گاڑی صاف کرتے ملنے والے لاٹری ٹکٹ نےہزاروں ڈالر انعام جتوادیا
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
فلاڈیلفیا: امریکا میں ایک شخص کو گاڑی صاف کرتے وقت ملے لاٹری کے ٹکٹ نے ہزاروں ڈالر کا انعام جتوا دیا۔
امریکی ریاست فلاڈیلفیا سے تعلق رکھنے والے شخص (جن کی شناخت ظاہر نہیں کی گئی) نے بتایا کہ وہ اپنی گاڑی صاف کر رہے تھے جہاں ان کو رکھا ہوا پاور بال ٹکٹ ملا جس نے ان کو 50 ہزار ڈالر کا انعام جتوا دیا۔
میری لینڈ لاٹری آفیشلز سے گفتگو کرتے ہوئے انعام جیتنے والے شخص (جو پیشے سے انجینئر ہیں اور کثرت سے سفر کرتے ہیں) نے بتایا کہ انہوں نے یہ ٹکٹ 4 جون کو بالٹی مور کاؤنٹی سے خریدا تھا۔
انہوں نے بتایا کہ وہ ٹکٹ خریدنے کے ایک ہفتے سے زیادہ عرصہ بعد گاڑی صاف کر رہے تھے جہاں ان کو یہ بھولا ہوا ٹکٹ ملا۔
انہوں نے کہا کہ جب ان کو معلوم ہوا کہ وہ جیت گئے ہیں تو وہ خوشی سے پھولے نہ سمائے۔
انہوں نے امید کا اظہار کیا کہ یہ ان کا بہت سے انعامات میں پہلا انعام ہو۔
.ذریعہ: Jasarat News
پڑھیں:
سندھ میں ای وی ٹیکسی اور پیپلز بس سروس سیف سٹی نیٹ ورک سے منسلک کرنے کا فیصلہ
data-id="863a0a8" data-element_type="widget" data-widget_type="theme-post-content.default">
کراچی: سندھ حکومت نے شہری سیکورٹی اور ٹرانسپورٹ کے نظام کو جدید خطوط پر استوار کرنے کے لیے ایک اہم قدم اٹھایا ہے۔
صوبائی وزیرِ اطلاعات و ٹرانسپورٹ شرجیل انعام میمن کے مطابق پیپلز بس سروس اور ای وی ٹیکسی سروس میں نصب کیمروں اور انٹیلی جنٹ ٹرانسپورٹ سسٹم (ITS) کو اب سیف سٹی نیٹ ورک سے منسلک کیا جائے گا۔
اس فیصلے کا مقصد نہ صرف عوامی ٹرانسپورٹ کو زیادہ محفوظ بنانا ہے بلکہ کراچی سمیت صوبے کے بڑے شہروں میں ٹریفک مینجمنٹ، سیکورٹی مانیٹرنگ اور شہری تحفظ کے نظام کو جدید ٹیکنالوجی سے ہم آہنگ کرنا بھی ہے۔
شرجیل انعام میمن نے کہا کہ سندھ حکومت دسمبر میں جدید ای وی ٹیکسی سروس کے آغاز کے لیے بھرپور تیاریوں میں مصروف ہے۔ یہ منصوبہ شہریوں کو ایک محفوظ، آرام دہ اور ماحول دوست سفری متبادل فراہم کرے گا۔ ابتدائی مرحلے میں یہ سروس کراچی میں شروع کی جائے گی، بعد ازاں اسے دیگر بڑے شہروں تک توسیع دی جائے گی۔
انہوں نے بتایا کہ حکومت خواتین کے لیے علیحدہ پنک ای وی ٹیکسی سروس بھی متعارف کروا رہی ہے تاکہ خواتین مسافروں کو محفوظ اور آرام دہ سفر میسر آ سکے۔
اس منصوبے کے حوالے سے کراچی میں سرمایہ کاروں کے ایک وفد نے شرجیل انعام میمن سے ملاقات کی، جس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی منیجنگ ڈائریکٹر کنول نظام بھٹو سمیت دیگر حکام بھی شریک تھے۔
سرمایہ کاروں نے ای وی ٹیکسی کے ڈھانچے، چارجنگ اسٹیشنز کے قیام اور آپریٹنگ ماڈلز پر اپنی تجاویز پیش کیں۔ وزیر ٹرانسپورٹ نے کہا کہ یہ منصوبہ نہ صرف عوامی سہولت بلکہ صوبے کی معاشی ترقی میں بھی اہم کردار ادا کرے گا۔
انہوں نے کہا کہ ای وی ٹیکسی سروس کم کرایوں میں شہریوں کو آرام دہ سفر فراہم کرے گی، جبکہ سرمایہ کاروں کے لیے یہ ایک پرکشش سرمایہ کاری موقع ثابت ہوگی۔
شرجیل انعام میمن نے مزید کہا کہ ای وی ٹیکسی اور پیپلز بس سروس کے کیمرے سیف سٹی نیٹ ورک سے جڑنے کے بعد شہری سیکورٹی کے نئے دور کا آغاز ہوگا، جس سے عوامی تحفظ، شفافیت اور نظام کی کارکردگی میں نمایاں بہتری آئے گی۔
آج والدین اپنے بچوں کو مار نہیں سکتے: عدنان صدیقی