صدر ڈونلڈ ٹرمپ کا اسرائیل کے ایران میں ”رجیم چینج“ آپریشن میں واشنگٹن کی شمولیت کا عندیہ
اشاعت کی تاریخ: 23rd, June 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔23 جون ۔2025 )امریکی صدر ڈونلڈ ٹرمپ نے ایران کی جوہری تنصیبات پر حملوں کے بعد اسرائیل کے ایران میں ”رجیم چینج“ آپریشن میں بھی واشنگٹن کی شمولیت کا عندیہ دیا ہے ٹروتھ سوشل پر امریکی صدر نے پیغام میں کہا ہے کہ اگرچہ ”حکومت کی تبدیلی“ کی اصطلاح استعمال کرنا سیاسی طور پر درست نہیں لیکن اگر ایران کی موجودہ حکومت ایران کو دوبارہ عظیم نہیں بنا سکتی تو حکومت کیوں تبدیل نہ ہو؟ ایران کو دوبارہ عظیم بناﺅ“امریکی نشریاتی ادارے کے مطابق یہ بیان امریکی صدر کی تہران میں اسرائیلی ”رجیم چینج“پالیسی کی کھل کر حمایت کرتا ہے.
(جاری ہے)
قبل ازیں ٹرمپ انتظامیہ کی جانب سے مذاکرات بحال کرنے اور جنگ میں شدت سے گریز کی اپیلیں سامنے آتی رہیں گزشتہ روز امریکی وزیر دفاع پیٹ ہیگستھ نے امریکا کے ایران کے خلاف فضائی آپریشن کی تفصیلات کے لیے پریس کانفرنس کے دوران کہا تھاکہ یہ مشن حکومت کی تبدیلی کے بارے میں نہیں تھا اور نہ ہی ہے جبکہ وزیر خارجہ مارکو روبیو نے” فوکس نیوز“ سے گفتگو میں ”رجیم چینج“کو امریکی ترجیحات کا حصہ قرارنہیں دیا تھا تاہم انہوں نے خبردار کیا تھا کہ امریکہ کے خلاف کسی بھی جوابی کارروائی یا فوری طور پر جوہری ہتھیاروں کی تیاری کی کوشش سے ایرانی حکومت کو خطرہ لاحق ہو سکتا ہے. ٹرمپ نے ایرانی قیادت کو یہ انتباہ ایک ایسے وقت میں جاری کیا جب امریکہ نے ایران سے مطالبہ کر رکھا ہے کہ وہ اس جوہری پروگرام پر بم باری کا جواب نہ دے جس کی تعمیر میں ایران نے کئی دہائیاں لگائیں دوسری جانب امریکی محکمہ خارجہ نے امریکی شہریوں کے لیے جاری انتباہ کہا کہ مشرقِ وسطیٰ کے تنازعے کے باعث بیرون ملک سفر کرنے یا رہنے والے امریکی شہریوں کو سلامتی کے بڑھتے ہوئے خطرے کا سامنا ہو سکتا ہے. محکمہ خارجہ کے سکیورٹی الرٹ میں کہا گیا کہ اسرائیل اور ایران کے تنازعے کے باعث مشرقِ وسطیٰ بھر میں فضائی سفر میں رکاوٹ آئی اور فضائی حدود وقتاً فوقتاً بند ہو رہی ہیں بیرون ملک امریکی شہریوں اور امریکی مفادات کے خلاف مظاہروں کا بھی امکان ہے محکمہ خارجہ دنیا بھر میں امریکی شہریوں کو اضافی احتیاط برتنے کا مشورہ دیتا ہے . ایران نے اتوار کو مشرق وسطیٰ میں امریکی اڈوں کو نشانہ بنانے کی دھمکی دیتے ہوئے خبردار کیاتھا کہ امریکہ کی جانب سے ایران پر فضائی حملوں جن کی مثال نہیں ملتی کے جواب میں امریکی افواج کو نشانہ بنایا جا سکتا ہے ایران کے سپریم لیڈر آیت اللہ علی خامنہ ای کے مشیر علی اکبر ولایتی نے سرکاری خبررساں ادارے کے ذریعے جاری پیغام میں کہا کہ خطے یا کہیں بھی کسی دوسرے ملک کی سرزمین سے ایران پر حملے کے لیے امریکی افواج کی مدد لی گئی تو وہ ہمارے مسلح افواج کا جائز ہدف ہو گا.
ذریعہ: UrduPoint
کلیدی لفظ: تلاش کیجئے امریکی شہریوں رجیم چینج
پڑھیں:
اسرائیل کے پاس ایران کی جوہری طاقت تباہ کرنے کی صلاحیت نہیں: ڈونلڈ ٹرمپ
data-id="863a0a8" data-element_type="widget" data-widget_type="theme-post-content.default">
نیو جرسی : امریکی صدر ڈونلڈ ٹرمپ نے کہا ہے کہ اسرائیل ایران کی حساس اور زیرزمین جوہری تنصیبات کو مکمل طور پر تباہ کرنے کی اہلیت نہیں رکھتا۔
ٹائمز آف اسرائیل کے مطابق نیو جرسی میں میڈیا نمائندوں سے گفتگو کرتے ہوئے ڈونلڈ ٹرمپ نے مشرقِ وسطیٰ کی تیزی سے بگڑتی ہوئی صورتِ حال پر بات کرتے ہوئے کہا کہ اسرائیل اگرچہ کچھ سطحی نقصان پہنچا سکتا ہے، مگر گہرائی میں موجود تنصیبات اس کی پہنچ سے باہر ہیں۔
انہوں نے کہا کہ وہ ہمیشہ سے امن کے داعی رہے ہیں، تاہم بعض اوقات امن کو محفوظ رکھنے کے لیے سخت فیصلے ناگزیر ہو جاتے ہیں
صحافیوں کے سوالات کا جواب دیتے ہوئے ٹرمپ نے واضح کیا کہ ایران کے خلاف امریکی فوجی کارروائی ان کا “آخری اور ناپسندیدہ آپشن” ہوگا۔ ان کے الفاظ میں: “زمینی افواج بھیجنا ایسا قدم ہے جو کوئی نہیں چاہتا۔ یہ صرف اسی وقت ہوگا جب کوئی دوسرا راستہ نہ بچے۔
ایران کو دی جانے والی مہلت کے بارے میں بات کرتے ہوئے انہوں نے کہا کہ وہ صورتحال کا جائزہ لینے کے لیے تہران کو محدود وقت دینا چاہتے ہیں۔ “میرے خیال میں، فیصلہ کرنے کے لیے زیادہ سے زیادہ دو ہفتے درکار ہوں گے، اس سے زیادہ نہیں۔
ایران کے حساس جوہری مرکز “فورڈو” کا حوالہ دیتے ہوئے ٹرمپ نے کہا کہ اسرائیل کے پاس فورڈو جیسے گہرائی میں بنے ہوئے مراکز کو مکمل طور پر تباہ کرنے کی صلاحیت نہیں ہے۔ وہ کسی حد تک نقصان پہنچا سکتے ہیں، لیکن وہ اتنی گہرائی تک نہیں جا سکتے جہاں یہ تنصیبات موجود ہیں۔
تاہم امریکی صدر نے اس امید کا اظہار بھی کیا کہ شاید ایسی کوئی فوجی کارروائی درکار ہی نہ پڑے۔ ان کے بقول، ممکن ہے ہم اس مقام تک نہ پہنچیں اور کسی بڑی مداخلت کی نوبت نہ آئے۔ ٹرمپ کے اس بیان کو مشرقِ وسطیٰ کی موجودہ کشیدگی میں اہم سفارتی اشارہ قرار دیا جا رہا ہے، جو ممکنہ طور پر اسرائیل کی عسکری حکمت عملی اور امریکا کی پوزیشن پر اثرانداز ہو سکتا ہے۔
سینیٹ اجلاس ، وزیرمملکت عون چودھری اور پی ٹی آئی رکن میں تلخ کلامی