ایران کے امریکی فوجی اڈّوں پر حملے؛ بحرین، عمان اور کویت نے فضائی حدود بند کر دیں
اشاعت کی تاریخ: 23rd, June 2025 GMT
ایران کے قطر میں امریکا کے سب سے بڑے فوجی اڈّے پر حملوں کے بعد بحرین، عمان اور کویت نے بھی اپنی فضائی حدود عارضی طور پر بند کردیں۔
عالمی خبر رساں ادارے کے مطابق بحرین نے اعلان کیا کہ اس نے قطر میں امریکی فوجی اڈے العدید ایئر بیس پر ایران کے میزائل حملے کے بعد احتیاطی اقدام کے طور پر اپنی فضائی حدود عارضی طور پر بند کر دی ہیں۔
بحرینی حکام کا کہنا ہے کہ یہ اقدام خطے میں تیزی سے بدلتی ہوئی سیکیورٹی صورتحال اور ممکنہ خطرات کے پیش نظر اٹھایا گیا ہے۔
یاد رہے کہ بحرین میں امریکی بحریہ کے پانچویں بیڑے (Fifth Fleet) کا صدر دفتر قائم ہے، جس کی ذمہ داری خلیج، بحیرہ احمر، بحیرہ عرب اور بحرِ ہند کے کچھ حصوں پر محیط ہے۔
بحرینی حکام نے کہا ہے کہ صورتحال پر قریبی نظر رکھی جا رہی ہے اور آئندہ اقدامات سیکیورٹی مشاورت کے بعد کیے جائیں گے۔
کویت اور عمان نے اپنی فضائی حدود کو بند کرتے ہوئے پروازوں کو ری شیڈول کیا ہے۔ قطر اور یو اے ای جانے والی پروازوں کو منسوخ کیا گیا ہے۔
واضح رہے کہ خلیج میں کشیدگی میں مسلسل اضافے کے سبب دیگر خلیجی ممالک بھی ممکنہ حفاظتی اقدامات پر غور کر رہے ہیں۔
.
ذریعہ: Express News
پڑھیں:
ہاکس بے میں ایک شخص قتل‘عزیزبھٹی سے گولی لگی خاتون کی لاش ملی
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) شہر کے مختلف علاقوں میں حادثات وواقعات میں خاتون سمیت 6افراد جاںبحق ہوگئے دیگر واقعات میں 7افراد زخمی ہوئے ۔ تفصیلات کے مطابق موچکو تھانے کی حدود ہاکس بے مشرف کالونی 500 کوارٹر مشرف کالونی سیکٹر 6 ڈی کنٹینر یارڈ کے قریب فائرنگ سے 40سالہ فاروق خان ولد محمد امیر خان شخص جاں بحق ہوگیا ۔ عزیز بھٹی تھانے کی حدود ڈالمیا شانتی نگر سندھی ہوٹل کے قریب گھر سے 45 سالہ خاتون صائمہ زوجہ سکندر کی گولی لگی لاش ملی ۔پاک کالونی تھانے کی حدود پرانا گولیمار ریکسر پل ہزارہ محلہ کے قریب زیرِ تعمیر عمارت سے 35 سالہ شخص کی ہاتھ پاؤں بندھی اور تشدد زدہ لاش برآمد ہوئی۔ مقتول کوگلا گھونٹ کر قتل کیا گیا، جس کے بعد ملزمان لاش مذکورہ مقام پر پھینک کرفرار ہوگئے۔ ابتدائی معائنے کے مطابق مقتول کے جسم پر شدید تشدد کے نشانات پائے گئے ہیں جبکہ ہاتھ اور پاؤں رسیوں سے بندھے ہوئے تھے۔ کھوکھرا پار ملیر مدینہ کالونی کے علاقے میں مکان نمبر ایم ای 651 سے پھندا لگی لاش ملی ، جس کے بعد علاقے میں خوف و ہراس پھیل گیا۔ متوفی کی شناخت 42سالہ کاشف ولد حنیف کے نام سے ہوئی ۔ ماڑی پور کے علاقے گریکس، بلال جمپ کے قریب تیز رفتار رکشہ الٹنے کے باعث پندرہ ماہ کی بچی ذونیشا جاں بحق جبکہ 3 افراد زخمی ہوگئے،جبکہ اقبال مارکیٹ تھانے کی حدود اورنگی ٹاون سیکٹر ساڑھے گیا رہ یعقوب آباد منہاج شریعہ مسجد کے قریب نامعلوم افراد کی فائرنگ سے 34سالہ تنویر شدید زخمی ہوگیا ۔ نارتھ کراچی سلیم سینٹر کے قریب ٹریفک حادثے میں 45 سالہ پولیس اہلکار زخمی ہوا ۔کورنگی کوسٹ گارڈ چورنگی المصطفیٰ اسپتال کے قریب سلنڈر کی دکان میں آگ لگنے سے ایک شخص جاں بحق اور ایک شدید زخمی ہوگیا۔
بلوچستان میں 142 سال پرانی لیویز فورس کیوں ختم کی گئی؟