ایران کو اپنے دفاع اور یورینیم کی افزودگی کا قانونی حق حاصل ہے، روس
اشاعت کی تاریخ: 25th, June 2025 GMT
سیکورٹی کونسل میں اپنے ایک خطاب سے واسیلی نبنزیا کا کہنا تھا کہ NPT کا رکن ملک نہ ہونے کی وجہ سے اسرائیل کی اس اجلاس میں شرکت باعث تعجب ہے۔ اسرائیل کیوں سلامتی کونسل میں موجود ہے؟۔ اسلام ٹائمز۔ سلامتی کونسل کے اجلاس میں اقوام متحدہ میں روسی نمائندے "واسیلی نبنزیا" نے کہا کہ NPT معاہدے کے تحت اسلامی جمہوریہ ایران کو یورینیم کی افزودگی کا مکمل حق حاصل ہے۔ ایران کا یہ جائز و قانونی حق ہے کہ وہ کسی بھی دراندازی کا موثر جواب دے۔ انہوں نے ایران کی جوہری تنصیبات کے خلاف اسرائیل کے حملوں کو، اقوام متحدہ کے منشور اور NPT معاہدے کی کھلی خلاف ورزی قرار دیتے ہوئے شدید مذمت کی۔ انہوں نے سلامتی کونسل کے اجلاس میں اسرائیل پر طنز کرتے ہوئے کہا کہ NPT کا رکن ملک نہ ہونے کی وجہ سے اسرائیل کی اس اجلاس میں شرکت باعث تعجب ہے۔ اسرائیل کیوں سلامتی کونسل میں موجود ہے؟۔
واسیلی نبنزیا نے کہا کہ ایران، پابندیوں میں ریلیف کا فائدہ نہیں اٹھا سکا۔ "ڈونلڈ ٹرامپ" کے گزشتہ دور صدارت میں جوہری مذاکرات سے امریکہ کی یکطرفہ دستبرداری نے معاہدے کے ثمرات کو ماند کر دیا۔ انہوں نے یورپ کے منافقانہ طرز عمل پر تنقید کرتے ہوئے کہا کہ ایران وہ ملک ہے جس کی ایٹمی تنصیبات کا سب سے زیادہ معائنہ کیا گیا اور IAEA کو اس بات کا کوئی ثبوت نہیں ملا کہ ایران، جوہری ہتھیار بنانے کا ارادہ رکھتا ہے۔ روسی نمائندے نے اس بات کی وضاحت کی کہ ہمارے یورپی ساتھیوں کی منافقت کی وجہ سے گورننگ کونسل نے ایران کے خلاف قرارداد منظور کی اور اس کے بعد اسرائیل اور پھر امریکہ نے ایران کی جوہری تنصیبات پر حملہ کیا۔
ذریعہ
ذریعہ: Islam Times
کلیدی لفظ: سلامتی کونسل اسرائیل کی اجلاس میں کہا کہ
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار