مشرق وسطیٰ کے لیے بین الاقوامی پروازیں معطل، کئی ممالک کی فضائی حدود بند
اشاعت کی تاریخ: 24th, June 2025 GMT
اسرائیل کے ایران پر حملوں کے بعد بین الاقوامی ایئرلائنز نے مشرق وسطیٰ کے متعدد مقامات کے لیے پروازیں معطل کر دی ہیں، جس کی وجہ فضائی حدود کی بندش اور سلامتی کے خدشات بتائے گئے ہیں۔
امریکا کی جانب سے ایرانی جوہری تنصیبات پر حملے کے بعد تنازع ایک نئے مرحلے میں داخل ہو چکا ہے، جس کے نتیجے میں دبئی اور قطر کے دارالحکومت دوحہ جیسے مراکز کے لیے متعدد پروازیں منسوخ کر دی گئی ہیں۔
اسرائیل ایران جنگ کے بعد مشرق وسطی کے لیے پروازیں منسوخ کرنے والی ایئر لائنز کی تازہ ترین فہرست سامنے آگئی ہے، درج ذیل ایئرلائنز نے مشرق وسطیٰ کے لیے اپنی پروازیں منسوخ یا معطل کر دی ہیں۔
الاتحاد ایئرویز
ابوظہبی اور تل ابیب کے درمیان پروازیں 15 جولائی تک منسوخ کر دی گئی ہیں، اگلے چند دنوں میں مزید تاخیر اور خلل متوقع ہے۔
ایمیرٹس ایئرلائن
ایران اور عراق کے لیے پروازیں 30 جون تک عارضی طور پر معطل کر دی گئی ہیں۔
قطر ایئرویز
عراق، ایران اور شام کے لیے پروازیں عارضی طور پر منسوخ کر دی گئی ہیں۔
فلائی دبئی
ایران، عراق، اسرائیل اور شام کے لیے پروازیں 30 جون تک معطل ہیں۔
ایئر بالٹک
تل ابیب کے لیے تمام پروازیں 30 ستمبر تک منسوخ کر دی گئی ہیں۔
ایئر یورپا
تل ابیب کے لیے پروازیں 31 جولائی تک منسوخ کر دی گئی ہیں۔
ایئر فرانس-کے ایل ایم
تل ابیب کے لیے پروازیں 14 جولائی تک اور بیروت کے لیے 25 جون تک معطل ہیں، ایئر فرانس نے دبئی اور ریاض کے لیے پروازیں بھی 24 جون تک منسوخ کر دی ہیں۔ اسی طرح تل ابیب کے لیے تمام پروازیں کم از کم یکم جولائی تک منسوخ کر دی ہیں۔
ایئر انڈیا
ایئر انڈیا نے مشرق وسطیٰ، شمالی امریکا اور یورپ کے مشرقی ساحلی علاقوں کے لیے تمام پروازیں فوری طور پر اور غیر معینہ مدت کے لیے بند کر دی ہیں۔
ڈیلٹا ایئر لائنز
تل ابیب کے لیے سفر 12 جون سے 31 اگست تک متاثر ہو سکتا ہے۔
ال آل اسرائیل ایئرلائنز
27 جون تک اپنی تمام باقاعدہ پروازیں منسوخ کر دی ہیں اور 22 جولائی تک نئی بکنگ بھی روک دی گئی ہے۔
فِن ایئر
دوحہ کے لیے پروازیں 30 جون تک منسوخ ہیں، اور یکم جولائی کی پرواز بھی منسوخ کر دی گئی ہے، اسی طرح عراق، ایران، شام اور اسرائیل کی فضائی حدود استعمال نہیں کی جا رہی۔
آئی اے جی گروپ
برٹش ایئرویز نے تل ابیب کے لیے پروازیں 31 جولائی تک اور عمان و بحرین کے لیے 30 جون تک معطل کی ہیں۔
آئیبیرین ایکسپریس نے تل ابیب کے لیے پروازیں 30 جون تک منسوخ کی ہیں، اور اب دوحہ کے لیے پروازیں دوبارہ شروع کرنے کا منصوبہ بھی منسوخ کر دیا ہے۔
اسر ایئر
اسرائیل سے تمام پروازیں 30 جون تک منسوخ کر دی گئی ہیں، جبکہ 7 جولائی تک نئی بکنگ بند کر دی گئی ہے۔
آئی ٹی اے ایئرویز
تل ابیب کے لیے پروازوں کی معطلی 31 جولائی تک بڑھا دی گئی ہے، اور یکم اگست کی دو پروازیں بھی منسوخ کر دی گئی ہیں۔
جاپان ایئرلائنز
دوحہ کے لیے پروازیں 27 جون تک معطل ہیں۔
لفتھانزا
بیروت کے لیے پروازیں 30 جون تک اور تل ابیب و تہران کے لیے 31 جولائی تک معطل کر دی گئی ہیں، عمان اور اربیل کے لیے پروازیں 11 جولائی تک بند ہیں، اور متاثرہ ممالک کی فضائی حدود سے گریز کیا جا رہا ہے۔
عمان ایئر
منامہ، دبئی اور کویت کے لیے پروازیں عارضی طور پر معطل ہیں۔
پی آئی اے
قطر، بحرین، کویت اور دبئی کے لیے پروازیں منسوخ کر دی گئی ہیں۔
پیگاسس ایئرلائن
ایران کے لیے پروازیں 30 جولائی تک اور عراق، لبنان اور اردن کے لیے 30 جون تک منسوخ ہیں۔
رائن ایئر
تل ابیب کے لیے پروازیں 30 ستمبر تک معطل کر دی گئی ہیں۔
سنگاپور ایئرلائنز
سنگاپور سے دبئی جانے والی پروازیں 25 جون تک منسوخ کر دی گئی ہیں۔
ٹاروم
تل ابیب، بیروت اور عمان کے لیے تمام تجارتی پروازیں 30 جون تک معطل ہیں۔
ٹَس ایئرویز اسرائیل کے لیے تمام پروازیں 30 جون تک منسوخ ہیں، یکم جولائی سے 7 جولائی کے درمیان روانگی والی پروازوں کی فروخت فی الحال بند ہے۔
یونائیٹڈ ایئرلائنز
تل ابیب کے لیے سفر 13 جون سے یکم اگست تک متاثر ہو سکتا ہے، دبئی کے لیے پروازیں 18 جون سے 3 جولائی کے درمیان متاثر ہو سکتی ہیں۔
وِز ایئر
تل ابیب اور عمان کے لیے پروازیں 15 ستمبر تک معطل ہیں، اور اسرائیل، عراق، ایران اور شام کی فضائی حدود سے گریز کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابو ظہبی الاتحاد ایئرویز ایئر انڈیا ایئر فرانس ایئر یورپا ایران ایمیرٹس ایئرلائن بین الاقوامی ایئرلائنز پروازیں منسوخ پی آئی اے تل ابیب دبئی دوحہ سلامتی کے خدشات عراق فضائی حدود فلائی دبئی قطر قطر ایئرویز مشرق وسطیٰ.
ذریعہ
ذریعہ: WE News
کلیدی لفظ: الاتحاد ایئرویز ایئر انڈیا ایئر فرانس ایئر یورپا ایران ایمیرٹس ایئرلائن بین الاقوامی ایئرلائنز پروازیں منسوخ پی ا ئی اے تل ابیب سلامتی کے خدشات فلائی دبئی قطر ایئرویز کے لیے پروازیں 30 جون تک تل ابیب کے لیے پروازیں پروازیں 30 جون تک منسوخ تک منسوخ کر دی گئی ہیں کے لیے تمام پروازیں پروازیں منسوخ کر جون تک معطل ہیں کی فضائی حدود جولائی تک کر دی ہیں دی گئی ہے تک اور
پڑھیں:
مسجد اقصیٰ کی حرمت پر کوئی سمجھوتہ نہیں، پاکستان سمیت 8 ممالک کے وزرائے خارجہ کا دوٹوک اعلان
پاکستان سمیت آٹھ مسلم ممالک کے وزرائے خارجہ نے مسجد اقصیٰ میں اسرائیلی آبادکاروں اور انتہا پسند عناصر کی حالیہ کارروائیوں کی سخت الفاظ میں مذمت کرتے ہوئے خبردار کیا ہے کہ ایسے اقدامات نہ صرف مذہبی تقدس کی پامالی ہیں بلکہ پورے خطے میں کشیدگی کو خطرناک حد تک بڑھا رہے ہیں۔
مشترکہ اعلامیے پر پاکستان، سعودی عرب، متحدہ عرب امارات، قطر، مصر، اردن، ترکیہ اور انڈونیشیا کے وزرائے خارجہ نے اتفاق کیا۔ اعلامیے میں کہا گیا کہ مسجد اقصیٰ میں اسرائیلی آبادکاروں کی اشتعال انگیز کارروائیاں اور اسرائیلی انتہا پسند وزرا و گروہوں کی سرگرمیاں ناقابلِ قبول ہیں اور ان سے خطے میں امن و استحکام کو شدید خطرات لاحق ہو رہے ہیں۔
وزرائے خارجہ نے اس بات پر زور دیا کہ مسجد اقصیٰ کی تاریخی، قانونی اور مذہبی حیثیت کا ہر صورت احترام کیا جانا چاہیے اور اس میں کسی بھی قسم کی یکطرفہ تبدیلی ناقابلِ قبول ہے۔
مشترکہ اعلامیے میں مسجد اقصیٰ کے انتظامی اور مذہبی امور پر اردن کے محکمہ اوقاف کے خصوصی اختیار کا اعادہ کرتے ہوئے عالمی برادری سے مطالبہ کیا گیا کہ اس حیثیت کو برقرار رکھنے کے لیے مؤثر اقدامات کیے جائیں۔
اعلامیے میں اسرائیل سے مطالبہ کیا گیا کہ مسلمانوں کو مسجدِ اقصیٰ میں عبادت سے روکنے کا سلسلہ فوری طور پر بند کیا جائے، مذہبی آزادی کا احترام کیا جائے اور ایسے تمام اقدامات سے گریز کیا جائے جو مزید کشیدگی اور تصادم کا سبب بن سکتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار