اگر کراچی رہنے کے قابل نہیں، تو ہزاروں لوگ یہاں کیوں آتے ہیں؟ شرجیل میمن
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: سندھ کے سینئر وزیر شرجیل انعام میمن نے کراچی کو غیر قابل رہائش قرار دینے والی رپورٹ پر سخت ردعمل دیتے ہوئے سوال اٹھایا ہے کہ اگر کراچی رہنے کے قابل نہیں تو پورے ملک سے ہزاروں افراد یہاں کیوں آ رہے ہیں؟
سندھ اسمبلی کے اجلاس میں اظہار خیال کرتے ہوئے شرجیل میمن کا کہنا تھا کہ حال ہی میں ایک رپورٹ کو ضرورت سے زیادہ اچھالا گیا جس میں کراچی کو دنیا کے بدترین شہروں میں شمار کیا گیا، مگر اس کے باوجود ملک کے کونے کونے سے لوگ کراچی کا رخ کر رہے ہیں۔
انہوں نے کہا کہ اگر کراچی اتنا ہی غیر محفوظ اور غیر موزوں ہے تو لوگ لاہور، اسلام آباد یا پشاور جانے کے بجائے کراچی میں کیوں رہائش اختیار کر رہے ہیں؟ شرجیل میمن نے اس بات کا اعتراف کیا کہ شہر میں مسائل ضرور موجود ہیں لیکن پھر بھی تین کروڑ سے زائد کی آبادی کو پانی میسر ہے، صفائی ہو رہی ہے، کچرا اٹھایا جا رہا ہے اور لوگ روزگار کے لیے دفاتر اور کاروبار پر جا رہے ہیں۔
سینئر وزیر نے کہا کہ کراچی کا شمار پاکستان کے معاشی دل میں ہوتا ہے اور یہی شہر روزگار، تعلیم اور سہولتوں کے اعتبار سے لاکھوں افراد کو اپنی طرف کھینچتا ہے۔ انہوں نے واضح کیا کہ مسائل کا ذکر ضرور ہونا چاہیے، مگر شہر کی مجموعی حقیقت کو نظر انداز نہیں کیا جا سکتا۔
.ذریعہ: Jasarat News
کلیدی لفظ: رہے ہیں
پڑھیں:
وزیراعلیٰ پنجاب کی تشہیر قومی خزانے سے کرنا قابل مذمت ہے
data-id="863a0a8" data-element_type="widget" data-widget_type="theme-post-content.default">
فیصل آباد(وقائع نگارخصوصی)جماعت اسلامی کے ضلعی امیرپروفیسرمحبوب الزماںبٹ نے وزیراعلیٰ پنجاب مریم نوازکی تشہیرپرقومی خزانہ سے اربوںروپے خرچ کرنے کی شدیدمذمت کرتے ہوئے کہاہے کہ انہوں نے کہاکہ عوام کو دو وقت کی روٹی میسرنہیں جبکہ وزیراعلیٰ کی تشہیرپرقومی خزانہ کابے دریغ استعمال کرکے بلند بانگ دعوئوں اور میڈیا کی جادوگری سے عوام کو دھوکادیا جارہاہے ۔ حکومت کی طرف سے مہنگائی کے خاتمہ اور معاشی اشاریوں کی بہتری کے دعوے عوام کو دھوکہ دہی کے سوا کچھ نہیں۔ اشیائے خورد و نوش اور اشیائے ضرورت کی قیمتیں مسلسل بڑھتی جارہی ہیں، بجلی، گیس، پٹرول کی خریداری صارفین کے لیے بڑا بوجھ بن گئی ہے، تنخواہ دار طبقہ، کلرک، پنشنرز کے حالات ابتر ہیں۔انہوںنے کہاکہ پنجاب حکومت کے زرعی انقلاب کے دعوے جھوٹ کا پلندہ ہیں، صوبہ بھر میں کسان بڑے مسائل سے دوچار ہیں۔ حکومتی اقدامات سے کپاس، چاول، گندم، گنا کے کاشت کاروں کو مسلسل خسارے کا سامنا ہے۔ بجلی، تیل، زرعی ادویات ، کھادیں مہنگی تر ہیں، جس سے فصلوں کی پیداواری لاگتاوراخراجات ناقابلِ برداشت ہو گئے ہیں۔انہوںنے کہاکہ حکمران معاشی بہتری کیلئے آزمائے ہوئے فرسودہ اور ناکارہ حربے استعمال کرنے کی بجائے عوام کا اعتماد بحال کریں۔حکمران اگر ملکی صنعت کاروں، سرمایہ کاروں، بیرونِ ملک پاکستانیوں پر انحصار کریں تو مستقل بنیادوں پر معیشت بحال ہوگی وگرنہ حکومت ملک کو مزید قرضوں، کرپشن میں مبتلا کرکے رُخصت ہوجائے گی اور حسبِ دستور ملک کا بڑا نقصان ہوجائے گا۔
بھارت سے آنے والی آلودہ ہواؤں نے پنجاب کا فضائی معیار خطرناک حد تک گرا دیا