چین، بنگلہ دیش، پاکستان کے نائب وزرائے خارجہ اجلاس کا مقصد کسی تیسرے فریق کو نشانہ بنانا نہیں، چینی وزارت خارجہ
اشاعت کی تاریخ: 23rd, June 2025 GMT
بیجنگ :چین کی وزارت خارجہ کے ترجمان گو جیاکھون نے کہا ہےکہ چین، بنگلہ دیش اور پاکستان کے نائب وزرائے خارجہ اور خارجہ سیکرٹریوں کا سہ فریقی اجلاس صوبہ یون نان کے شہر کھون منگ میں منعقد ہوا۔پیر کے روز تر جمان نے پریس کانفرنس میں کہا کہ اجلاس میں چار پہلوؤں پر بات چیت کی گئی۔ پہلا، تینوں فریقوں نے اچھے ہمسایہ اور دوستی، مساوات اور باہمی اعتماد، کھلے پن اور جامعیت، مشترکہ ترقی اور مفادات کے اصولوں پر مبنی تعاون کرنے پر اتفاق کیا، جس میں اقتصادی ترقی کو فروغ دینے اور لوگوں کے ذریعہ معاش کو بہتر بنانے پر توجہ مرکوز کی جائے گی۔ دوسرا، تینوں فریقوں نے صنعت، تجارت، سمندر، آبی وسائل، موسمیاتی تبدیلی، زراعت، انسانی وسائل، تھنک ٹینکس، صحت، تعلیم، ثقافت اور نوجوانوں سمیت 12 شعبوں میں تعاون کے منصوبے قائم کرنے اور ان پر عمل درآمد پر اتفاق کیا۔ تیسرا یہ کہ تینوں فریق اجلاس میں طے پانے والے اتفاق رائے پر عمل درآمد کے لیے ڈائریکٹر کی سطح پر ایک ورکنگ گروپ تشکیل دیں گے ۔ چوتھا، سہ فریقی تعاون حقیقی کثیرالجہتی اور کھلی علاقائیت کی پاسداری کرتا ہے، اور خطے میں لوگوں کی فلاح و بہبود کو بہتر بنانے کے لئے پرعزم ہے، اور اس کا مقصد کسی تیسرے فریق کو نشانہ بنانا نہیں ہے۔
ذریعہ: Daily Mumtaz
پڑھیں:
امت مسلمہ کو کئی چیلنجز درپیش ہیں، ملکر مسائل سے نمٹنا ہوگا، اسحاق ڈار کا او آئی سی وزرائے خارجہ اجلاس سے خطاب
نائب وزیراعظم و وزیر خارجہ اسحاق ڈار نے ترکیہ کے شہر استنبول میں منعقدہ اسلامی تعاون تنظیم (او آئی سی) کے وزرائے خارجہ اجلاس میں خطاب کیا ہے۔
اپنے خطاب میں انہوں نے کہا کہ امت مسلمہ کو کئی چیلنجز کا سامنا ہے، ان چیلنجز سے نمٹنے کے لیے مل کر کام کرنا ہوگا امید ہے او آئی سی ان سے نمٹنے کے لیے فعال کردار ادا کرے گی۔
یہ بھی پڑھیے: او آئی سی کا بھارت میں اسلاموفوبیا اور کشمیر میں مسلم کش اقدامات پر سخت ردعمل
انہوں نے اسرائیلی جارحیت کو عالمی امن کے لیے خطرہ قرار دیتے ہوئے کہا کہ مشرقی وسطیٰ میں بڑھتی کشیدگی سے ہمیں تشویش ہے، اسرائیلی جارحیت سے خطے کے امن کو خطرہ ہے، اسرائیلی اقدامات بین الاقوامی قوانین کی خلاف ورزی ہے۔
غزہ میں فوری جنگ بندی کا مطالبہ کرتے ہوئے انہوں نے کہا کہ غزہ میں فلسطینیوں کی نسل کشی جاری ہے، ہزاروں بچوں اور خواتین کو شہید کیا جاچکا ہے۔
یہ بھی پڑھیے: اسحاق ڈار اور فیلڈ مارشل کی ترک صدر سے ملاقات، خطے میں کشیدگی کم کرنے کیلئے سفارتی کوششیں جاری رکھنے پر اتفاق
وزیر خارجہ نے کہا کہ بھارت نے پاکستان پر بلاجواز جارحیت کی اور معصوم شہریوں کو نشانہ بنایا۔ پاکستان نے بھارتی جارحیت کے خلاف اپنا حق استعمال کیا بھارتی جارحیت کا جواب دیا، بھارت کی جانب سے پاکستان کے حصے کا پانی روکنا کسی صورت قبول نہیں۔
وزیر خارجہ نے واضح کردیا کہ خطے میں امن مسئلہ کشمیر کے حل تک ممکن نہیں، مسئلہ کشمیر کو اقوام متحدہ کی قراردادوں کے ذریعے حل کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ishaq dar OIC اسحاق ڈار او آئی سی
برطانوی ایف 35کی بھارت میں ہنگامی لینڈنگ