امریکا کے خلاف طاقتور ٹارگٹ آپریشن کیئے جائیں گے.ایرانی پاسداران انقلاب
اشاعت کی تاریخ: 23rd, June 2025 GMT
تہران(اردوپوائنٹ اخبارتازہ ترین-انٹرنیشنل پریس ایجنسی۔23 جون ۔2025 )ایرانی مسلح افواج پاسداران انقلاب نے کہا ہے کہ امریکا نے جو جنگ شروع کی ہے اسے ایران ختم کرئے گا‘امریکا کے براہ راست جنگ میں شامل ہونے کے بعداس کے خلاف طاقتور ٹارگٹ آپریشن کیئے جائیں گے. عرب نشریاتی ادارے کے مطابق تہران میں پریس کانفرنس کے دوران پاسداران انقلاب کے ترجمان ابراہیم زلفقاری نے صدرٹرمپ کو براہ راست مخاطب کرتے ہوئے کہا کہ امریکہ خود جنگ میں شامل ہوا ہے اور اس نے ایران کی مقدس سرزمین ‘عالمی قوانین اور سرحدوں کی خلاف ورزی کی ہے انہوں نے کہا کہ امریکہ کی خلاف طاقتور اور ٹارگٹڈ آپریشن کیے جائیں گے جن سے واشنگٹن کو بھاری، افسوسناک اور غیر متوقع نتائج کا سامنا کرنا پڑے گا.
(جاری ہے)
امریکی صدر کو مخاطب کرتے ہوئے پاسداران انقلاب کے ترجمان نے انگریزی میں کہا کہ مسٹر ٹرمپ یہ جنگ شروع آپ نے کی ہے لیکن اسے ختم ہم کریں گے دوسری جانب ایرانی ذرائع ابلاغ نے ایک ویڈیو جاری کی ہے جس میں ایران کے کمانڈر ان چیف امیر حاتمی کو ایک آپریشن روم میں ساتھی افسران سے بات کرتے دیکھا جا سکتا ہے ویڈیو میں ایرانی کمانڈر ان چیف کو کہتے سنا جا سکتا ہے کہ ماضی میں جب بھی امریکہ نے ایران کے خلاف مجرمانہ کارروائی کی تو اسے فیصلہ کن جواب ملا ہے اس بار بھی ایسا ہی ہو گا. دریں اثنا، ایرانی فوج کے چیف آف اسٹاف عبدالرحیم موسوی نے ایک بیان جاری کیا ہے جس میں کہا گیا ہے کہ امریکی حملے کے بعد ان کی افواج کی جانب سے امریکی فوجیوں کے خلاف کسی بھی قسم کی کارروائی کا امکان پیدا ہو گیا ہے ان کا کہنا ہے کہ ایران کبھی پیچھے نہیں ہٹے گا ‘ادھر رپورٹ میں بتایاگیا ہے کہ ایرانی پارلیمنٹ کی آبنائے ہرمز بند کرنے کی منظوری دیئے جانے کے بعد متعدد تیل بردار بحری جہازوں نے راستہ بدل لیا ہے . ایرانی وزیرخارجہ عباس عراقچی نے گزشتہ روز استنبول میں پریس کانفرنس کے دوران تہران کی جانب سے آبنائے ہرمز کو بند کرنے کا عندیہ دیا تھا جس کے بعد ایرانی پارلیمنٹ نے آبنائے ہرمز کو بند کرنے کی باضابط منظوری دے دی تاہم حتمی فیصلہ سپریم لیڈر اورملک کے اعلیٰ ترین سکیورٹی ادارے کی منظوری سے مشروط ہے آبنائے ہرمز کے ذریعے عالمی تیل اور گیس کی 20 فیصد سپلائی اس راستے سے ہوتی ہے . پاسداران انقلاب کے کمانڈر اسماعیل کوثری نے بتایا کہ آبنائے کو بند کر نے کا آپشن زیرغور ہے اور ضرورت پڑنے پر فیصلہ کیا جائے گا اس سمندری راستے سے ایران سمیت متعدد عرب ممالک تیل کی سپلائی کے لیے استعمال کرتے ہیں رپورٹ میں کہا گیا ہے کہ ایرانی پارلیمنٹ جوہری تنصیبات پر امریکی حملوں کے بعد جوہری عدم پھیلاﺅکے معاہدے (NPT) سے دستبرداری پر غور کررہی ہے . ایران کے سرکاری نشریاتی ادارے کے مطابق امریکی جنگی طیاروں کی جانب سے فردو اور اصفہان اور نطنز کے جوہری مقامات پر یورینیم کی افزودگی کی تنصیب پر بمباری کے چند گھنٹے بعد بندش کی کوئی خاص تاریخ طے نہیں کی گئی ہے ایران اور سلطنت عمان کے درمیان آبنائے ہرمز تیل کی عالمی برآمدات کے لیے ایک بڑا جہاز رانی کا راستہ ہے اور21 ملین بیرل سے زیادہ تیل روزانہ آبنائے ہرمز سے گزرتا ہے اسی طرح مائع قدرتی گیس کی برآمدات کا ایک تہائی حصہ یہاں سے گزرتا ہے یہ دنیا کے حساس ترین چوکیوں میں سے ایک ہے اور حالیہ تناﺅ کے بعد شپنگ کمپنیوں نے آبنائے ہرمز سے گریز کرنا شروع کر دیا ہے اور بحری جہازوں کے لیے انشورنس کی شرح 60 فیصد سے زیادہ بڑھ گئی ہے ایران بھی تیل کی برآمد اور سامان کی درآمد کے لیے آبنائے ہرمز پر انحصار کرتا ہے .
ذریعہ
ذریعہ: UrduPoint
کلیدی لفظ: تلاش کیجئے پاسداران انقلاب کے خلاف کے لیے کے بعد ہے اور
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی