وزیراعظم کی کیش لیس نظام کو فروغ دینے کیلئے ڈیجیٹل لین دین کو آسان بنانے کی ہدایت
اشاعت کی تاریخ: 23rd, June 2025 GMT
اسلام آباد(نیوز ڈیسک)وزیراعظم شہباز شریف کی زیر صدارت کیش لیس اکانومی سے متعلق اجلاس ہوا جس میں وزیراعظم نے ڈیجیٹل لین دین کو آسان بنانے کی ہدایت کردی۔
اجلاس میں وزیر اقتصادی امور احد خان چیمہ، وزیر پیٹرولیم علی پرویز ملک، وزیر آئی ٹی شزا فاطمہ، وزیر ماحولیاتی تبدیلی مصدق ملک، گورنر اسٹیٹ بینک اور چیئرمین ایف بی آر شریک تھے۔
اجلاس میں وزیراعظم نے ڈیجیٹل پبلک انفرا اسٹرکچر کمیٹی اور گورنمنٹ پیمنٹس کمیٹی تشکیل دینے کی ہدایت بھی کی۔
خصوصی سب کمیٹیاں ادائیگیوں، ڈیجیٹل نظام سے متعلق آگاہی اور سفارشات پیش کریں گی۔
وزیراعظم نے ادائیگیوں کے ڈیجیٹل نظام راست کو وفاق سمیت تمام صوبوں میں قائم کرنے کی ہدایت کرتے ہوئے کہا کہ معیشت میں شفافیت لانے کے لیے ڈیجیٹل لین دین کا نظام قائم کرنا انتہائی اہم ہے۔
انہوں نے کہا کہ ترقی یافتہ ممالک اور کامیاب معیشتوں میں کیش لیس نظام کو ترجیح دی جا رہی ہے، لین دین، ادائیگیوں کے ڈیجیٹل نظام کے قیام کے لیے جدید ٹیکنالوجی استعمال میں لائی جائے۔
شہباز شریف نے سرکاری اور نجی شعبوں کے درمیان لین دین کو کیش لیس بنانے کی ہدایت کرتے ہوئے کہا کہ بینکاری نظام کے تحت زیر گردش رقوم کو حکومتی منصوبوں میں سرمایہ کاری کے لیے استعمال کیا جا سکتا ہے۔
مزیدپڑھیں:انڈونیشین خاتون کے ہاں مسجد الحرام کے صحن میں بچے کی پیدائش
ذریعہ: Daily Ausaf
کلیدی لفظ: کی ہدایت کیش لیس لین دین
پڑھیں:
پنجاب حکومت کا بڑا فیصلہ: دفاتر میں روایتی فائل سسٹم ختم، تمام کارروائی ڈیجیٹل نظام پر منتقل
data-id="863a0a8" data-element_type="widget" data-widget_type="theme-post-content.default">
لاہور: پنجاب حکومت نے صوبے میں سرکاری دفاتر کے نظام کو جدید خطوط پر استوار کرتے ہوئے تاریخی قدم اٹھا لیا ہے، اب سول سیکریٹریٹ سمیت تمام محکموں میں روایتی فائل سسٹم ختم کردیا گیا ہے اور تمام کارروائی ڈیجیٹل نظام کے ذریعے کی جائے گی۔
میڈیا رپورٹس کےمطابق پنجاب حکومت کے ترجمان نے کہاکہ اس فیصلے سے نہ صرف کروڑوں روپے کی بچت ہوگی بلکہ انتظامی امور میں شفافیت اور رفتار بھی بڑھے گی۔
چیف سیکریٹری پنجاب آفس کے ترجمان کے مطابق سول سیکریٹریٹ اور حکومت پنجاب کی تمام کاغذی کارروائی کو مکمل طور پر ڈیجیٹلائز کردیا گیا ہے۔ اس مقصد کے لیے موجودہ تمام ہارڈ کاپی فائلز اکٹھی کرلی گئی ہیں، جو آئندہ ای فائلنگ اینڈ آفس آٹومیشن سسٹم (ای فاس) پر اپ لوڈ کی جائیں گی، اب تمام سرکاری کارروائیاں اور فائلز صرف ڈیجیٹل پلیٹ فارم پر ہی دستیاب ہوں گی۔
ترجمان کے مطابق اس اقدام کے نتیجے میں اسٹیشنری کی مد میں کروڑوں روپے کی بچت متوقع ہے، 80 فیصد سے زائد اسٹیشنری کا بجٹ ختم کردیا جائے گا جبکہ دفاتر میں پیپر ورک کے اخراجات میں نمایاں کمی ہوگی۔
انہوں نے مزید کہاکہ اس کے ساتھ ساتھ کسی بھی دفتر میں فائل کو غیر ضروری طور پر روکنے کی صورت میں چیف سیکریٹری آفس کو خودکار طریقے سے الرٹ جاری ہوگا تاکہ تاخیر ختم کی جا سکے۔
ترجمان نے مزید کہا کہ اب تمام فائلز ای فاس پر اپ لوڈ ہوں گی اور ہر فائل کو باآسانی ٹریک کیا جا سکے گا۔ اس ڈیجیٹل نظام کے تحت ہر فائل کا ریکارڈ محفوظ رہے گا اور ضرورت پڑنے پر فوری طور پر کسی بھی سطح پر دستیاب ہوگا۔
پنجاب حکومت کے مطابق یہ قدم صوبے کو جدید طرز حکمرانی کی طرف لے جانے کی ایک اہم پیش رفت ہے اور مستقبل میں دیگر شعبوں کو بھی مرحلہ وار ڈیجیٹلائز کیا جائے گا۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری