روس کھل کر امریکا اور اسرائیل کے خلاف ایران کی مدد کرے، خامنہ ای کی پوٹن سے اپیل
اشاعت کی تاریخ: 23rd, June 2025 GMT
ایران کے سپریم لیڈر آیت اللہ علی خامنہ ای نے اسرائیل کے ساتھ جاری جنگ اور ایرانی ایٹمی تنصیبات پر امریکی حملوں کے بعد روسی صدر ولادیمیر پوٹن سے مزید فعال اور عملی حمایت کا مطالبہ کردیا۔
غیرملکی میڈیا رپورٹس کے مطابق آیت اللہ خامنہ ای نے اپنے وزیر خارجہ عباس عراقچی کے ذریعے ایک اہم پیغام روسی صدر کو بھیجا ہے، جس میں امریکا اور اسرائیل کی کھلی جارحیت کے پیش نظر روس سے فوری مدد اور تعاون کی درخواست کی گئی ہے۔
یہ بھی پڑھیں اسرائیلی جنگی جہازوں کی تہران اور فردو پر شدید بمباری، ایران نے بھی جواب میں میزائل برسا دیے
سفارتی ذرائع کے مطابق ایران روس کی اب تک کی حمایت سے ناخوش ہے اور یہ سمجھتا ہے کہ ماسکو نے صرف بیانات تک محدود رہ کر اس نازک صورتحال میں ایران کو تنہا چھوڑ دیا ہے۔ ایران چاہتا ہے کہ روس اسرائیل اور امریکا کے خلاف واضح اور عملی مؤقف اختیار کرے۔
تاہم ذرائع نے یہ واضح نہیں کیاکہ ایران کو کس نوعیت کی عملی مدد درکار ہے۔ کیا یہ فوجی معاونت، انٹیلیجنس تعاون یا اقوام متحدہ میں سخت مؤقف کی صورت میں ہے۔
روس نے اگرچہ اسرائیلی حملوں کی مذمت کی ہے، لیکن امریکا کی جانب سے ایران کی جوہری تنصیبات پر حملے پر صدر پوٹن کی خاموشی نے ایران کو مزید تشویش میں مبتلا کردیا ہے۔
واضح رہے کہ امریکا اور اسرائیل نے حالیہ بیانات میں ایرانی قیادت کو براہِ راست ہدف بنانے اور رجیم چینج کی دھمکیاں دی ہیں، جس نے نہ صرف تہران بلکہ ماسکو میں بھی خطرے کی گھنٹی بجا دی ہے۔
ایران اور روس کے تعلقات اگرچہ ماضی میں اتار چڑھاؤ کا شکار رہے ہیں، لیکن حالیہ برسوں میں دونوں ممالک نے 20 سالہ تزویراتی معاہدہ کیا ہے۔ روس نے بوشہر نیوکلیئر پاور پلانٹ میں مزید دو ری ایکٹرز کی تعمیر میں بھی ایران کی مدد کی ہے۔ اس کے علاوہ یوکرین جنگ میں بھی روس نے ایران سے اسلحہ خریدا ہے۔
تاہم یوکرین جنگ میں الجھا ہوا روس ایران کے معاملے پر امریکا سے کھلی محاذ آرائی سے گریزاں نظر آتا ہے۔
یہ بھی پڑھیں صدرٹرمپ کا ‘رجیم چینج’ کا نعرہ، ایران کو امریکی وارننگ
اقوام متحدہ کی سلامتی کونسل میں روس، چین اور پاکستان نے مشرق وسطیٰ میں فوری اور غیر مشروط جنگ بندی کی قرارداد پیش کی ہے۔ روسی سفیر نیبینزیا نے امریکا کو آڑے ہاتھوں لیتے ہوئے 2003 کے عراق جنگ کے جھوٹے دعوؤں کی یاد دلائی اور کہاکہ دنیا کو ایک بار پھر امریکی کہانیوں پر یقین کرنے پر مجبور کیا جا رہا ہے، جو ظاہر کرتا ہے کہ واشنگٹن نے ماضی سے کچھ نہیں سیکھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپیل امریکا آیت اللہ خامنہ ای ایران اسرائیل جنگ ایرانی سپریم لیڈر روسی صدر مطالبہ ولادیمیر پوٹن وی نیوز.ذریعہ: WE News
کلیدی لفظ: اپیل امریکا ا یت اللہ خامنہ ای ایران اسرائیل جنگ ایرانی سپریم لیڈر مطالبہ ولادیمیر پوٹن وی نیوز خامنہ ای ایران کو امریکا ا
پڑھیں:
صہیونی دشمن نے سنگین غلطی کی، سزا دی جائے گی: خامنہ ای
صہیونی دشمن نے سنگین غلطی کی، سزا دی جائے گی: خامنہ ای WhatsAppFacebookTwitter 0 23 June, 2025 سب نیوز
تہران: ایران پر اسرائیلی حملوں میں امریکا کی شمولیت کے بعد ایران کے سپریم لیڈر آیت اللّٰہ علی خامنہ ای نے کہا ہے کہ صہیونی دشمن نے سنگین غلطی کی، اسے اب سزا دی جائے گی۔
ایکس پر ایرانی سپریم لیڈر نے اپنے فارسی زبان کے اکاؤنٹ سے پوسٹ کی ہے کہ سزا جاری ہے، صہیونی دشمن نے سنگین غلطی کی ہے، ایک بڑا جرم کیا ہے، اسے سزا ملنی چاہئے اور اسے اب سزا دی جائے گی۔
امریکا کو جارحیت کا جواب ملنا چاہئے: ایرانی صدر
ایران کے صدر مسعود پزشکیان نے کہا ہے کہ امریکا کو ایران کی جوہری تنصیاب پر حملوں کا جواب ملنا چاہئے۔
ایران کی سرکاری خبر رساں ایجنسی ارنا کے مطابق ایران کے صدر مسعود پزشکیان اور فرانسیسی صدر ایمانویل میکرون کے درمیان ٹیلی فونک رابطہ ہوا، صدر پزشکیان نے فرانسیسی ہم منصب کو بتایا کہ امریکیوں کو ان کی جارحیت کا جواب ضرور ملنا چاہئے۔
ان کا کہنا تھا کہ ہم نے ہمیشہ کہا ہے کہ ہم بین الاقوامی قانون کے دائرے میں رہتے ہوئے بات چیت کے لیے تیار ہیں لیکن ایرانی قوم سے ہتھیار ڈالنے کا مطالبہ کیا گیا۔
ایرانی صدر کا مزید کہنا تھا کہ ہماری قوم کبھی بھی غنڈہ گردی اور جبر کے سامنے ہتھیار نہیں ڈالے گی اور جارحیت کا مناسب جواب دیں گے۔
جوابی کارروائی کرنا ایران کا جائز حق ہے: ایرانی وزیر خارجہ
ایران کے وزیر خارجہ عباس عراقچی نے کہا ہے کہ ایرانی پُرامن جوہری تنصیبات پر حملہ کر کے امریکا نے عالمی قوانین کی کھلی خلاف ورزی کی، جوابی کارروائی کرنا ایران کا جائز حق ہے۔
ماسکو پہنچنے پر میڈیا سے گفتگو کرتے ہوئے انہوں نے کہا کہ روس کا دورہ پہلے سے طے شدہ تھا، ایران پر امریکی حملے کے بعد روسی رہنماؤں سے ملاقات کی اہمیت مزید بڑھ گئی ہے، موجودہ عالمی صورتِ حال کا تقاضا ہے کہ ایران اور روس سنجیدہ بات چیت کریں۔
عباس عراقچی نے ماسکو میں کہا کہ روس ایران کا دوست ہے، آج صدر پیوٹن کے ساتھ سنجیدہ مشاورت کریں گے۔
علاوہ ازیں نائب ایرانی وزیر خارجہ نے کہا ہے کہ ایران جوہری افزودگی جاری رکھے گا، کوئی ہمیں نہیں بتا سکتا ہمیں کیا کرنا ہے۔
واضح رہے کہ اس سے قبل ایرانی وزیر خارجہ عباس عراقچی نے اقوام متحدہ کے سیکریٹری جنرل انتونیو گوتریس کو خط لکھ کر کہا تھا کہ دشمنوں کی ایران سے سفارت کاری کی طرف واپس آنے کی درخواستیں اب غیر متعلقہ ہو چکی ہیں، سفارت کاری کا دروازہ یقینی طور پر بند ہو چکا ہے۔
خط میں عباس عراقچی نے کہا کہ اقوام متحدہ کی عملی اقدامات میں ناکامی بحران کو مزید بڑھا دے گی۔
امریکا کے الزامات بے بنیاد، جواب دیا جائے گا: ایرانی مندوب
قبل ازیں اقوام متحدہ میں ایرانی مندوب نے سلامتی کونسل کے ہنگامی اجلاس سے خطاب کرتے ہوئے امریکا کے تمام الزامات بے بنیاد قرار دیتے ہوئے کہا کہ الزامات کی قانون حیثیت نہیں بلکہ سیاسی محرکات ہیں، ان کی کوئی قانونی بنیاد نہیں۔
ان کا کہنا تھاکہ حملے کا جواب دینے کے وقت اور نوعیت کا فیصلہ ایرانی افواج کریں گی، ایران پر حملہ عالمی قوانین کی خلاف ورزی ہے، جنگی مجرم نیتن یاہو امریکا کو جنگ میں دھکیلنے میں کامیاب ہوا ہے، امریکا نے نیتن یاہو کی خاطر سفارتی کوششوں کو متاثر کیا۔
ایرانی مندوب کا مزید کہنا تھا کہ ایران کو پر امن مقاصد کے لئے نیوکلیئر انرجی کے حصول سے روکا جارہا ہے، دنیا ایران کے خلاف طاقت کا استعمال دیکھ رہی ہے۔
انہوں نے کہا کہ اسرائیلی جارحیت سے خطہ غیر محفوظ ہوچکا، سلامتی کونسل کو بات چیت کے ذریعے حل نکالنا چاہئے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی حملے بے سود؟ ’ایران اب بھی جوہری ہتھیار بنا سکتا ہے‘، عالمی تجزیہ کار امریکی حملے بے سود؟ ’ایران اب بھی جوہری ہتھیار بنا سکتا ہے‘، عالمی تجزیہ کار امریکی صدر ڈونلڈ ٹرمپ کا ایران میں نظام حکومت کی تبدیلی کا مطالبہ قومی سلامتی کمیٹی کا اہم اجلاس آج، علاقائی صورتحال پر مشاورت ہوگی امریکا ممکنہ طور پریکطرفہ جنگ بندی کا اعلان کرسکتا ہے، اسرائیلی حکام کا دعویٰ آبنائے ہرمز کی بندش روکنے کے لیے امریکا نے چین سے مدد مانگ لی امریکا کے جوہری تنصیبات کو نشانہ بنانے کے بعد ایران کا اسرائیل پر شدید حملہ، 24 اسرائیلی ہلاکCopyright © 2025, All Rights Reserved
رابطہ کریں ہمارے بارے ہماری ٹیم
امریکی صحافی آسٹن ٹائس کو 2013 میں قتل کردیا گیا تھا،سابق شامی مشیر کا انکشاف