوں گے۔وزیراعظم نے کہا کہ پاکستان موسمیاتی تبدیلی سیمتاثرہ ملکوں میں سرفہرست ہے، کلاؤڈ برسٹ کے نتیجے میں تیزبارشیں اور طغیانی آئی، جاں بحق افراد کے بلندی درجات اور زخمیوں کی صحت یابی کے لیے دعاگو ہیں۔شہباز شریف نے کہا کہ کابینہ ارکان کے ساتھ گلگت بلتستان میں متاثرہ افراد سے اظہار ہمدردی کے لیے آیا ہوں، بارشوں اور سیلاب سے متعدد افراد جاں بحق ہوئے اور املاک کو نقصان پہنچا، ایڈوانس وارننگ سسٹم وقت کی ضرورت ہے۔وزیراعظم کا کہنا تھا کہ اگست کیآخرتک دوبارہ گلگت کا دورہ کروں گا، جب تک آپ اپنے گھروں میں آباد نہیں ہوتے میں آتا رہوں گا، 100 میگاواٹ کا سولرسسٹم منصوبہ رواں مالی سال مکمل ہو جائے گا۔شہباز شریف نے کہا کہ آئندہ دورے میں دانش سکول کا سنگ بنیاد رکھیں گے، سکردو میں بھی دانش سکول قائم کیا جائیگا، نوجوانوں پر سرمایہ کاری کل کا مستقبل محفوظ کرنے کے مترادف ہے۔
امریکی صدر ڈونلڈ ٹرمپ نے 7 بھارتی کمپنیوں پر پابندیاں عائد کر دیں